ناوەندو ئەرەیاونای و چاپەمەنیی هێزەکاو  پارێزنای گەل (هەپەگە)ی شناسنامەو دووۍ گەریلایاو ئازادیی کوردستانیش بە نامەکاو هەرەکۊل هەزەخ (یونس ئوراس)ی و کورتای شەڕزان (خەیرەدین گونەش)ی، کە چی دماییۊ گەشمەرڎۍ بیۍ ئاشکرا کەرد و ئانەش وست ڕووە، کە رێبازو ئا گەشمەرڎا وەر مەدا و تا ئارڎەیدیی  ئامانجەکاشا بۍ مرڎای کۊشیا.  

ئەرەیاونایەکە پێسنەن:

" جە ئەرەیاونای ٦ کانونو یوەمو ٢٠٢٣ واتەبێما، '٣ کانونو یوەمو ٢٠٢٣ دەوروبەرو شارۊچکەو دەیوانی کەربۊرانو مێردینینە دوۍ هامڕێما چەنی دوژمنی تووشو جەنگی ئامێنۍ و چاگە بە چەکی سووک وەرپەرچوو سوپاو تورکی ئەرەگیریشا دێنۊ و بە ئازایەتی بەرزۊ گژیێنێ. تا بەزیندەییچ نەگنا دەسوو دوژمنی، بە فیداییانە گەشمەرڎۍ بیێنێ. یۊ جە هامڕایاما کە گەشمەرڎە بییەن،رۊدی نالینا و چەنی ڕۊشنبییەیوە زانیارییەکا بارەو شناسنامەو هامڕاکەی تەریماوە، ئێمە شناسنامەکەیش پەی گەلە وەڵاتپارێزنەکەیما و ڕای گردینی ئاشکرا کەرمێ'. ئاشکرا بی کە ئا هامڕاما، کە ٣ کانوونو یوەمو ٢٠٢٣ گەشمەرڎە بی، هەرەکۊل هەزەخا.

هامڕاما هەرەکۊل پەی پارێزگاریی جە بییەی گەلوو کوردی، ڕزگارکەرڎەی وەڵاتەکەیما جە ئەرەگیریی دوژمنی پەی ئازادیی گەلەکەیما، ئاما دلۍ ڕیزەکاو گەریلایۊ. جە گابارۊ تا هەرێمەکاو پارێزنای مێدیای فرەو یاگەکانە پەی ماوەو ٨ ساڵا بۍ مرڎای کۊشیا. هامڕاما هەرەکۊل داراو گیانێوە فیدایی ئاپۊیی بێ، گەریلاێوە کریاوە و ئازا بێ. تا گردوو هەرمانەکا کە دریاش ملەرە ، بە بۍ دوودڵی و بۍ دڕدۊنگی تبۍ مرڎای کەرۊشا، بەرڎەوام کۊشیۍ یۊ جە نموونە بەرجەسەکاو جەنگاوەری ئاپۊیی و هامڕێوە خاکی و ساکار بوو. یادوو شۊڕشگێڵنیی نموونەیی هامڕایما هەرگیز فەرامۊش مەکریۊ و جە سەرکەوتەی کۊشیایمانە بەزیندەیی مەنۊوە.

پا هەستاوە سەرەوەشی جە سەرجەموو گەلی وەڵاتپارێزنوو کوردی و بەتایبەتی بنەیانەی بەڕێزوو هامڕایاما هەرەکۊل هەزەخی و خەڵکوو نیشتمانپەروەروو هەزەخی کەرمۍ وەعد مدەیمێ، کە ڕێباز و خەتەو گەشمەرڎا وەرە مەدەیمۍ و تا ئامیدیی  ئامانجەکاشا بێوچان کۊشیەیمێ.

زانیاریی بارەو شناسنامەو هامڕایما هەرەکۊل هەزەخی پێسنەن:  

شناسنامێ: هەرەکۊل هەزەخ

نامۍ و دمانامێ: یونس ئوراس

یاگۍ پەیدابییەی: شڕنەخ

نامۍ ئەدا- تاتەی: مەلاهەت- چاچان

وەخت و شۊنەو گەشمەرڎەبییەی: ٣ کانوونوو یوەمو ٢٠٢٣/ مێردین

ئامەدۊ تا کۊچگری گژیا

هامڕاما کورتای شەڕزان ١٧ تشرینو دووەمو ٢٠٢٣ وەختۍ مەیدانو کەماحی ئەرزینگانو هەرێمو دێرسیمینە سەرقاڵو هەرمانەو وێش بێ، ئەنجاموو خیانەتوو کەسێوەنە بە نامۍ ئاراسی گەشمەرڎە بی.  

هامڕاما کورتای فرەو مەنتێقەکاو دێرسیمینە گەریلایەتییش کەرد، بی بە جەنگاوەروە، کە بە هەڵوێستوو وێش، بەشداربییەی گیانبازانەیش و تووڕەییش وەراوەروو دوژمنی، بی بە نموونە پەی هامڕایەکاش و پاسەیچ گردوو هامڕایاش حەزکەرێنۍ و لاو ئادیوە جەنگ کەرا. هامڕاما کورتای وەختوو بەشداربییەیشنە ڕیزەکاو گەریلاینە تا وەختوو گەشمەرڎەبییەیش، بە بەشداربییەیش بە ڕیتمێوە باڵاوە سەرەمڕ وەڵێوە بێ. ئامەدۊ تا دێرسیم و قەرەدەنیزەوە تا کۊچگری بە بێوچان کۊشیا و گژیا.

بە بۊنەو گەشمەرڎەبییەی هامڕا کورتایۊ کە کە یۊ جە نموونە وەرەچەمەکاو بەئیرادەبییەی ئاپۊیین، سەرەوەشیی جە بنەیانەی بەڕێزیش و سەرجەموو گەلی وەڵاتپارێزنوو کوردستانی کەرمێ. وەحد مدەیمۍ کە پابەندۍ یادوو هامڕاما کورتای بیمۍ و بەدڵنیاییوە وەرم و ئاواتەکاش مارمۍ دی.

زانیارییەکۍ سەروو شناسنامەو هامڕاما کورتای شەڕزانی پێسنەن:

شناسنامێ: کورتای شەڕزان

نامۍ و دمانامێ: خەیرەدین گونەش

یاگۍ پەیدابییەی: وان

نامۍ ئەدا- تاتەی: حەمیدە- نورەدین

وەخت و شۊنەو گەشمەرڎەبییەی: ١٧ تشرینوو دووەمو ٢٠٢٣/ دێرسیم