هەپەگە ئەرەیاۋناش کە ھجومەکۍ دۊڵەتو ترکی ئەرەگیری ۋەردەوامېنۍ و جە بارەو چڕیەو میدیاو تورکیایچۊ کە باس جە 'گیان جە دەسداو ٦ گەریلایا' مکەرۊ ئەرەیاۋناش کە ئانە 'دروێنە'.

جە ئەرەیاۋناکەنە ئامان کە سوپاو ترکی ئەرەگیری ١٨و نیسانی ھجومېۋە ئاسمانی ۋەرفراوانش کەرڎەن سەرو گارەی. چنڎین مەیڎانۍ گارەی و دەگاکۍ دۊروبەریش ٢٨ جارۍ بە تەیارەی جەنگی بۊمبۋاران کەرڎۍ. وەزارەتو جەنگی تایبەتی چڕیەو ئانەیش کەرڎەن کە چا ھجومانە ٦ گەریلۍ گیانشا جە دەسدان، بەڵام چا ھجومە ئاسمانیانە حیچ زەرەرۍ گیانیما ۋەر نەکەوتەن. با گەلە ۋڵاڎپاڕێزەکەما و رای گرڎی گۊش جە دروەکا جەنگی تایبەتی رژێمو ئاکەپە-مەهەپەی فاشیستی نەگېرا".

هەپەگە سەبارەڎ بە ھجومەکا سوپاو ترکی ئەرەگیری ئی زانیاریېشە ئەرەیاۋنۍ:

"ھجومەکۍ سوپاو ترکی ئەرەگیری بە چەکی قەڎەغەکریا

'١٨و نیسانی سەنگەرەکۍ مدرامانیما جە سیدانە جارێۋە بە چەکی قەڎەغەکریا بۊمبۋاران کریۍ.

ھجومەکۍ سوپاو ترکی ئەرەگیری:

١٨و نیسانیەنە  مەیڎانەکۍ کەشو ۋەهاری، دەشتەکۍ دەگاکا کانیسارکی، یەکماڵی، گوزەی، شیۍ، زێڤکۍ، سێدارێی گارەی، دامېن و سیسەرۍ، مەیڎانەکۍ کەشو عەگیدی و دەشتەو کافیای ٢٨ جارۍ بە تەیارەی جەنگی بۊمبۋاران کریۍ.

١٨ و ١٩و نیسانیەنە جە مەیڎانەکا مدرامانو کەشو جودی، چەمچۊی و سیدای سەنگەرەکۍ مدرامانیما ٤ جارۍ بە هەلیکۊپتەری ھجومکەر ٥٧ جارېچ بە کاتیوشا، تانک و چەکی قورس بۊمبۋاران کریۍ".

هـ . ش