ناوەنڎوو ئەرەیاۋنای و چاپەمەنی هەپەگەی جە ئەرەیاۋنېوەنە ئاماژەش پەنەی کەرڎەن، کە ڕۊو ١٣و ڕابڕانی جە مېڎانوو مدرامانوو کەش و هەکاری جە دژوو ئەرەگیرا بە شێوێوە هەماهەنگ چالاکی کریان و لاوکەمیۆ ١٢ سەروازۍ سزا دریېنۍ و ژمارێوە فرە سەنگەرێچ دلېنە بریێنۍ.

جە ئەرەیاۋناکەینە ئی زانیاریۍ وزیێنۍ ڕووە:

"جە هەرێموو مەتینای؛

١٣و ڕابڕانی سەعات ٠٩:٠٠ جە مېڎانوو مدرامانوو کەش و هەکاری جە دژوو ئەرەگیرا چالاکیێوە هەماهەنگ ئەنجامدریا. جە چالاکیە هەماهەنگەکەنە کە بەشێوازوو هورکوای سەروو دوژمنی دەسشپنەکەرڎ، قۆڵی یووەم چالاکیەکە بە نارنجۆک، چەکی کەسیی و نیم ئۆتۆماتیک جە ئەرەگیراشا دا. جە گورزەی یووەمەنە ئەرەگیرێوە سزادریا. قۆڵی دووەموو چالاکیەکەی جە گروپێوە ١٥ کەسی ئەرەگیراشا دا. جە ئاکامەنە ٣ سەنگەرۍ دلېنەبریۍ و ٤ ئەرەگیرێچ سزادریۍ.

قۆڵی یەرەموو چالاکیەکەی بە رێبازوو نیشانەماڕۍ جە ئەرەگیراشا دا و ٤ ئەرەگیرۍ سزادریۍ. سەنگەرێوە کە ئەرەگیرەکېش چنە بێنۍ بە چەکی نیم ئۆتۆماتیک دلېنەبریا و ٣ ئەرەگیرۍ، کە دلېشەنە بێنۍ سزادریۍ.

جە ئاکاموو گورزەو هێزەکامانە ئەرەگیرەکۍ تەرسۍ و حۊڵشا دا بڕەما. هێزەکېما چا ئەرەگیرایچشا دا و ٨ ئەرەگیرێشا زامڎارۍ کەردۍ. جە ئاکاموو ئا چالاکیە هەماهەنگەینە بە گرڎیی ١٢ ئەرەگیرۍ سزادریۍ و ٨ ئەرەگیرێچ زامڎارۍ بیۍ.

حەرپاسە واردنگێوە گۊرە، ٢ خەیمۍ و چوار سەنگەرۍ دلېنەبریۍ. هامڕاما ژێهات کە بە گیان فیدایی ئاپۆیی و ئازایەتیۍ فرۆ بەشداریش جە چالاکیەکەنە کەردەبۍ، بە قارەمانی جەنگش کەرڎ و گەشمەرڎە بی. زانیاری ۋەرفراوان سەروو ئشناسنامەو هامڕایما ژێهاتی دماتەر پۍ گەلە وڵاتپارێزەکەیما و رای گرڎینی ئاشکرا کریۆ.

هجومەکۍ سوپاو تورکی ئەرەگیری؛

١٤و ڕابڕانی جە هەرێموو خواکورکی: مېڎانوو دەرەو لۆلانی یەرۍ جارۍ، جە هەڕێمی قەندیلی: مېڎانوو بەرەشۍ ٢ جارۍ، بە گرڎیی ٥ جارۍ ئا یاگۍ بە فرۆکەی جەنگی بۆردومان کریۍ.

هەرێمەکۍ زاپی، گەشمەرڎە دەلیلوو ۋەرنیشتوو زاپی، مەتینا و خواکورک تۆپبۋاران کریۍ".