هەپەگە ششناسنامەو گەشمەرڎێوەش ئاشکرا کەرد
هەپەگە شناسنامەو گەریلا ئامارا ئەکین جەرەنیێش ئاشکرا کەرد، کە هەرێمەکاو پارێزنای مێدیاینە ئەنجاموو ڕووەداێوەنە گەشمەرڎۍ بییە و سەرەوەشیش جە بنەیانەیش و گەلی وەڵاتپارێزنوو کوردستانی کەرد.
ناوەندوو ئەرەیاونای و چاپەمەنیی هەپەگە سەبارەت پا گەریلا گەشمەرڎۍ، ئەرەیاوناێوەش وەڵا کەردۊ. کە پێسنەنە:
"٢٦ تشرینوو یوەموو ٢٠٢٣ هامڕێما ئامارا ئەکین جەرەنە هەرێمەکاو پارێزنای مێدیاینە بە ڕووەداێوە گەشمەرڎۍ بییە.
هامڕێما ئامارا کە بەتامەزرۊییوە پەی ئازادی دەش بە ژیوای گەریلایەتی کەرد، گرد وەختێوەنە هەست بە ئازادی کەرۍ، پەی پارێزگاری جە ژیوای پیرۊزوو گەریلای، کە لاو هەزاران هامڕا گەشمەرڎاماوە خولقیان، دەسش بە کۊشیایۍ بێوچانی کەرد. هامڕێما بەدروسی و کەسایەتیی سروشتیی وێشۊ یاگێش دلۍ دڵوو هامڕایانە کەردۊ، جە گرد هەرمانێوەنە سەرکەوتۍ بۍ و یوە جە نموونە خاسەکاو جەنگاوەری ئاپۊیی بۍ. بە قووڵبییەیوە سەروو خەتەو ئازادیی ژەنۍ، فەلسەفەو ئازادیی ژەن-ەو ڕابەر ئاپۊیش کەرد بە شێوەی سەرەکیی ژیوای و بییە جەنگاوەرێوە نمونەییەو پاژک.
هامڕێما ئامارا بۊنەو ڕووەداێوە گەشمەرڎۍ بییە، پەوکای سەرەوەشی جە بنەیانەی بەنرخیش و گەلی وەڵاتپارێزنوو کوردستانی کەرمۍ و وەعد مدەیمۍ کە کۊشیایی نموونەیی هامڕێما ئامارۍ بە سەرکەوتەی تاجدار کەرمۍ.
زانیاری سەروو شناسنامەو هامڕێما ئامارا ئەکین جەرەنۍ پێسنەن:
شناسنامێ: ئامارا ئەکین جەرەن
نامۍ و دمانامێ: ئاژدا چەتین
یاگۍ پەیدابییەی: موش
نامۍ ئەدێ- تاتەی: موحسینە- حەقی
وەخت و شۊنەو گەشمەرڎەبییەی: ٢٦ تشرینوو یوەموو ٢٠٢٣/ هەرێمەکاو پارێزنای مێدیای
