مییانو ئەرەیاونا و چاپەمەنی هەپەگەی ئەرەیاوناش، دۆڵەتو ئەرەگیرو تورکی سەرەڕاو ئایێربەسی، چنی بۆمبواران و قورسو سەرو گەریلای، چەکی قەدەغەکریا و بۆمبی فسفۆر و چەکی کیمایی بەکارمارۆنە. جە هرووژمەکانە ٥ گەریلێ گەشمەرڏێ بیێ.
مییانو ئەرەیاونای و چاپەمەنی هەپەگەی ئەرەیاونێوە نوویسریاش وەڵا کەردۆ و واتش: "سوپاو ئەرەگیرو تورکی جە پایزۆ تا ئیسە، سەرەڕاو بۆمبوارانی سەخت پەی سەنگەر و مەڕەکاما جە مێڏانەکا کەش و وەهاری و کەش و جودی و کەش ە FM و کەش و ئامێدی جە هەرێمو گەشمەرڏە دەلیلو وەرنیشتوو زاپینە، چەکی قەدەغەکریا و بۆمبی فسفۆر و چەکی کیمیایی بەکار مارۆنە".
هەرپاسە ماچۆنە: "دماو پرۆسەو ئایێر بەسی کە ١ و ئادارینە ئەرەیاویا، ئی هرووژمی بەشێوێ دژوارتەر بەردەوامێنێ. بەتایبەت جە ٢٠ و ئاداریۆ هرووژمی قورس پەی سەرو هێزەکاما هەنێ کە گەرەکشانە پێگەو وێشا چی هەرێمەنە فاڕانە. سوپاو ئەرەگیرو تورکی، دۆخو هێزەکاماش بە فرسەت زانا کەهەوڵو فاڕاو پێگەو وێشا دانە، وە هرووژمش کەرد. ئینە نامەردییا. جە ڕەوشو ئیسەینە هەلقۆستەیۆ و نامەردی مکەرانە.
مشۆم گرڏو ڕاو گرڏی بزانانە جە ٢٠ و ئاداریۆ جە هەرێمو گەشمەرڏە دەلیلو وەرنیشتوو زاپینە، مڏرامان و جەنگێوە سەخت هەن. چی مڏرامانەنە، هەمڕێما عەباس و لۆرین و ڕەوان و ئۆزگور و بەسێ گەشمەرڏێ بیێ، دماتەر شناسنامەشا ئەرەیاونمێنە. دۆڵەتو تورکی بە ئیسفادە هور گێرتەی سەرو چن پێگێوە، هەوڵمڏۆنە حەقەو شکسە تاریخییەکەیش چی مێڏانەنە، مکەرۆوە. بەڵام حیچ چێوێ ڕاسی ئی مێڏانەیە نمەشارۆوە. ئیسەیچ دژو سەنگەرەکاما جە مێڏانو کەش و جودی و کەش و وەهارینە، بەشێوێ وەرچەم گازی کیمیایی بەکارمێنە. پەنەوازا تەمامو ڕاو گرڏی ئینەیە بزانانە.
وردەکاری دەربارەو هرووژمەکا سوپاو ئەرەگیرو تورکی و جوابدایۆ هێزەکاما؛
هرووژمو فڕۆکە جەنگییەکا سوپاو ئەرەگیرو تورکی؛
١١ و ١٢ و نیسانی مېڎانوو مڎرامانو کەشو وەهاری جە هەرێمو گەشمەرڎە دەلیلی جە ۋەرنیشتوو زاپی، ٢ جارۍ بە فڕۆکەی جەنگی بۊمبواران کریێنۍ.
هرووژمەکۍ سوپاو ئەرەگیرو تورکی بە چەکی قورس؛
١١ و ١٢ ی نیسان، جە مېڎانوو مڎرامانو بەری زینی و سنین و لۆلان جە هەرێمو خواکورکی ١٦ جارۍ، مېڎانەکۍ تەپو زەنگلی و دەشتەو کافیەو هەرێمو گارەی ٧ جارۍ، مېڎانوو مڎرامانو کەشو وەهاری جە هەرێمو گەشمەرڎە دەلیلی جە ۋەرنیشتوو زاپی ٢٠ جارۍ، بەگرڎیی ٤٣ جارۍ بە چەکی قورس و تۆپە و هاوەنۍ، هرووژم کریان.
١٢ و ١٣ و نیسانی، بنارەکۍ پانیشتوو مېڎانوو مڎرامانو کەشو وەهاری جە هەرێمو گەشمەرڎە دەلیلی جە ۋەرنیشتوو زاپی ٣ سەعاتۍ بە هەلیکۆپتەری جەنگی بۊمبواران کریا. چی بۊمبوارانەنە، دەگایەکۍ بەلاڤێ و گوهەرزێ زەرەرشا لا یاوا، گولـلۍ و تەقەمەنییەکۍ کۊتۍ دلۍ دەگایەکا.
دەسوەردای هێزەکاما دژو هرووژمەکا؛
١٣ و نیسانی سەعات ٧:٣٠، دەیەقۍ تانکێوە کە مەڕۍ و سەنگەرۍ هێزەکاما جە مېڎانوو مڎرامانو کەشو وەهاری جە هەرێمو گەشمەرڎە دەلیلی جە ۋەرنیشتوو زاپی بۊمبواران کەرۍ، جە لایەنو یەکینەکاو ئاخین موشیوە بە درۆنی کامیکاز کریا ئامانج و دلېنەبریا. ئی چالاکییە جوابۍ بۍ جە ۋەرا ۋەرو بۊمبوارانو سوپاو ئەرەگیرو تورکینە پەی سەرو هەرێمەکەی".
