شاندو پەرلەمانتارا بەریتانیا_یۊبیەی ئۊروپای کە جە ١٤ کەسا پێکمۍ، هېزی جە بەریتانیاوە کۊتۍ ڕا، دەسشا کەرڎ بە زنجیرە گلېرۊبیە دیپلۆماسیەکاشا جە پانیشت و ۋەرنیشتوو کوردەسانینە ، کە جە لایەنو نوێنەرایەتی ئەنجوومەنو سوریای دیموکراتیک (مەسەدە)و بەریتانیای و مېیانو (for Kurdish Progress) ڕێکوزیا.

شاندەکە پێکئامان جە پەرلەمانتارا پارتو پارێزگارا مات ڤیکەرز، پارتو کرێکارا لۆرد دەیڤید و لۆرد جۆن مان، ئەندامو پەرلەمانو ئۊروپای، لوکاس سیۆر، ئەندامی شارەوانی شاری لەندەن ئونمەش دێسی، ڕاوەبەرو ئەنجوومەنو ئەوەکۊڵیای عەرەب – ئینگلیزی (Council for Arab-British Understanding) کریس دۆیل، نوێنەراو یۊبیەی ئۊروپای، هۆفمان و کریس شیلەر.

ڕۊی یووەم جە شارو هۊلێرینە گلېرۊبیەیۍ چنی ۋەرپەرسو فەرمانگەو پەیوەندییەکا جبەرو حکوومەتو هەرێمو کوردەسانی سەفین دزەیی ئەنجامدریا. ئەرەیاۋېیا کە ئاڎۍ پاڵپەشتی جە دەسوەڵێوستەکەو ڕابەر ئاپۆی مکەرا پەی ئاشتی و داوا جە گرڎ لېوە جە ئۊروپا و بەریتانیانە کریا کە ەشتیوانی ئی پرۆسەیە بکەرا.

سەبای شاندەکە چنی سەرۆکو حکومەتو هەرێمو کوردەسانی مەسرور بارزانی و سەرۆکو پەدەکەی مەسعوود بارزانی گلێربۆوە. شاندەکە جە چن ڕۊی ئایندەنە سەردای ۋەرنیشتی مکەرۆ و چنی فەرماندەو گرڎیی قەسەدەی مەزڵوم عەبدی و هامسەرۆکو فەرمانگەو پەیوەندییەکا جبەرو ئیدارەو ۋێڕاوەبەری ئیلهام ئەحمەدۍ و ۋەرپەرسا تەری کوۍ باوە.