سویدەنە جەلایەنو هەڵمەتەو وەرگری پەی ئازادکەردەی زینانییا سیاسیی جە وەرکەوتوو کوردەسانی و ئێرانەنە پەی پەشتیوانی جە وریشە مورادی، پەخشان عەزیزیێ و شەریفە محەمەدیێ چالاکی کریا.
ڕۆو ویەردەی وڵاتو سویدینە گلێرۆبییەی ناڕازی جەلایەنو کەمپەینو وەرگری پەی ئازادیی زینانییا سیاسیی جە وەرکەوتوو کوردەسانی و ئێرانینە بە بەشداری چالاکوانا و ئازادیوازا بە مەبەسو پەشتیوانی کەردەی جە وریشە مورادیێ و، پەخشان عەزیزی و شەریفە محەمەدیێ لواڕاوە.
هەرپاسە جە کەمپەینەکەینە چالاکوانێ داواشا کەرد، خەڵکی ئازادیوازێ پەی پەشتگیری کەردەی و مدرنا و سزاو جەقەناردای ئا یەرە ژەنە زینانیێ سیاسییا مچیانە سەرو جادەکا و دژو ئێرانی مرداوە .
یاگێ ئاماژەینە، جە ٨ـو کانوونو دووەمو ئێساڵینە جەلایەنو دادوەرو کوشیاو ئێرانیۆ عەلی ڕەزاینی جابەجێ کەردەو سزاو جەقەنارەدای پەخشان عەزیزیێ و ژەنە چالاکێ کوردی پەسەن کریا، هەرپاسە جە ١٠ـو تشرینو دووەمی ٢٠٢٤ جەلایەنو قاسم سەڵواتی سزاو جەقەنارەدای سەرو وریشە مورادیێرە سەپیا، هەرپاسە جە ١٣ـی مانگەو شووباتیۆ واوەی سزاو جەقەنارەدای شەریفە محەمەدیێ پەسەن کریاوە.
