قارەمانو حیلوانی، جومعە چات ٨٢ ە ساڵینە عەمرەو خوایش کەردە
جومعە چات کە بە شێوێ چالاک بەشداری مڏرامانو حیلوانی بی، دماو کودەتاو سەروازی زینانی کریا و ئەشکەنجەی قورس دریا، ٨٢ ساڵینە عەمرەو خوایش کەردە.
جومعە چات کاتو کودەتاو سەروازی ١٢و ئەیلولی جە زینانو ئامەدینە زینانی کریا، جە خەسەخانەو شارو مێرسینی کاتو چارەسەرکەردەیش عەمرەو خوایش کەردە.
جومعە چات کە بە شێوێ چالاک بەشداری مڏرامانو حیلوانو ساڵەو ١٩٧٨-٧٩ بی. دماو کودەتا سەروازییەکەو ١٢و ئەیلولی زینانی کریۆنە و جە زینانو سەروازی ژمارە ٥و ئامەدی و جە زینانەنە ئەشکەنجەی فرە سەخت دریۆنە.
قادر چات جە مییانو کلتووری میزۆپۆتامیای سەرو میدیاو دیجیتاڵی ئەرەیاوناش کە تاتەش، جومعە چات عەمرەو خوایش کەردێنە.
قادر چات واتش: "تاتەم جومعە چات کە بەشدارو مڏرامانو حیلوانی بێ، جە زینانو ئامەدینە جە دژو کودەتاو فاشیستی ١٢و ئەیلولی جە وەراوەرو ئەشکەنجەداینە مڏرامان مکەرۆ، عەمرەو خوایش کەردە."
تەرمو چاتی دما نیمەڕۆو ئارۆی جە قەبرسان و کارادوڤاروی ئەسپەردەو خاکی کریۆنە.
