ژەنێ جوانێ پەی ئازادی ڕابەر ئاپۆی ڕاپیمایشا ئەنجام دا
یۆبییەو ژەنە جوانا حەلەبی بە ڕاپیمێوە داواو ئازادی جەسەیی ڕابەر ئاپۆیشا کەرد.
یۆبییەی ژەنە جوانا بە دروشموو "پەی ئازادی کات کاتو سەرمەشقایەتییا" بە داواکەردەی پەی ئازادی جەسەیی ڕابەر ئاپۆی ڕاپیمایشا ئەنجام دا.
ونکارێ، ئەندامێ ئەنجوومەنی، گروپ و ڕێکوزیێ مەدەنییەکێ بەشداری ڕاپیماکەی بیێ. ڕاپیماکەی وەردەمو مەکتەب و بەرا بن مالکی جە وەرکەوتوو کۆڵانە و شێخ مەقسودینە دەسش پنەکەرد، ڕاپیماکەینە وێنەو ڕابەر ئاپۆی و لافیتێ بە نویستەو "ژەنێ، ژیوای، ئازادی" بەرزکریاوە.
ڕاپیمایە جەماوەرییەکە جە مێڏانو جەبانات بێ و بە دەقێوە ڕێز پەی یاڏو گەشمەرڏا ئازادی دەسش پنەکەرد. ئەندامەو یۆبییەو ژەنە جوانا زەینەب عەبدۆوە قسێش کەردێ و ئاماژەش بە بانگەوازو ئاشتی ڕابەر ئاپۆی کەرد و واتش: "ئی بانگەوازە سەرو ئاستو دلینەی، هەرێمی و مییاننەتەوەیی قبوڵکریا و بی بە مەڵامەتو فاڕییای جە وەرکەوتوو مییامینی و جەهانی."
زەینەبە پەی ئازادی جەسەیی ڕابەر ئاپۆی بانگەوازو گۆرە کەردەو ئەوەکۆشایشا کەرد.
ڕاپیماکەی بە دروشموو "بژیوۆنە سەرۆک ئاپۆ" و "بێ سەرۆک ژیوای مەبۆنە" دمایش ئاما.
