کەمێ وەڵێ ئیسەی، مەرازو ئەنفالینە جە سنوورو ناوچو چەمچەماڵی پارێزگاو سلێمانی، بە ئامادەبییەو کەسووکارو ئەنفالکریاکا و وەرپرسا هەرێمی و هاموڵاتیێ، مەراسیمو ٣٧ـەمین ساڵیادو جینۆسایدو ئەنفالی دەسش پنەکەردەن.

ئەنجامداو چنین چالاکیێ

قەرارا حەر ئارۆ، چنین نمایشکێ فۆتۆگرافێ و شێوەکارێ تایبەتێ بە ئەنفالی کریاوە و جە مەراسیمە سەرەکییەکەنە چنین وتارێ جەلایەنو کەسووکارو ئەنفالکریا و وەرپرسێ هەرێمی و حزبییۆ بلۆڕاوە.

قەرارا چالاکییەکێ مەراسیمو ٣٧ـەمین ساڵیادو ئەنفالی تا ڕۆو یەکشەمەی بەردەوامێ بانە.

شاڵاوەو قڕکەردەو ئەنفالی، کە ساڵەو ١٩٨٨ بە قەرارو ڕاسەوخۆو سەدام حسێنی و بە سەرپەرشتی عەلی حەسەن مەجیدی ئەنجام دریا. بە هەشت قۆناغێ لوا ڕاوە، بەمەڵامەتو ئانەی ١٨٢ هەزار هاموڵاتیی کوردێ قڕکریێ ، نزیکەو چوار هەزارێ و ٥٠٠ دەگێ وێرانێ کریێ و هانەکێشا تەقنێوە، هەرپاسە چێر خانو کشتوکاڵو پانیشتوو کوردەسانیشا تا ڕادێوە فرە دلێنە بەردێ. ئەنفال یەککاتەنە قڕکەردەو گەلوو کوردی و سرووشتو کوردەسانی بێ.