ناوەنڎوو ئەرەیاۋنای و چاپەمەنی هەپەگەی وەڵاش کەردۆ، "گەریلاکاو ئازاڎیی کوردسانی بە جۆش و خرۆشوو نەورۆزیوە وەهارشا دەسپنەکەرد و بە ڕۆحوو مدرامانیوە پێشوازیشا جە مانگەو نیسانی کەردە. گەریلاکاو ئازاڎیی کوردسانی کە جە گرڎ شۊنێنە جە سەرنیشتوو کوردسانیوە تا هەرێمەکاو پارێزنای مەدیای بە ڕۆحی فیداییانەو ئاپۆییوە درێژە بە کۊشیای ۋێشا مڎا، جە مانگەو نیسانینە بە هەمان ئیراڎۆ درێژە بە مدرامانوو ۋێشا مڎا."

هەپەگە جە درێژەو ئەرەیاۋناکەیشەنە ماچۆ، "سوپاو ئەرەگیرەو دەوڵەتوو تورکی جە مانگەو نیسانینە جە فرەو شارەکا سەرنیشتوو کوردسانی، جە دێرسیم تا مێردین، جە بۆتان تا جولەمێرگ دەسش بە ئۆپەراسیۆنی کەرد. بەڵام جە هیچ کام جە ئۆپەراسیۆنەکاشەنە ئەنجامش بەدەس نارد. گەریلاکۍ سەرنیشتی چنی ئامای وەهاری کۊتۍ دلۍ پراکتیکی سەرکەوتەیۆ. هجوومە ئەرەگیریەکۍ دژوو هەرێمەکاو پارێزنای مەدیای بە بۆردومانی ئاسمانی و زەمینیۆ بەردەوامیشا بۍ، دەوڵەتوو تورکی قڕکەری جە هەرێمەکاو پارێزنای مەدیاینە هجووم مکەرۆ سەروو گەریلاکا، بە مەبەسوو ئەرەگیرکەردەو پانیشتوو کوردسانی دیڎارۍ و بازرگانیۍ گڵیاوۍ فرێش کەردۍ. دەوڵەتوو تورکی ئەرەگیری و قڕکەری پەی بە دەسئاردەی پاڵپەشتی وەڵۍ هجوومی ئەرەگیری ماناش ئانێنە کە جە ۋەرا ۋەروو مدرامانوو گەریلاکاو ئازاڎیی کوردسانینە، ڕووبەڕوو ئاستەنگی بیەنۆ و نیشانەش مڎۆ کە ئیتر بە تەنیا مەتاوۆ هیچ ئەنجامێوە بەدەس بارۆ. ۋەروو ئانەی سوپا و دەوڵەتوو ئەرەگیروو تورکی پەیش بەرکۊتەنە کە بە تەنیا مەتاوۆ ڕووبەڕوو دژواری تاکتیکی، ئاستی تەکنیکی و دەور و چنەئامایی و ڕۆحی بەرزی فیداکاری ئاپۆیی بۆوە کە گەریلاکاو ئازاڎیی کوردسانی بەدەسشا ئاردەن.

ئەرەیاۋناکەو ناوەنڎوو ئەرەیاۋنای و چاپەمەنی هەپەگەینە پی جۊرە ئامان:

"سوپاو تورکی ئەرەگیری دماو ئانەی جە حەقەتینەکا یاوانە، جە ١٦و نیسانینە بە بێدەنگی و بۍ ئانەی جە ئەرەیاۋناکانە وەڵاش بکەرۊوە، ئۆپەراسیۆنی ئەرەگیریش پەی سەروو مەتینای دەسپنەکەرد. بە پەشتیوانی (پەدەکە)ی، ۋەرە ۋەرە جە مېڎانەکەنە بنەشا وستە و هەنگام بە هەنگام دەسشا بە جمای کەردەن. حەرچنڎە پا جۊرە دەسش بە هجوومېوە ئەرەگیری کەردەن، بەڵام بە ئاشکرا نەئەرەیاۋنانش. سوپاو تورکی ئەرەگیر و میدیاو جەنگی تایبەتی فاشیستی جە لېوە هجوومی ئەرەگیریشا شارتەنۆ و جە لېوەتەریچۆ درەۍ وەڵۍ مکەراوە کە گرڎ ڕووۍ هێزەکېما زەرەرشا پنە میاونا. جە مدرامانوو مانگەو نیسانینە هەڤاڵاما ئارارات هەرەکۆل و بەرژین یڵمازە و زین زاگرۆسە گەشمەرڎۍ بیۍ و بە وردی ئشناسنامەو هەر یەرە هەڤاڵەکەیما پەی گەلی وڵاتپارێزیما و ڕای گرڎیی وەڵا کەردۆ."

پېسەو گەریلاکاو ئازاڎیی کوردسانی جە کۊشیای ئێساڵینە فرەتەر بە بڕیارێنمۍ، جە تاکتیکەنە شارەزاییما بەدەس ئاردەن، جە گرڎ ڕووێوە ۋێما ئاماڎە کەردەن و بە حاکمیەتێوە بەرزی دەروونیۆ بەشدارۍ کۊشیای بیێنمۍ. سەروو ئا بنەمایۍ هێزەکێما ساڵەی تازێشا دەسپنەکەردە، بە هەمان ئیراڎە و ڕۆحی فیداییانەو ئاپۆییوە پەی ماڕای و دلېنەبەردەی پیلانە ئەرەگیریەکا دەوڵەتوو تورکی ئەرەگیری، درێژە بە کۊشیای ۋێما مڎەیمۍ.

ئامارەکۍ مانگەو نیسانی

ئامارەکۍ کۊشیای مانگەو نیسانی پی جۊرەنە:

هجوومەکۍ سوپاو دەوڵەتوو تورکی

هجووموو فڕۆکە جەنگیەکا: ٢٧٩ کەڕەتۍ

هجووموو هەلیکۆپتەری جەنگی: ٣٠ کەڕەتۍ

هجوومی تەقەمەنی قەڎەغەکریای: ١١ کەڕەتۍ

هجووموو فڕۆکەی بێفڕۆکەوانی جەنگی: ٩ کەڕەتۍ

هجووم بە چەکی کیمیاوی: ١ کەڕەت

چالاکییەکاو گەریلای

چالاکییەکاو گەریلای  بەگرڎیی: ٢٩ کەڕەتۍ

کوشتەی دوژمنی

ژمارەو ئا ئەرەگیرا سزا دریێنۍ: ١٢ ئەرەگیرۍ

ژمارەو ئا ئەرەگیرا زامڎارۍ بیێنۍ: ٣ ئەرەگیرۍ

ئا ئامێرۍ دلېنەبریێنۍ

سەنگەر: ١

سیستموو ڕاداری: ١

کامێرای چەمڎاری: ٨

پرۆجەکتۆر: ١

چەک و ئامێرۍ سەروازیۍ دەس سەرەرە گیریۍ

چەکی تاکەکەسی MPT-55: 1

دووربین و چەکی: ٢ دڎنۍ

گڵۆپی ڕۊشن کەرەوە: ١ دڎنە

بەرچاوکە: ١

هێلیکۆپتەرێوە سکۆرسکی وزیارە واری