هەپەگە یاڎو دووۍ گەریلایا گەشمەرڎەیش بەرزڕاگێرت
هەپەگە بەڕێزۆ یاڎو دووۍ گەریلایا گەشمەرڎەیش کەرڎۆ و ئەرەیاۋناش، "بیۍ بە نوێنەرۍ توڕەیی بێکۆتاو جوانا کورڎی جە ۋەرا ۋەرو ئەرەگیرانە".
ناوەڼو ئەرەیاۋنای و چاپەمەنی هەپەگەی جەبارەو گەریلا گەشمەرڎەکاوە ئەرەیاۋناش:
"هەمڕێما کەمال و دەوران جە هرووژمۍ دژمنینە جە ٥و ئەیلولو ٢٠٢١ ینە جە هەرێمەکاو پارېزنای مەدیاینە گەشمەرڎۍ بیۍ. جە ساڵڕۆو گەشمەرڎەبیەیشانە یاڎو هەمڕایاما کەمالی و دەورانی، کە پەی ئازاڎیی گەلەکەیشا گیانو ۋێشا بەخشا بە رێز و پنەزانایۆ بەرزڕاگێرمۍ و قەول واوەی مکەرمێوە کە ئێمە ئەرەکۊشای ئاڎیشا تا سەرکۆتەی درێژە پنە مڎەیمۍ.
هەمڕێما کەمال و دەوران کە بە زانابیەی ئانەی کە ئازاڎیی بە بێ قوربانیدای بەدەسنمۍ، ئامۍ پەی کەشەکاو کورڎەسانی، سەرەمڕە ئەرەکۊشایشا کەرڎ و گرڎ جەنگێوەشا کەرڎ بە مەڵامەتو یاوای بە جەوهەرو ۋێشا. جە هەمان کاتەنە بیۍ بە نوێنەرۍ توڕەیی بێکۆتاو جوانا کورڎی جە ۋەرا ۋەرو ئەرەگیرانە کە گەرەکشا بۍ بیەو گەلەکەیما دلێنەبەرا. هەمڕێما کەمال و دەوران جە ۋەرا ۋەرو گرڎ تاونایۆیۍ کولتوری، قڕکەردەی و کۆمکوژیەکا دژمنینە بیۍ بە حەقسانۍ جوانا کە عەشق و ئازاڎیی ئینا دڵشانە. چا ڕوانگۆ بیۍ بە بانگەوازو بەشداربیەی جە ئەرەکۊشای پەی تەمامو ئا جوانا کورڎەسانی کە جە کورڎەسان و تورکیانە جە گۆرە شارەکانە مژیۋا.
سەرەوەشی جە بنەیانەی بە قیمەتیشا مکەرمۍ کە جەنگاوەرۍ قارەمانۍ پېسە هەمڕایا کەمالی و دەورانیشا جە ئەرەکۊشای ئازاڎیی گەلەکەیمانە بەشدارۍ کەردۍ، هەرپاسە سەرەوەشی جە گەلی وڵاتپارێزو کورڎەسانی مکەرمۍ، قەولو سەرکۆتەی کە بە گەشمەرڎاما دان جارێوەتەر واوەیش مکەرمێوە.
زانیاری سەرو ئشناسنامەو هەمڕا گەشمەرڎەکاما پی جۆرەنە:
ناسنامۍ / کەمال پڵنگ
نامۍ و دما نامۍ / عوبەیدوڵا محەمەد لاچین
شۊنەماو جە ئەڎابیەی / ئیستەنبوڵ
نامۍ ئەڎۍ و نامۍ تاتەی / گوڵێ - ئورهان
شۊنەماو کاتو گەشمەرڎەبیەی / ٥و ئەیلولو ٢٠٢١/ هەرێمەکاو پارېزنای مەدیای
*****
ناسنامۍ / دەوران جودی
نامۍ و دما نامۍ /نیعمەت فندک
شۊنەماو جە ئەڎابیەی / شڕنەخ
نامۍ ئەڎۍ و نامۍ تاتەی /سوڵتان- مەحمود
شۊنەماو کاتو گەشمەرڎەبیەی /٥و ئەیلولو ٢٠٢١/ هەرێمەکاو پارېزنای مەدیای
