هەپەگە ئشناسنامەو ٢ گەشمەرداش ئاشکرا کەرد
هەپەگە ئشناسنامەو ٢ گەریلایاش ئاشکرا کەرد، کە خواکورکەنە گەشمەردێ بیێ و ئەرەیاوناش:" بە ئەزموونوو وێشا چا کۆشیاینە کە بە ئێمەشا ئسپاران، پەی هەمیشەی کۆشیایمانە زیندێنێ و مبانە بە نمونە".
ناوەندوو ئەرەیاونای و چاپەمەنیی هەپەگەی سەبارەت بە دووێ گەریلا گەشمەردا ئەرەیاوناش:
"نیسانوو ٢٠٢٤، هجوومێوی دوژمنینە پەی سەروو هەرێموو خواکورکی هامرێما دکتۆر تیژدا و فەڕاشین بە بەشداریی چالاکانەشا جە کۆشیای ئازادیینە بیێ بە کۆشەرێوی پەکەکەی و پاژکی و گەریلاو یەژا ستاری. بە ئەزموونو وێشا، چا کۆشیاینە کە بە ئێمەشا ئسپاران، پەی دایمی، کۆشیایمانە زیندێنێ و مبانە بە نموونە.
پێسەو بەنرختەرین ڕۆڵەو گەلەکەیما کە ڕووبەڕووێ تەرسی و کۆکوشیێ بیێوە، بەخشای فرسەتوو ژیوایشا ڕەت کەردۆ و وێشا فیداو جەنگوو بییەی گەلەکەیما کەرد و سەروو ئا ڕێوە کە ورەشا چنیێبێ، سڵشا جە هیچ جۆرە فیداکاریێوە نەکەردۆ. هامڕێما تیژدا و فەراشین جە ئاستوو کۆمەڵایەتیی ژەناو کوردینە، چا کەسانە کە فەلسەفەی ئاپۆییشا ئشناسان، بیێ بە نمونێوی دیار. جە گلێرگێوی پیاسالارەنە دژوو سەپنای کۆیلایەتی و کۆنەپەرسی ئازادییشا هورچنی و ڕووەشا کەردە کەشەکاو کوردسانی. هامڕێما تیژدا و فەراشین وێشا بە ڕۆح و یاواینەوە ئازاد کەرد و بیێ بە ئازادیوازێ. پی تایبەتمەندییوە بیێ بە نموونە پەی گردوو ژەناو کوردی، بە پراکتیک سەلەمناشا کە دژوو کۆیلایەتی، ئەلتەرناتیڤوو ژیوای ئازادی بە فەلسەفەو ڕابەر ئاپۆی وەش مبۆنە و ئینەیچە بە سادەتەرین و سروشتیتەرین شێوەو وێش کەشەکاو کوردسانینە میاوۆ یاگێ. هەمان وەختەنە پەی گردوو ئا ژەنا شۆنەو ئازادییرە مگێڵا بیێ بە هومێد.
ئێمە پێسەو هامڕایەکاشا، جە کەسایەتیی هامڕایا تیژدا و فەراشینینە گردوو گەشمەرداو ڕاو ئازادیی بە ڕێز و منەتەوە یاد مکەرمێوە و سەرەوەشییما ئاراسەو بنەیانەی بەڕێزیشا و گردوو گەلی وەڵاتپاریزنوو کوردسانی مکەرمێ.
زانیاریی سەبارەت بە ئشناسنامەو هامڕا گەشمەردەکاما ئینەن:
ئشناسنامێ: تیژدا ژیان
نامێ و دمانامێ: نوربەهار قەرەداغلی
پەیدابیێ: ڕوحا
نامێ ئەدێ و تاتەی: هەدیە - محەممەد
وەخت و شۆنەو گەشمەردەبییەی: نیسانوو ٢٠٢٤ / خواکورک
ئشناسنامێ: فەڕاشین گابار
نامێ و دمانامێ: بەهار ئاکیۆل
پەیدابیێ: شڕناخ
نامێ ئەدێ و تاتەی: فاتمە - عەبدوڵا
وەخت و شۆنەو گەشمەردەبییەی: نیسانوو ٢٠٢٤ / خواکورک
