مېیانو ئەرەیاۋنای و چاپەمەنی هەپەگەی بە ئەرەیاۋنێوە شناسنامەو هەردووە گەریلایا ئازادی ڕۆژهات و ئاژوانیش ئاشکرا کەرد، کە جە کاتی جیا جیانە جە مڎرامانەنە دژ بە هرووژمەکا دۆڵەتو تورکی ئەرەگیری جە هەرێمەکاو پارېزنای مەدیاینە گەشمەرڎۍ بیۍ.

ئەرەیاۋناکەو هەپەگەی پی جۊرەنە:

"هەمڕێما ڕۆژهات سەرحەد و ئاژوان چلچەمە جە کاتی جیا جیانە جە ئەنجامو هرووژمەکا دژمنینە پەی سەرو هەرێمەکاو پارېزنای مەدیای گەشمەرڎۍ بیۍ. بە ڕێز و پنەزانایۆ یاڎو هەمڕا گەشمەرڎەکاما مکەرمېوە، قەولما واوەی مکەرمېوە کە ئەوەکۊشایما بیاونمۍ بە سەرکۊتەی.

جە ساڵۊو ٢٠٢٤ینە مڎرامانێوە تاریخی لوواڕاوە و گورزەی فرە سەختە جە سوپاو تورکی ئەرەگیری شنیا. هەمڕێما ڕۆژهات و ئاژوان جە ساڵۊو ٢٠٢٤ینە جە هەنگامەکا شۆڕشگێڵنینە بەشدارۍ بێنۍ و بە شێوێوە فرە عال ئەرکی میلیتانی ئاپۆیی ۋێشا جا بەجێکەرڎ. بە ڕەنج و ئەوەکۊشایشا سەرو هێڵۊو فیدایی، جە تاریخو قارەمانی گەلینە یاگێشا گېرتە. هەمڕێما ڕۆژهات و ئاژوان ۋێشا بە ۋەرپەرس زانا جە ئاستو ئازادی گەلەکەیمانە و جە سەرنیشت و ۋەرکۊتوو کوردەسانیوە بەشدارۍ دلۍ ڕیزەکاو گەریلای بیۍ. میلیتانۍ ئەوەکۊشای ئازادی کوردەسانیشا جا بەجۍ کەرڎ کە دلۍ پارتەکەیمانە بەرکۊتەن. جە حیچ فیداکاریێوەنە نەبڕەمۍ و ئەوەکۊشای فیداییانەشا پېسە کرێڵو سەرکۊتەی وینا. هەمڕاکێما جە ژیۋای ئاسایی ۋێشانە و جە کاتو جەنگیچەنە حیچ کاتێ سازششا جە هەڵوێسو ۋێشا نەکەرد. پۊکەی هەمڕێما ڕۆژهات و ئاژوان کە دلۍ دڵو گرڎو هەمڕایاشانە یاگۍ ۋێشا گېرت، هامکات پەیما بیۍ بە بەهانۍ زیاتەرو ئەوەکۊشایما.

سەرساغی ۋێما جە بنەیانەی قارەمانو هەردووە هەمڕا گەشمەرڎەکاما، جە گەلوو کوردەسانیما مکەرمۍ و قەولما واوەی مکەرمېوە بە سەرمەشقایەتی گەشمەرڎاماوە هەنگامەو سەرکۊتەیما بە ئازادی تاجدار بکەرمۍ.

زانیارییەکۍ سەرو هەمڕا گەشمەرڎەکاما پی جۆرەنە:

ناسنامۍ / ڕۆژهات سەرحەد

نامۍ و دما نامۍ / نیهاد شاهین

شۊنەماو جە ئەڎابیەی / وان

نامۍ ئەڎۍ و نامۍ تاتەی / عالییە – ڕەشید

شۊنەماو کاتو گەشمەرڎەبیەی / ١٦و تشرینو دووەمو ٢٠٢٤ / هەرێمەکۍ پارېزنای مەدیای.

**

ناسنامۍ / ئاژوان چلچەمە

نامۍ و دما نامۍ / یاسین شێخە

شۊنەماو جە ئەڎابیەی / سەردەشت

نامۍ ئەڎۍ و نامۍ تاتەی / زوڵەیخا – موسا

شۊنەماو کاتو گەشمەرڎەبیەی / ٨و تشرینو دووەمو ٢٠٢٤ / هەرێمەکۍ پارېزنای مەدیای."