جە سویسرا پلاتفۆرمو هۆرامی و ١٢ رێکوزیێ کوردستانیێ بەشدارێ چالاکی و ڕاپیمایێ مەودادرێژی دژ بە پەیمانو لۆزانی بیێ و جە میانشەنە هۆرام دەستنیشانش کەرد : لۆزان نەک وەڵاتەکەما، بەڵکو مەژگیچش بەش کەردێنمێ.
جە ڕێککەوتو ١٠/١١/ و ١٢ جووڵای، جە سویسرا جە درێژەو چالاکیێ و کۆشای پلاتفۆرمو هۆرام-ی جە بەروو وەڵاتی، مادێح ئەدوایی ئەندامو پلاتفۆڕمەکەی بەشداریش کەرد جە چاڵاکی ڕاپەیمای یەرە ڕوەی دژی بە ئەرەگێرتەی و فاشیزمو تورکیای و گۆشەگیری ئیمرالی و بەتایبەتی پەیمانامەو لۆزانی.
چالاکیەکە کە جە لاو کۆنگرەیگلێرگەو دیمۆکراتیکو کوردستان جە ئەوروپا (کەجەدەکە-ئە)ی و کۆنگرەو نەتەوەیی کوردستانی (کەنەکە)یەوە ڕێکوزیابێ، نارەزایەتی وەرانوەروو بڕیارەکاو پەیمانو ڵۆزانی نیشانە دریا کە بەشکەردەی کودستانیش ونەکەوتەنەوە.
جە چوارچوەو چالاکیەکەیەنە، ڕاپەیمایێوی مەودادرێژی جە لۆزان تا ژنێف ڕێکوزیا و یەرێ ڕوێش خینا. دماتەر جە وەرانوەرو نمایەندەیی نەتەوە یۆگێرتەکانە بە وانایۆ پەیامو لایانە بەشدارەکان، چالاکیەکە دمایی ئوما.
یاگۍ ئاماژەیەنە کە چالاکی و ڕاپیمایەکەنە، دلێشانە پلاتفۆرمو هۆرامی، زیاتەر جە ١٣ رێکوزیێ بەشدارێ بیێ بێنێ و جە میانشەنە مادێح ئەدوایی ئەندامو پلاتفۆڕمو هۆرامی بە نامێ پلاتفۆرمەکەیەوە پەیامێش واناوە کە بابەتو پەیامەکەی پی چۆرەنە:
ئیمە پێسەو پلاتفۆرموو هۆرام-ی دەنگو پەشتیوانی خەڵکو هۆرامان پەی یۆگێرتەی نەتەوەیی و ناڕەزایەتیشا پەی بەرکەردەو داگیرکارا جە وەڵاتەکەیمانە و وەرانوەروو خاڵەکاو قەباڵە (پەیمان)و لۆزانی نیشانە مدێمێ. قەباڵەو لۆزانی کە سەرو ئەساسو ئینکارو گەلەکەیماوە رێکوزیان بەبێ ئانەی ئیرادەو گەلەکەیما بە بنەما بگێرۆ، وەڵاتەکەماش میانو چەنڎین دەوڵەت – نەتەوانە بەش کەردەن . بە تایبەت هۆرامانو ئێمەیچش کەردەن دوێ بەشێ . ئانە کە هێشتا یاگێ داخێنە فرێوە جە حزب و لایانەکاو ئێمە مەرزە دەسکردەکێشا جە مەژگشانە چەسپنێنێ و هێزو و تواناو ئازاد ژیوایشا نەمەنەن .
ئێمە چوون پلاتفۆرمو هۆرام-ی، سەرەراو ناڕزازی جە پیمانو لۆزانی، ئارۆ جە دماو ٩٨ ساڵا جە ئێگە ئامادێ بیێنمێ تا پەیامو خەڵڵکەکەیما یاونمێ بە گرد لایانەکان . ئاژەو دۆخو گەلو کوردی فرە سەخت و زەحمەتەن، پەی سەرکەوتەی سەروسەختی و زەحمەتیەکارە، تەنیا ڕا یۆگێرتەیەن و کە جەڕاشەوە بتاومێنە بیاومێ بە کوردستانێوی ئازاد و دیموکراتیک.
