جە پرۆسەکەنە جگە جە سەرۆک شارەوانیەکا هاموەخت ٥٠ هەزارۍ و ٣٣٦ ئەنجومەنۍ کۊڵانەکا، ئەنداماو ئەنجومەنوو گرڎیی و ئەنداماو ئەنجومەنوو شارەوانی هۊرچنیا.

بەمەڵامەتوو جیاوازی وەختیۆ پرۆسەکە فرەو شارەکا سەرنیشتوو کوردسانی و بەشێوە جە شارەکاو ۋەرکەوتوو تورکیای سەعات ٧:٠٠ دەسشپنەکەرد و سەعات ١٦:٠٠ دەنگدای دمایش مۍ، بەڵام جە شارەکاو ۋەرنیشتوو تورکیای سەعات ٨ دەسپنەکەرۆ و تا سەعات ١٧:٠٠ بەردەوامیش بۆ.

جە دەنگداو هۊرچنیە دلێینەییەکا سەرنیشتوو کوردسانی و تورکیانە ٦١ ملوێن کەسۍ مافوو دەنگدایشا هەن و نزیکەو ٢٠٨ هەزار سنووقۍ دەنگدای نریێنێرە.

چی هۊرچنیەیچەنە چەمەڕا کریۆ دەسەڵاتوو ئاکەپە-مەهەپەی جە چنڎین ڕێوە پێسە فاڕایۆ دەنگدەری جە مەنتیقەکا تەری، سانای دەنگەکا، پشێوی نیایۆ و ڕاگێرتەی جە دەنگدای حۊڵدای پۍ دەسکاری ئەنجامەکا، بەڵام پارتوو دیموکراسی و یەکسانی گەلا (دەم پارتی) ئەرەیاۋنانش، بە هەزاران چەمڎارۍ و نوێنەرێش سەروو سنووقەکا دەنگدایۆ با و پارێزنای جە دەنگەکا مکەرا.