هەرێمەکۍ پارېزناو مەدیای ماوەو ٤٨ سەعاتانە ٤٨ جارۍ بۊمبۋاران کریۍ
ناۋنڎو یاۋنەری و چاپەمەنی هەپەگەی ئەرەیاۋناش؛ کە دۊڵەتو ترکی ئەرەگیری جە ٢٢ و ٢٣ۍ نیسانینە ٤٨ جارۍ هەرێمەکۍ پارېزناو مەدیایش بۊمبۋاران کەرڎۍ.
ناۋەنڎو یاۋنەری و چاپەمەنی هەپەگەی جە ئەرەیاۋنېۋەنە ئاماژەش پانەی کەرڎەن کە ھجومەکۍ کریېنۍ سەرو چنڎین مەنتیقا زاپی و خواکورکی.
زانیاری ۋەرفراوان سەبارەڎ بە ھجومەکا دۊڵەتو ترکی ئەرەگیری پی جۊرەنە:
١ . هەرێمو زاپی
٢٣ۍ نیسانیەنە سەعاڎ ١٢:٠٠ تا ١٣:٠٠ سوپاو ترکی ئەرەگیری ھجومش کەرڎ سەرو مەیڎانو مدرامانو کەشو جودی. هێزەکېما پەی پارێزناو ۋێشا ۋەرپەرچو ھجومەکەیشا داوەو پا مەڵامەتۊ جەنگ ھورگیسیا.
٢. ھجومەکۍ سوپاو ترکی ئەرەگیری؛
٢٣ۍ نیسانیەنە بە فڕۊکەی جەنگی مەنتیقەکۍ گۊشینی، کەشو بەربزېنی و ئاوەو لۊلانی خواکورکی ٣ جارۍ بۊمبۋاران کریۍ.
٢٢ و ٢٣ۍ نیسانیەنە مەیڎانو چاڵەو لۊلانی، مەیڎانو مدرامانو کەشو جودی و سەنگەرەکۍ مدرامانیما جە چەمچۊ و سیدا و خواکورکەنە ٤٥ جارۍ بە کاتیوشا، هاوەنە، تانک و چەکی قورس بۊمبۋاران کریۍ".
هـ . ش
