مدرامانی ٨٠ ڕوە بە سەرمەشقایەتیی هەردوە فەرماندە بۆتانی و زنارینی کەشی سوورش فاڕا پەی قەڵاێوە مدرامانی، ئا هەڵوێستە مەتینانە و کەشوو وەهارینە مرمانیۆوە، بەرهەموو قارەماناو کەشی سوورین، هامڕێکێشا ئیساتێنە عەلەمەو سەرکەوتەیشا زاپ و مەتینانە هوردێنە.
حەر قۆناغێوە تارێخینە ڕووەداێوە یان کەسێتیێوە بەرمگنۆ، مبۆنە بایسوو ئەوەلیوە تازەی و قەسەمێوە تازەی، مبۆ بە نوێنەروو هامڕایی و هەڵوێستی شکۆمەندانەی. مبۆ بە ڕابەروو شۆڕشوو گەریلای. فەرماندە؛ بۆتان، زنارین، سەرهەڵدان، ئارگەش، دەلال، ئۆزگور و باز بە مدرامانوو ١٥و تەمووزیشا کەشوو تەمووزیشا فاڕا پەی قەڵاو مدرامانی و ڕۆحوو مدرامانوو کەمالی و خەیرییەکاشا واوەی ئاردێوە پەی سەروو پانایی تارێخی.
دەوڵەتی تورکی ئەرەگیری ٢١و نیسانوو ٢٠٢١ینە بە کۆنسێپتی تازەو هجوومکەردەینە سەروو مەیدانوو ئاڤاشینینە ئۆپراسیۆنێوە وەرفراوانش دەس پەنە کەرد، ئی ئۆپراسیۆنە مام ڕەشۆنە و گەشمەردە سەردار و تەماموو مەیدانەکەینە بەردەوام بی، دەوڵەتی ئەرەگیروو تورکی، ئەوەڵوو حوزەیرانینە دماو ئانەینە مام ڕەشۆ و گەشمەردە سەردارنە و تەماموو مەیدانەکەینە بەردەوام بی، نەتاواش سەربگنۆ ئینجا ڕووەش کەردە هەرێموو باسیای.
دەسوو بڕێو گەریلایانە نەجاتش بی، کەوت دەسوو بڕێو گەریلایای تەری، چونکوم ئاڤاشین بییەبێ بە دۆزەخێوە پەیشا،گرد ڕوێ بە پریشکەو ئایرەکەی سۆچێنێ. جەنگەوانێ کە فەرماندێ بۆتان، زنارین و سەرهەڵدان سەرمەشقایەتییشا کەرێنێ، وێشا پەی مدرامانوو سەردەمی ئامادە کەرد. سەنگەرەکێشا تونێلەکاو کەشی سوورینە ئامادێ کەردێ، چەکوو دەسیشا ویر و باوڕ و ئیرادە بێ، پا ئیرادەوە، گەرەکشابێ کوردسانی پەی سوپای ئەرەگیرەو دوژمنی بکەرا بە قەبرسان. حەر یۆ چادیشا پێسەو جەنەراڵێوە بەئەزموونوو جەنگی وەڵێ ئەرەگیراوە مدرێوە و سوپاو ئەرەگیراشا چەقنارە. دەوڵەتی ئەرەگیروو تورکی تا بتاوۆ وێش نزیکوو سەنگەرەکاو کەشی سوورینە بۆوە، ڕوانە ئامادەکاری کەرێ، گرد ڕوێ بۆردومان کەرێ، وەلێ تەنانەت یەک سەروازیچش نەتاوێ نزیکوو سەنگەرەکاو گەریلای بۆوە.
زانێنێ ئا گەریلێ کە دژشا مجەنگیا، ئازێ و بەئیرادێنێ، حەرچی ڕووە بدۆ خاکەکەیشا جیا نمازا، قۆناغوو کەشی سووری، قۆناغوو مدرامانوو ١٤و تەمووزی بێ. ٣ ساڵێ سەروو ئی مدرامانە تارێخییەیرە ویەردەن. وێگێری و ئیرادەو بانگەوازوو ئادیشا هەڵای ئینا وەروو چەماماوە. مدرامانوو کەشی سووری جە فرەو ڕوواوە نوێنەرایەتی ڕۆحوو پەکەکەی کەرێ. حەر یاگێوەنە ڕۆحوو پەکەکەی بۆ سەرکەوتەی هەن، حەر یاگێوەنە فیدایێوە ڕابەر ئاپۆی بۆ، هیچ وەربەسێوە نییا. ٧ خەباتگێڵنێ کەشی سووری واوەی ڕۆحوو وێگێریی کەمال پیرەکاشا نیشانە دا. هەمیشە دژوو ئەرەگیریی دەوڵەتوو تورکی سەنگەرەکاو خەباتینە کۆشیێ، چێوێ تەریچ کە تەنیا بە گێڵیایوە وەسێ نییا، پەیوەندیی هامڕایی و ڕەفاقەتین، ڕەفاقەتی دروس پەی سەرکەوتەی هامڕایی دلێ پەکەکەی بێ، گرد هامڕێ هەمان دۆزی بێنێ، دڵوو ٧ قارەمانا یەک وەختەنە پەی یەک چێوی دێ وەنە.
بە مدرامانی ٨٠ ڕوەشا تارێخشا نویستۆ
پێسە چەنی وێگێرییشا سیانێنە بە سەرمەشقایەتیی شۆڕش بەیتو شەبابی، سەردەمێوە تازەشا دەس پەنە کەرد، پێسە چەنی وێگێرییشا بە سەرمەشقایەتیی سەرحەد گراڤی و ڕوکەنگەڤەری مام ڕەشۆنە نیشانەشا دا کە خەبات چەنی مکریۆ، جەنگەوانە وێگێراو کەشی سووری بە سەرمەشقایەتیی فەرماندە بۆتانی و زناریچ، بیێ بە نوێنەرێ ئا کەسا کە ژیوایشا پاسە وەش ئسیا، وێشا پەی بەخت بکەرا. بو ونەو وێشا کەشی سوورشا مانادار کەرد و بیێ بە هامڕێ. کەشی سوور بە گەورەیی وێش بی بە خاڵەو قەراری پەیشا. شانە بەشانەو یۆترینی دژوو دەوڵەتی ئەرەگیروو تورکی گژیێ و ئامانجەکەشا ئارد دی. ژیوای بە گەشمەردەبییەی دماییش نمێ، واوەی دەس پەنە مکەرۆوە، ، گرد شایەتحاڵێوە نیشانەش مدۆ، کە خەبات و جەنگ گەشە مکەرۆ. قارەمانەکاو کەشی سووری ماوەو ٨٠ ڕوانە مدرامانشا کەرد و ئامادێ نەبیێ وێسا تەسلیم بکەران، گیانشا بەخت کەرد و جوابوو گردوو هجوومە فاشیستییەکاشا داوە، ئادێ پەی ماوەو ٨٠ ڕوا، داستانی فیداکارییشا تۆمار کەرد و پێسەو جەنگەوانێ ڕابەر ئاپۆی دلێ پەڕەکاو تارێخینە نامێ وێشا نویستەشاوە.
عەلەمەو مدرامانیشا سەرحەد، شۆڕش و ڕوکەنەکێ هورگێرتە و تا دماهەناسەشا شۆکناشاوە، یەرێ ساڵێ هامڕایەکێشا عەلەمەکێشا شۆکناوە ئاڤاشینەنە تا زاپ بە ڕۆحوو مدرامانوو کەشی سووریوە کۆشیێ. وەراوەروو دەوڵەتی ئەرەگیرەوو تورکیوە ، کە ساڵەو ٢٠٢١ی، بە کۆنسێپتی تازەو هجوومی دەسش پەنە کەردەبێ، وەراوەروو مدرامانەکاو گەریلایوە پڕاوە پەی بەرزتەرین ئاستوو کۆشیای. گەریلاکاو ئزادیی کوردسانی چی ساڵاو دمایینە، بە مدرامانەکاشا مام ڕەشۆ، کەشی سوور و وەرخەلێنە و سیانێنە بواری تاکتیکینە فرە قەوەتێ بیێ. سەنگەرەکێشا پەی دلێنەبەردەی ئەرەگیرا و خاینا تا دما هەناسە مپارێزنا و پارێزناشا. حەریۆ چا گەریلایا بیێ بە نموونەو بۆتانێ و زنارینی. هەڵوێستشا کەردشا بە پیمانەو ژیوای و مدرامانشا کەرد بە نموونێوە. بە ڕۆحێوە فیداییوە، هجووموو سەروو ئەرەگیراشا کەرد و هەقەشا کەردۆ . ئا هەڵوێستە کە مەتین و کەشوو وەهارینە مرمانیۆوە، بەرهەموو قارەماناو کەشی سوورین. هامرێکێشا ئیساتێنە عەلەمەو سەرکەتەیشا زاپ و مەتینانە وردێنە.
