یۆ جە گەریلاکاو هەپەگەی سەرحەد ژێهات سەبارەڎ بە کۊکوشی پاریسی قسېش پۍ ئاژانسوو هەواڵوو فوراتی کەردۍ.

ژێهات سەرنجش وست سەروو کاریگەری دژواروو گەشمەرڎەبیەو سارۍ، رۆژبینۍ و رۆناهیۍ و واتش، "پەیاموو ئانەی کە 'ئێمە ئیراڎەو گەلوو کوردی بە ڕسمی مەشناسمۍ و جە دژوو کوردا ئێمە گرڎ جۆرە هجومېوە ئەنجام مڎەیمۍ دریا'. ژێهات واتش، "هەڤاڵ سارا یووە جە ئەرەمەرزنەرا پەکەکەی بۍ و ژەنېوە سەرمەشقەو دێرسیمی بۍ. حەرپۊکەی هجومش کریا سەر. پۍ ژەنا کوردی و ژەنا دنیۍ جە روو ئازاڎییوە سەرچەمەو ئیسفاڎە بەخشای بۍ ".

جمیەروو ئازاڎیی ژەنا کە بە سەرمەشقایەتی ڕابەر ئاپۆی دەسشپنەکەرڎ، جە دژوو مەژگوو پەنج هەزار ساڵەی بی بە ئاخېزێوە تازە. ژەنا چێر دەسۍ و کۆیلەکریۍ دلۍ پەکەکەینە ئازاڎیشا دیۆ. هەڤاڵ سارایچ فشاروو بنەیانەی و رێبازوو ژیۋای کلاسیکیش ڕەڎکەردۆ، تێکەڵە بە ریزەکاو ئازاڎیی پەکەکەی بیە. دلۍ ئا کۊشیاو ئازاڎیینە بیە بە یووە چانیشا کە چنی ڕابەر ئاپۆی ڕاشکەردە. پەی ئازاڎیی ژەنا کوردسانی کۊشیای گۊرەش ڕاوەبەرکەرڎ. ئا کۊشیایە ئیسە گرڎوو مەنتیقەکا دنیێرە وەڵا بیەنۆ.

پۍ ئێمە پێودانگەو ئازاڎیینە

هەڤاڵ سارا جە کتێبوو 'ژیۋای من گر وەخت جەنگ بۍ' بە شێوېوە بەرجەسە باس جە ۋێش کەرۆ. مشۊم گرڎ کەسۍ ئا کتێبیە وەناوە و ۋېشا پەروەردە کەرا. جە ڕاسینە ئانەی چا کتێبەنە گێڵییانۆ، کەسایەتی جەنگاوەری ئاپۆییا. ژیۋای هەڤاڵ سارېچ ڕەمزەو کەسایەتی جەنگاوەرەی ئاپۆیینە. هەڤاڵ سارا پۍ ئێمە پێودانگەو ئازاڎیینە، هەڤاڵ سارا و مدرامانوو پەکەکەی جە زینڎانەنە جە ۋەران ۋەروو فاشیزمینە سەرەشا نەنامنارەو فاشیزمشا شکس پنە ئارڎ. بە شێوێوە بەرجەسە هەڵوێسوو 'یان ژیۋای ئازاڎ، یان تا دمایی مدرامان'شآ نیشانەدا. چێش بۆ با بۆ جەنگاوەری ئاپۆیی وێدای دەسۆ قبوڵ مەکەرۆ. هەڤاڵ سارایچ پا رۆحۆ ژیۋۍ. هەڤاڵ سارا بە تەمامەتی ژیۋای ۋېش بە ئاخێزی بەخشا.

ڕۊو مدرامانوو ئاڎۍ بەردەواما

ڕۆحوو مدرامانوو هەڤاڵ سارۍ هەڵای بەردەواما. دیارتەرین نمونەش هامڕایا ژەنانۍ کە جە مەڕەکا جەنگینە مدرامان کەرا و چالاکی گیانبازی پېکمارا. پېسە شۊنکۊتا ئاڎۍ تا دمایی ئێمە کۊشیای ئاڎۍ پەرە پنەمڎەیمۍ و خۊتانکەردەی جە گەشمەرڎاما کەرمۍ. وەعد مڎەیمۍ کە حەقەشا بسانمۍ".