ڕۆو ٢٣ێ ئابی هجوومێوەنە سەیدسادەقوو شاروو سلێمانە ڕاو فڕۆکەی بێفڕۆکەوانیوە سەیارێوە ڕۆنامەنویسا کریا ئامانج، ڕۆنامەنویسێ گوڵستان تارا و هێرۆ بەهادینە گەشمەردێ بیێ.  

ئارۆ بە مەبەسوو یادکەردەیوەی ڕۆانمەنویسێ گەشمەردێ هێرۆ بەهادینێ بڕێو هامڕێ و هامخەباتێش سەروو قەبرەکێشۆ جەمێ بیێوە.

یادەکەنە بە نامێ کۆمپانیاو چەتریوە، هاوژین شوانە قسێش کەردێ و دماو خێرامای ئامادەبیا واتش:" پێسەو هامڕایا و گەوڵستان تارێ و هێرۆ بەهادینێ، وەعدما ئەوەخوای مکەرمێوە، جە کۆشیایمانە پەی ئازادیی گلێرگەی و ژەنێ، پەوکای سەروو ڕاو ئا گەشمەرداوە درێژە بە خەباتیما مدەیمێ."

بە نامێ کۆمیتەو چاند و هونەروو پانیشتوو کوردسانیوە، کارا محەمەد چەنی شەرمەزارکەردەی هجوومەکا ئەرەیاوناش، ئی هجوومێ دەرەنجاموو ڕێککەوتەی بەینو ئەنقەرەی و بەغداینێ.

یادکەردەیوەکەی بە درووشموو " گەشمەردە نمەمرٶ" و "ژەنی، ژیوای، ئازادی"ی دماییش ئاما.