جە هجوومەکەو دێرکینە ٣ جەنگەوانۍ گەشمەرڎۍ بیۍ
ئەرەیاۋیا کە جە هجووم و دەوڵەتوو تورکی ئەرەگیرینە جە دێرک کە جە ڕاو فرۆکەی بێفڕۆکەوانیوە جە دژوو ٤ ترۆمبێلا ئەنجامدریان، یەرۍ جەنگەوانۍ ئەنجومەنوو سەروازی سوریانی گەشمەرڎۍ بیێنۍ.
دەوڵەتوو تورکی ئەرەگیری جە شارۆچکڵەو دێرکینە جە کانتۆنوو جزیرەی جە سەرنیشت و ۋەرکەوتوو سوریای جە شارۆچکڵەو خانا سەری و دەگاو وانکێ هجوومش کەرد سەروو چوار ترۊمبێلا.
بە پاو ئەرەیاۋنای ئەنجومەنوو سەروازی سوریانی چا هجوومانە یەرۍ جەنگەوانۍ هێزەکاو سۆتۆرۆی گەشمەرڎۍ بیێنۍ.
جە ئەرەیاۋناکەینە ئامان، کە یەرۍ جەنگەوانۍ بە نامەکا شەربێل نەعیم سالیبا، جەمیل حەنا حەنا و مزەفەر محەمەد محەمەدی گەشمەرڎۍ بیۍ.
ئەنجومەنوو سەروازی ئەرەیاۋناش کە حەریۆ جە جەنگەوانا جۆرج سمۆ یوحەنا و دانی سەمیر خەڵەفیچ زامڎارۍ بیێنۍ.
