جەیەرەیاونایۍ فەرماندەیی نمیانگەی سەروازیی ئەمریکاینە جە وەرکەوتوو دلێڕاسەینە (سێنتکۊم) ئامان، کە بە هەلیکۊپتەر هجوومشا کەرڎەن سەروو مەیڎانۍ سەرنیشتوو سوریای و سەرچەتێوە داعشیشا کەرڎەن ئامانج، کە وەرپەرس بییەن جە کەرڎەی چن هجوومێوە جە ئەورووپانە و وەرکەوتی دلیڕاسیننە. ئەرەایاوناکەینە ئانەیچ وزیان ڕووە، کە بە ئەگەری فرەوە ئا سەرچەتەو داعشی هجوومەکەنە کوشیان. 

سێنتکۊم ئاماژەش پانەیچ کەرڎەن، کە جە ئۊپراسیۊنەکەنە دووۍ کەسۍ تەرۍ چەکڎارێچ کوشیێنۍ و جە بارەو ئشناسنامەو کوشیایکایچۊ زانیاری نەئەرەیاونیان. بە پاو ئەرەیاوناکەی وەختوو ئۊپراسیۊنەکەینە مەدەنییەکۍ و سەروازاو ئەمریکای بێزەرەرۍ بیێنۍ.

بە پاو هەواڵێوە ئاژانسوو فرانس پرێس-ی، ئۊپراسیۊنەکە مەنتێقەو سویداینە کریان و 'گرووپێوە تورک' ئەرەیاوناشا، کە چا یاگێنە دووۍ چەکڎارێشا جە قۊمیاێنە کوشیێنێ'.

ڕوانگەی سوری مافەکاو مرۊڤی، کە بارەگاکەش ئینا لەندەنە، باسوو ئانەیش کەرد، کە وەختوو ئۊپراسیۊنەکەینە 'جەنگۍ دژوار' بییەن و بینایۍ بۊردومان کریێنە، کە ئەندامەکەو داعشیش چەنە بییەن و داعشەکە و دووۍ چەکڎارۍ تەرۍ کوشیێنۍ.

ئەوەڵوو نیسانینە سوپاو ئەمریکای ئەرەیاونابێش، کە تاوانشا "خالید عید ئەحمەد ئەلجبوری" سەر بە داعشی کوشا کە وەرپەرسوو چند هجووومێوە بییەن ئەورووپانە.

لە تشرینوو یووەموو ٢٠١٩چنە سەرچەتەو داعشی "ئەبوبەکر بەغڎایی" جە مەنتێقێوە چێروو ئەرەگیراو تورکیاینە هجوومۍ ئەمریکییەکانە کوشیا.

س.ز