جە مانگۊو حوزەیرانینە ١٦٤ کرێکارې جە تورکیانە گیانشا جە دەسدان
ئەنجومەنو ئاسایش و تەندروسی کرێکارا (ISIG) جە تورکیا، گوزارشتەو گیان جە دەسدای کرێکارا مانگۊو حوزەیرانو ٢٠٢٥یش وەڵا کەرڎۆ کە فرەتەرین ڕێژەو گیان جە دەسدای ئەستەنبوڵەنە بیەن.
ئەنجومەنو ئاسایش و تەندروسی کرێکارا (ISIG) جە تورکیا، گوزارشتەو گیان جە دەسدای کرێکارا مانگۊو حوزەیرانو ٢٠٢٥یش وەڵا کەرڎۆ بە پاو ئی گوزارشتې، تەنیا جە ماوەو مانگێوەنە ١٦٤ کرێکارې جە یاگې هەرمانەکێشانە گیانشا جە دەسدان.
بەپاو ئامارەکا ISIG، فرەتەرین ڕێژەو گیان جە دەسدای کرێکارا جە ئەستەنبوڵەنە بیەن. وە ئەغلەبیەتو گیان جە دەسدایەکا کۊتەیرە واری، وەرکۊتەی ئامرازەکاو بیناسازی و ڕووەدایەکا ئاماولوایۆ بیەن.
جە گوزارشتەکېنە سەرو بنەماو جنسی ژمارەو گیان جە دەسدایەکا جیاکریانۆ و ئاشکرا کریان، چا کرێکارا کە گیانشا جە دەسدان، ١٥ کەسێشا ژەنینې، ١٤٩ کەسێشا پیېنې، ٤ کەسێشا پەنابەرې و ٥ کەسێشا کۆچبەرێنې.
