سەرجەردەوان ساڵح ئۆزبەک کە جە ساڵا ۋیەرڎەینە دەسش سەرو یانە و موڵکو گەلیرە گرتەبۍ، ئیسەیچ چەمش بڕیەن لەوەڕگاکا ئالاندەشتی. ناڕەزایی دەگانشینا جە لایەنو قائیمقامیەتو مەنتیقەو شاخیوە بە بەهانۍ ئانەی ئا یاگۍ وزیۊ سەرو موڵکو دەوڵەتی رەڎکریاۋە.
ساڵح ئۆزبەک کە جە ساڵەکا ١٩٩٠ی سەردەسەیی "تابورو بروسکان"ی کەرۍ، ساڵەو ٢٠١٤ ی کە براکەش بە نامۍ یەحیا ئۆزبەکی بی بە ئەنجومەنو دەگۍ، بە پەشتیوانی دەوڵەتی دەسش گېرت سەرو یانە و موڵک و دەگاو کۆنالگای-رە. شەکوا و ناڕەزایەتیەکۍ دەگانشینا ۋەران ۋەر بە ئۆزبەکی جە لایەنو قائیمقامیەت و والیگەرییوە ڕەڎ کریاۋە.
جە دەگاو کۆنالگای کە جەردەوانەکۍ چنڎین ساڵېن بە زۆرەملۍ گرڎ جۊرە تاوانێۋە ئەنجام مڎا، ئیسەیچ چەمشا بڕیەن لەوەڕگاکا ئالاندەشتی کە دەگانشینەکۍ ساڵانێۋە فرە هەرمانەو کشتوکاڵی و ئاژەڵداریش چنە کەرا. جەردەوانەکۍ بانگەشەو ئانەی کەرا کە ئا یاگۍ موڵکو حکومەتین ئینەیچ پۍ ئانەی پۍ ۋېشا بەمەبەسو کشتوکاڵی و ئاژەڵداری بەکارش بارا. جەردەوانەکۍ گەرەکشانە جە ڕاو دەس سەرەرە گېرتەی ئا زەمیناوە و کەرڎەیشا بە موڵکو دەوڵەتی پاداشت هۊرگېرا.
'ئێمە دەسبەرڎارو ئالاندەشتی مەبیمۍ'
ئا دەگانشینۍ کە ۋەران ۋەر بە قەرارەکەی مرڎاوە پېسە 'تەرەفڎارو رێکوزیای' تۆممەڎبارۍ کریا. بە پاو زانیارییەکا کە جە دەگانشیناوە هۊرگیریان، جە ماوەکا ۋیەرڎەینە دەگا نشینەکۍ ۋنە پەرسایشا چنی کریان.
دەگانشینەکۍ بەمەبەسو شەکواو حاڵو ۋېشا سەردای سەرجان ساکاریای قائیمقامو شاخیشا کەرڎەن، بەڵام نامبریا پنەش ۋاتېنۍ، ئا یاگۍ موڵکو دەوڵەتیا و هینو شمە نییا. پی نزیکانە کەراش بە شۊنۍ گرڎی". پی جۆرەیچە بەرکۊت کە قائیمقام پەشتەو جەردەوانەکا گېرۊ.
ئا دەگانشینۍ کە سەرو مژارەکەی قسېما چنی کەرڎۍ ۋاتشا زەنینەکېما دەسشا سەرەرە گیریۊ. باسشا چانەیچ کەرڎ کە جەردەوانەکۍ دەمێۋەن چەمشا بڕیەن لەوەڕگاکا ئالاندەشتی، بەڵام حەتا سەر ۋېڕاگری کەرا و دەگېکېشا چۆڵ مەکەرا.
هـ . ش
