پاسە قەرارا ڕۊو پەنجشەمەی ١٩و تشرینی یۋەمی، گۊرەتەرین بازاڕوو ۋەرهەمە ۋېمانەکا پارکوو ئازاڎیی شاروو سلێمانینە جە لایەنوو ڕێکوزیاو تروسکەو هیوایۊ  پۍ ۋەرهەمە ۋېمانەکا پېسە (وارڎەمەنی، شیرینی، هەرمانەی دەسیە، کتێبۍ و مژارۍ تەرۍ ۋېمانۍ) ڕێکوزیۊ و چنڎین ۋەرهەمۍ جیاوازۍ جە لایەنوو بەشڎارا فیستیڤاڵەکەیۊ پۍ هاموڵاتییا وزیۊ ڕووە.

پېسە جە ۋەڵاکریاوەو ڕێکوزا فێستیڤاڵەکەینە ئامان، یاگۍ فێستیڤاڵەکەی جە پارکوو ئازاڎیی بۊ، ١٩و ئی مانگېوە جە سەعات ٣ۍ دمانیمەڕۊیۊ تا ١و شەوۍ  پۍ ماوەو چوار ڕووا بەردەوام بۊ.