جە ئه‌ڵمانیا یاڎو گەشمەرڎا چه‌كدار بۆتانی و له‌جوان مونزوری به‌رز ڕاگیریا
جە شارو شتوتگارت و ئه‌ڵمانیای یاڎو گه‌ریلاكا هه‌په‌گه‌ی چه‌كدار بۆتانی و له‌جوان مونزوری، كه ساڵەو ٢٠١٦ی جە هجومېوە سوپاو توركی ئەرەگیرینە گەشمەرڎۍ بیۍ، به‌رز ڕاگیریا.
گه‌ریلاكۍ هه‌په‌گەی، چه‌كدار بۆتان (روحات تاباك) و له‌جوان مونزور (عادل سونگه‌ر)، كه جە ئه‌ڵمانیاوه به‌شڎارۍ کۊشیای ئازاڎیی كورڎسانیشا کەرڎ و ڕۊو ٥و حوزه‌یرانو ٢٠١٦ ی جە هجومېۋە سوپاو ئەرەگیری توركینە جە هه‌رێمه‌كا پارېزنای مەدیاینە گەشمەرڎۍ بیۍ، جە شارو شتوتگارتی به ئه‌نجامدای چالاكیېۋە یاڎشا كریاوه.
چالاكییه‌كه جە كه‌سایه‌تی چه‌كدار بۆتانی و له‌جوان مونزورینە به دەیەقېۋە ڕێزگرتەی یاڎو گرڎو گەشمەرڎا ئاخېزو كورڎسانی دەسشپنەکەرڎ. لاو ۋېچشۊ براو گەشمەرڎە چه‌كدار بۆتانی باسو کۊشیای و هامڕایەتی براكه‌یش کەرڎ.
حەرپاسە نوێنه‌رو جمیەرو گه‌نجایچ داواش کەرڎ، کۊشیای گەشمەرڎە چه‌كداری و له‌جوانی بیاۋندۍ بە سه‌ركۊتەی و کۊشیای به شێۋېوە كاریگه‌رتەر به‌ڕێكوستەی کەرا.
دماتەر ئا به‌شڎاربیۍ کە گەشمەرڎا ئشناسېنۍ، باسو یاڎەوەریەکاشا کەرڎ و دماتەر ئا شیعرۍ كه هامڕایا گەشمەرڎە چه‌كدار بۆتانی و له‌جوان مونزوری نۋیستېبێنېشا، ۋنیېۋە.
جە چالاكیەکەنە به‌ڵگه فیلمێوە جەبارەو ئا دۋە گەشمەرڎەیۊ نمایشكریا.
هـ . ش
