ڕاپیماو ئازاڎیی کە جە پاریسۆ بە ئامانجوو ئازاڎیی جەسڎەیی ڕابەروو گەلوو کوردی عەبدوڵا ئۆجالانی دەسش پنەکەرد، جە ویسەمین ڕۆشەنە شاروو شاونینە بەردەوام بۍ.

جە ڕاپیماکەینە داواو بەشداریکەردەی جە ڕاپیماو ١٧ و شوباتی کریا جە کۆڵن.

جە ڕاپیماکەینە کەساو دەوروبەرو سیستموو گۆشەگیریی ئیمراڵی ئاگاڎار کریێوە و دروشمەکۍ "پەکەکە گەلا، گەل ئیناچۍ" و "ئێمە پەکەکەنمۍ" و "تیرۆریست ئەردۆگان"ی بەرزۍ کریێوە و حەرپاسە سەرنج وزیا سەروو مدرامانوو گەریلاکا ئازاڎیی کوردسانی جە دژوو سوپاو ئەرەگیروو تورکی کە دووەم گەورەتەرین هێزوو ناتۆیا.

یۆ جە بەشدارا ڕاپیماکەی، فەرهاد ئەسڵان بە زۋانی فەرەنسی قسێش پۍ گەلوو هەرێمەکەی کەردۍ و سەرنجش وست سەروو گۆشەگیری ئیمراڵی، ئەرەیاۋناش بنەیانە و پارێزنەرا و ڕای گرڎی مەتاوا زانیاریشا دەسگنۆ دەربارەو ڕابەروو گەلوو کوردی عەبدوڵا ئۆجالانی، حەرپاسە واتش: "ئەردۆگان کە تیرۆری دەوڵەتی ئەنجام مڎۆ، شەرمەزارش کەرمۍ".

حەرپاسە فەرهاد بێدەنگی دەوڵەتوو فەرەنسایش ۋەران ۋەر بە گۆشەگیری و هجومەکا شەرمەزار کەرد و ئەرەیاۋناش گەلوو کوردی تا بەدەسئاردەی ئازاڎیی مدرامان کەرۆ.

سەوای ڕاپیماکەی جە شاروو سۆیسۆنینە بەردەوام بۆ.