جموجوڵو سەروازی دۆڵەتو تورکی بەردەواما
دۆڵەتو تورکی ئەرەگیری ١٠٠ سەروازۍ و نزیکەو ٢٥-٣٥ ترۊمبێلا زرێپۊشیش ڕەوانەو دێرەلۆکی و دەوروبەریش کەردۍ.
سوپاو تورکی ئەرەگیری ١٠٠ سەروازۍ تەرێش رەوانەو بازگەو دێرەلوکی کەردۍ و چایچۆ رەوانەو بنکە و بارەگا ئەرەگیرکریاکا تەریش کەردۍ. حەرپاسە نزیکەو ٢٥-٣٥ ترۆمبێلا زرێپۆشیش سەرەتا رەوانەو مەنتیقەو چەلێ، دماتەریچ رەوانەو سەرزێرێ کریۍ پەی ئانەی چاوە بە مەبەسوو ئاماڎەکاری پەی ئەرەگیرکەردەی سەرو بارەگا و بنکە ئەرەگیریەکارە وەڵۍ بکریاوە.
سەرچەمېوە دلېینە کە گەرەکش نەبۍ نامېش ئاشکرا بکریۆ، جە مەنتیقەکا جەنگی و ئەرەگیرینە جە سنوورو ئامێدی و دێرەلوکینە زانیاری تازەش جە بارەو جموجۆڵو سوپاو تورکی قڕکەری بە رۆژنیوزیش ئەرەیاۋنان.
سوپاو تورکی بە هامکاری پەدەکەی جە هەرێمەکەنە درێژە بە ئاماڎەکارییە سەروازییەکاش مڎۆ و باسش چانەیەکەرد، "شەوەی ۋییەردۍ دەوڵەتو تورکی ئەرەگیری ١٠٠ سەروازۍ ۋێش رەوانەو بازگەو دێرەلوکی کەردێنۍ و بە پۍ ملا پەی دۆڵەو رەشاڤێ. چایچۆ ملا پەی بنکە و بارەگا سەروازییەکا تەری جە پانیشتوو کورڎەسانی".
حەرپاسە شەوۍ نزیکەو ٢٥-٣٥ ترۆمبێلا زرێپۆشی سەرەتا رەوانەو چەلێ و چایچۆ رەوانەو خاڵەو سنووری سەرزێرێ کریۍ. ئامانج جە فاڕایۆ ئا زرێپۆشا ئاماڎەکارین پەی ئەرەگیری زیاتەری و پەی ئا مەبەسیچە سەرو بنکە و بارەگا سەروازییەکا ئامێدی و دێرەلوکینە بەشۍ مکریا.
