شارو دۆسێلدۆرفو ئەڵمانیاینە بە سەرمەشقایەتی جمیەرو جوانا شۆڕشگێڵنی (تەجەشە)ی و جوانە ژەنا تێکۆشەری چالاکی یاڎکەرڎەیۆ گەشمەرڎا سازکریا.

دماو دەیەقێوە بێدەنگی پەی یاڎو گەشمەرڎا ئازاڎیی کورڎەسانی، بە نامۍ جەمەو بنەیانەو گەشمەرڎاوە (کۆماو)ی شەنگە کاهرەمانە قسێش کەرڎۍ.

ئەڎاو گەشمەرڎە لەجوان مونزوری (عادل سونگور) ئایتەن دەرسیمەیچ قسێش کەرڎۍ و سەرنجش وست سەرو هرووژمەکا دۆڵەتو تورکی پەی سەرو کورڎەسانی و لێشاوو روو جە زیاڎبیەی فاشیزمی جە ئۆروپانە و چا بارۆ واتش، "پەی ئانەی بتاومۍ میراتو گەشمەرڎاما بە ئازاڎیی تاجدار بکەرمۍ، مشۆم خاوەنداری جە ئەرەکۊشایشا بکەرمۍ و وڵاتەکەیما ئازاڎ بکەرمۍ. کەس دەرەقەتو گەلێوە بە رێکوستەکریای نمۍ. ۋەرو ئانەی ناچارێنمۍ ۋێما ۋێبەڕێکوستەبیەیما قەوەت بکەرمۍ".

ئەڎاو گەشمەرڎە هاورێ چیا (موسلیح قازیزادە)ی ئەڎا بەهارەیچ باسش جە دەورو جوانا جە دلۍ ئەرەکۊشای ئازاڎینە کەرڎ و داواش جە گرڎ لێوە کەرڎ دەورو گەریلاینە کوۍ باوە.

بە نوێنەرایەتی تەجەشەی سیدار سەرحەد قسێش کەرڎۍ و سڵامش ۋنەو مڎرامانو رابەرو گەلوو کورڎی عەبدوڵا ئۆجالانی جە دژوو سیستەمو قڕکەرڎەی ئیمراڵی کەرڎ و گرنگی رێکوستەبیەیش پەی بنیاڎنیای ژیۋای ئازاڎی و ئازاڎکەرڎەی کورڎەسانی دەسنیشان کەرڎ.

دماو قسەکا بەڵگەفیلمێوە پەی یاڎوو گەشمەرڎا باران ماوا، بشەنگ بروسک، سارا هۆگر، بەرخودان چیاگەر، هاوڕێ چیا، سەحەر دەنیز، چەکدار جانفەدا مەد، تاڤین تێکۆشینی و دیدار هارونی نمایش کریا.

چالاکی یاڎکەرڎەیۆکەی بە واتەیۆ دروشمەکا "گەشمەرڎۍ نمەمرا" و "بێ سەرۆکی ژیۋای نمەبۆ" دمایش پنە ئاما.