جەنازەو گەشمەرڎە دیرەن ئامەدی ئەسپەرڎە بەخاکی کریا
گەریلاو هەپەگەی مەزڵوم شەنەر کە جە نزیک و ئەلکێنە گەشمەرڎەبیەبۍ، دماو ۋیەرڎەو چوار مانگا سەروو گەشمەرڎەبیەیشەرە، چېروو تەوقەو پۆلیسینە جەنازەکەش ئەسپەرڎەکریا.
جەنازەو گەریلاو هەپەگەی مەزڵوم شەنەر (دیرەن ئامەد) کە ٩ی ئابوو ئېساڵی جە دەوروبەروو دەگاو ئەلکێی شڕنەخی گەشمەرڎەبی، دماو چوار مانگا رادەسوو بنەیانەکەیش کریاوە. دماو بەرکۊتەی ئەنجاموو وشکنای دی ئێن ئەی جەنازەو گەریلا دیرەن ئامەدی جە قەبرسان و بێکەساو خانیێن ئافەتێی جە ناوەندوو شڕنەخی هۊرگیریاوە و جەنازەو گەریلا دیرەن ئامەدی جە قەبرسان و یەنیکۆی مەنتیقەو رەزانی ئامەدینە ئەسپەرڎەکریا.
پۆلیس وەڵۍ ئەسپەرڎەکەرڎەو جەنازەکەینە، قەبرسانەکەشا تەوقەدا و ناستشا ڕاوەبەراو جەمەو پەشتیوانی چا بنەیانا کە کەسوکارشا جە لانکەو مرۆڤایەتینە جە دەسدان (مەبیا-دەر)، نوێنەراو رێکوزیا مەدەنیەکا و پارتە سیاسیەکا بەشداری جە مەراسیموو ئەسپەرڎەکەرڎەو جەنازەکەینە کەرا. بێجگە جە بنەیانەو شەنەری ڕا نەدریا هیچ کەسێوە تەر بەشداری جە مەراسیموو ئەسپەرڎەکەرڎەو جەنازەکەینە کەرۆ.
پا جۆرە جەنازەو شەنەری چېروو تەوقەو پۆلیسینە ئەسپەرڎەکریا و جەماوەرەکە ۋەروودەم و بەرەو قەبرسانەکەینە مەنېوە و بنەیانەکەشا جیاناست.
