جەنگاوەراو ئازاڎیی کورڎسانی (ماک) ئەرەیاوناێوی نویسیاش وەڵا کەردۊ و واتش: "شەوەو ٢٦و ئاداری نزیکو سەعات ١١و شەوێ، بۊمبێوی دەنگیما دژو یانەو (ئا.ئا) کە هامکاریی تورکە فاشیستا مکەرۊ بەکار ئارد جە جادەو نسێبین/ساکاریاینە."

لە بەیاننامەکەنە ئاماژە پانەیە کریان، کە ئەنجاموو چالاکییەکەینە جەستەش بەتەمامی بریندار بییەن و فاڕیانۊ پەی خەسەخانەی و وچیان: "دمایی تیمەکێما بە سەرکەوتەیی یاگەکێشا جیا ئاستێنە."

ماک هەرپاسە مواچۊ: "چوارچوەو حەفتەو قارەمانێتیی نەتەوەیی ٢١-٢٨و ئادارینە لە نسێبیننە کریا، پێشکەشو مەزڵوم دۊغان، عەگید، ڕەهشان، بێریڤانێ و گردو ئا هامڕایا مانگەو ئادارینە گەشمەردێ بیێ مکەروو. پی چالاکییە ئێمە پەیامێوی هۊشداریی ڕاستەوخۊ مدەیمێ بە گردو ئا کەسا، کە هامکاریی چەتە بکوش و ئەشکەنجەدەرەکا مکەرا کورڎساننە. داوا مکەرمێن بەشێوە نەبا چا پلانە گڵیاوا، کە دەوڵەتی ستەمکار و فاشیستو تورکی کورڎساننە میاونۊش یاگێ. وەراوەر بە گەلەکەیتا تاوانێ نمەکەردێ. حەرخیانەتکارێو هەوڵێ ئی هەرمانا بدۊ پەنەوازا بزانۊ، کە مگنۊ وەرو سزاو هەقسانایۊ هێزەکاما."