ڕوێوە سەرد و وشک بۍ، کە پەی یوەم جاری گۊشما دەنگیشۊ بۍ. گۊرانییەو 'جەنگو هەفتانین'ی دایمە سەرو زوانیشۊ بۍ. دەفەکێش دەسشۊ و چن وەش گۊرانیۍ واچۍ، بە دەنگەکەیش جەنگ دڵمانە ڕازیێوە. یوە بۍ جە سەرمەشقەکاو مدرامانو جەنگو هەفتانینی. یوە بۍ چا جەنگەوانا، کە هەمیشە مەیڎانەنە بۍ، زیرەکە و چالاکە بۍ. ئا مەیڎانۍ کە چنەش ژیوۍ بەتەمامی ئشناسێنێش، ماوێوە کەمەنە دلۍ دڵو دوژمنیینە بییە بە تەرسی و خۊفی. پەی وێش کەرڎەبێش بە بنەما، کە جەنگی سەرڎەمیانەو یەژاستاری بیاونۊ یاگۍ. واچێ:" ئینسان هەر قوربانییوە پەی بییەی بە جەنگەوانو ژەنانە بدۊش هەڵای کەما" کەسایەتیی فرەڕەنگو وێش پەی وەڵێوستەی جەنگی بەکار ئارد. گۊرانیی جەنگیچش حەر پاسە وەشۍ کەرڎۍ.  ئەوەڵ گۊرانییەش چەنی هامڕایەکاش واتە. پەی ئا هامڕایا کە جە سەنگەرێوەنە وەراوەرو دوژمنی دوژمن جەنگ کەرێنۍ و بیۍ مایۍ ئیسفادە کەرڎەی، هێز، ئیرادە، ورەی و ژیوای. هەر پەوکای هامڕێکێش پەنەش واچێنۍ 'ژەنەو دڵو جەنگی'.

واتەبێش: 'مشۊم ئێمە کەشەکاما بپارێزنمێ'

ئەوەڵ مانگو زمسانی بۍ،هەوا سەرد بۍ، زاگرۊسۊ دیسانۊ دووکەڵ ورئێزۍ. تاوانباراو جەنگی سوپاو تورکی جارێوە تەر گرد یاگێوەنە گازی ژەحراوییشا متەبۍ، هەوڵۍ دۍ پێسە قوەو گەریلای یاگەکانە کەم کەرۊوە. ژەنە نەبەرڎەو جەنگی، جودییە تا حیسابو ئا هەرمانۍ جە ئەرەگیرا بسانۊ، کەوتێبۍ ڕا پەی مەیڎانو جەنگی. ڕانە پەی ماوێوە کەمی پێوە بێنمۍ بە شێویوە باسو زاپی کەرۍ، کە ئینسان تاوۍ پێوەندییە قەوەتەکەو بەینو گەریلای و سروشتی بوینۊ.  واچی: "زاپ پەی من عەشقێوا". بە بەرڎەوامی واچێ: "کەشەکێما دڵسۊزتەرین هامڕۍ ئێمە و گەلوو کوردینۍ. چێش بۊ بابۊ پارێزنمێشا".

'بە دڵنیاییەوە ئێمە دەبیت سەربکەوین'

جە وەختو قسەکامانە فرەو چێوێش چەنە فێر بیا. ڕەنگا گرنگتەرین قسێش ئینۍ بۊ: "زاپ مانێوە گەورێش پەی ئێمە هەنە. ئینە ئامانجو ئێمەن: مشۊم ئێمە زاپنە ئەنقەرەی ماڕمۍ. ئێمە تا ئاشتیی تاجدار کەرمۍ جەنگ کەرمۍ و ماناو جەنگوو ئێمەیچ حەر ئانەن. پەی ئەدایاما،واڵە و برایاما، پەی ئامانجو گەشمەرڎەکاما، بەدڵنیاییوە مشۊم ئێمە سەر گنمۍ. پەوکای مشۊم ئێمە زاپنە ئەنقەرەی ماڕمۍ.  

جودی ساعیبەو دڵێوە گەورەی بۍ، پەوکاتەیچ بە دڵێوە گەورەوە جەنگ کەرۍ، جەنگەوانێوە ژەنی بۍ. تا کەش، گەل و ڕەفێقەکاش بپارێزنۊ سەنگەرەکاو جەنگینە  دژو دوژمنی سەرمەشقایەتییش کەرد. وەختۍ کە پەرسیم کەرڎە پەی ئامانجە هەرە گەورەکەیش واتش: "ئێمە ئینایمۍ دلۍ جەنگێوە گەورەینە. جەنگێوە شکۊمەندانە، کە پەی گەلەکەیما کەرمێش. بێگومان پێسە جەنگەوانێوە ڕابەرایەتی هەرمانەو سەرو شانەیمانە، کە ئی جەنگییە سەر وزمێ".