سەرەڕاو هجوومەکا دەوڵەتوو تورکی ئەرەگیری و تەوقەو سەروو هەرێمەکەی، چنی نزیکبیەیۆ جەژنۍ جە تەماموو مەنتیقەکا سەرنیشت و ۋەرکەوتوو سوریای جۆش و خرۆش و دڵوەشی بەدی مکریۆ.

سەروو بەنڎوو جەژنەو رەمەزانینە کە یۆ جە گرنگتەرین جەژنە و بۆنەکا مسۆڵمانانە، جموجوڵ و قەرەباڵغیێوە فرە بازاڕەکۍ سەرنیشت و ۋەرکەوتوو سوریایش گېرتەنۆ.

گوڕوتین و جەژنۍ تا مۍ زیاتەر بۆ. جە جاڎەکانە ئا جۆش و خرۆشە ئینا زیاڎبیەینە. دڵوەشی زاوڵا، بزەش بە میا چەما بنەیانەکاشا بەخشان. ۋېشا پەی ئا ڕووەیە ئاماڎە مکەرا، کە هەر جە سەرسەعبۆ ئاماڎەکاری جەژنۍ مکەرا، بنەیانەکۍ پېوەرە کوۍ باوە و نمونېوە زەریف و یۊگېرتەی و هامپەشتی نیشانە مڎا.

دڵوەشی مەعنای حەقەتینەو جەژنێنە و چی مەراسیمانە پەیوەندییە کۆمەڵایەتیەکۍ هېقمۍ با، پۊکاتی هەر جە ئیساتېوە جاڎە و کۆڵانەکۍ بووە و رەنگەو جەژنېشا گېرتەن و ڕازیێنێوە و خەڵک سەرحاڵوو تەمامکەردەو ئاماڎەکارییەکانۍ پەی جەژنەکۍ.