جە وڵاتا جیا جیاو ئۆرووپاینە پېسە ئەڵمانیا، فەرەنسا، سویسرا، هۆڵندای و بەلجیکای جوانۍ کوردی و ئەنتەرناسیۆنالیستەکۍ بە داواا 'ئازادی پەی ڕابەر'ی ڕاپیمایۍ درێژ ئەنجام مڎا.

جوانۍ پەی ڕاپیماو ٩و شوباتی جە شارو هیلبرۆنی ئەڵمانیاینە کوۍ باوە و ڕاپیمای جە ١٥و شوباتینە جە شارو ستراسبۆرگو فەرەنسای بە ڕاپیمایۍ جەماوەری دمایش پنە مۍ.

جوانۍ جە شارو فرانکفۆرتو ئەڵمانیاینە پەی ڕاپیمای درێژی داواو بەشداربیەیشا کەرڎ  کە بە بەشداری سەڎان جوانا ملۊڕاوە.

جوانۍ ئاماژەشا پانەیە کەرڎ کە پېسە جوانا کوردی جە فرانکفۆرتنە پەی ڕاپیمای درێژی ئاماڎەکاری مکەرا و ماچا ڕابەر ئاپۆ کە ساڵۊو ١٩٩٩ بە پیلانگێڵنیێوە مېیاننەتەوەیی زینانی کریا، ٢٦ ساڵېن مڎرامان مکەرۆ، بە شۆڕشو ۋەرنیشتی پارادایماکېش پراکتیزەکریۍ.

جوانۍ یاڎشا ئاوردۆ کە ڕاپیمی جە ما بەینو ١٠ و ١٥و شوباتینە بە بەشداری سەڎان جوانا جە هیلدبرۆننە ملۊڕاوە و واتشا: "داوا جە جوانا کوردی و دۆسا گەلوو کوردی مکەرمۍ کە بەشداری ڕاپیمای درێژو ٢٠٢٥ ینە بکەرا. ڕاپیمای درێژو ئېساڵی پەی ئازادی ڕابەر ئاپۆیا".

جە دماو ئەرەیاۋناکەی درووشمۊو 'بژیۋۆ ڕابەر ئاپۆ'ی وچیاوە.