تەتوانەنە گەل سەرەڕاو فرتو فێڵ و چەواشەکارییەکا ئەکەپەی دەم پارتی جە تەرەفوو دەنگدەراو ۋێشۆ بە ڕێژێوە بەرز سەرکۊتەیش بەدەسئارد. هامسەرۆکوو شارەوانی تەتوانی، مومین ئەرۆڵ، ئەرەیاۋناش کە ئاڎۍ وەفاڎارېنۍ بە گرڎوو وەعدەکا ۋێشا.

هامسەرۆکوو شارەوانی تەتوانی، مومین ئەرۆڵ، چنی ئاژانسوو هەواڵوو فوراتی قسېش کەردۍ و واتش:"جە یووەم ڕۆو بانگەشەکاوە واتما بە دڵنیاییوە بە دەنگێوە بەرز چی هۊرچنیەینە سەرۍ گنمۍ. بە ٦ هەزار دەنگۍ زیاڎۍ سەرۍ کۊتیمۍ. ئێمە سوپاسوو گەلەکەیما کەرمۍ جە ڕاسینە گەلەکەما جە سیستموو تاکلایەنەی و ۋۍ سەپنی بێزار بیەن."

'ئێمە وەفاڎارێنمۍ بە وەعدەکاما'

ئەرۆل ئەرەیاۋناش، پۍ ئا گرڎوو چێوا کە جە پرۆسەو بانگەشەینە وەعدشا دان حۊڵی جدیی مڎا، بەڵام پېسە هەنگامەی یووەمۍ تاوانەکا شارەوانی ئاکەپەی ئاشکرا مکەرمۍ، حەرپاسە بە حەزەرۆ حۊڵ مڎەیمۍ وەعدەکاما جابەجێ بکەرمۍ، ئەوەکۊڵیای جە ویەردەی مکەرمۍ و ئەنجامەکا پۍ گەلەکەیما هامبەش مکەرمۍ. حۊڵ مڎەیمۍ شارێوە جە ئاوۍ پاکۍ عالی ڕێکوزمۍ و کێشەو ئاماو لووای چارەسەر بکەرمۍ، پلانۍ کوڵۍ و درێژمەودێما فرێنۍ پەی شارەکەیما گرڎی مارمێنە دی."