جوانۍ وانی چالاکیشا کەرڎ
جوانۍ وانی جە چڼین گەڕەکۍ وانینە دژو دەسسەرەرەگېرتەی شارەوانی چالاکیشا کەرڎ.
بە دیمەن
شەرمەزارکەردەی قەیومی
جە دژو سەپنای قەیومی سەرو شارەوانی گۊرە شارو وانی و بڕیەیۆ سزۍ پەی هامسەرۆکو شارەوانی گۊرە شارو وانی چالاکییەکۍ بەردەوامیشا هەن.
جوانۍ جە گەڕەکەکا خاچۆرت، ئاککۆپرو، کالەجک تۆکی، شابانی، بۆستانچی، یونپلک و سەید فەهیم ئارڤاسی وانینە مجېیێرە مېڎانەکا.
جوانۍ بە واتەیۆ درووشمەکا "بژیۋۆ سەرۆک ئاپۆ"ی و "قەیومی دز جە کوردەسانەنە بەربشە" جە گەڕەکەکانە ئێرشا کەردۆ و ناڕەزایی شەرمەزاکەردەی سەپنای قەیومیشا نیشانەدا. جە ۋەرا ۋەرەنە پۆلیسو دۊڵەتو تورکی بە گازی هەڵس مچ و گولـلۍ پلاستیکیۍ هرووژمشا کەرڎ سەرو جوانا و جوانێچ بە تەوەنی، گولۍ ئاسمانیۍ و بۆمبۍ دەنگی جوابو پۆلیسیشا داوە.
