جوانۍ ئێزدی جە کانتۆنەکا جزیرە، عەفرین و شەهبای بە ۋەنایۆ ئەرەیاۋنێوە ۋەردەمو یانەو ئێزدی تربەسپی پیلانگێڵنیی مېیاننەتەوەیی سەرو ڕابەر ئاپۆیشا شەرمەزار کەرڎ و ئەرەیاۋناشا، پەی بەدیئارڎەی ئازادیی بەڎەنی ڕابەر ئاپۆی ئەوەکۊشای مکەرا.

ئەرەیاۋناکەی جە لایەنو مەدیا ناسۆی، ڕاوەبەرو جوانا ئێزدی ۋنیاوە و چنەشەنە ئامابۍ؛ بۆنەو ساڵیاڎو پیلانگێڵنیی مېیاننەتەوەیی کە جە کەسایەتی ڕابەر ئاپۆینە دژو گەلوو کوردی و گەلا تەرو ناوچەکەی ئەنجام دریا، فرەو جاری پیلانگێڵنیی سەرو گلېرگەو ئێزدیرە ئاما، گلېرگەی ئێزدی جە ڕاو ویر و فەلسەفەو ڕابەر ئاپۆیۆ ئازادیی ۋێش دیۆ.

جوانۍ جە ئەرەیاۋناکەیشانە ئاشکراشا کەرڎ، کە فەلسەفەو ڕابەر ئاپۆی نوێنەرایەتی بەها و ماناڎارو واڵە و برایەتی گەلا و جەوهەرو گەلا مکەرۆ، گلېرگەو ئێزدی تاواش جە ڕاو ئی فەلسەفەیۆ ۋێڕاوەبەری شنگالی کە هەڵای جە لایەنو دۊڵەتو ئەرەگیرو تورکیوە پیلانگێڵنیی دژش ملۊڕاوە، ئەرەمەرزنۆ.

ئاماژە پانەیچ کریان، فاڕیایەکۍ سووریای چنی وڕای ڕژێمو بەشاری وەشۍ بیۍ و هەوڵو چەتەکا دۆڵەتو ئەرەگیرو تورکی پەی ئەرەگیرکەردەی خاکو سووریای جە درێژەو پیلانگێڵنیی مېاننەتەوەییا دژو گەلا ناوچەکەی.

جوانۍ ئێزدی جە دما دمایی ئەرەیاۋناکەینە ماچا: پیلانگێڵنی مېیاندەوڵەتی دژو ڕابەر ئاپۆی شەرمەزار مکەرمۍ، هەتا دڵنیابیەی جە ئازادی بەڎەنی ڕابەرایەتی بەردەوامی بە ئەوەکۊشای مڎەیمۍ.