جزیرنە خولی دووەموو ورچنیەی وەڵیوەختەی دەسش پەنە کەرد
دەم پارتی جزیرنە پەی دیاریکەردەی کاندیداو ورچنییەی هەرێموو خولی دووەموو ورچنییەی وەڵێوەختەی دەسش پەنە کەرد.
دەم پارتی مەنتێقەو جزیروو شەرناخینە پەی دیاریکەردەی هامسەرۆکاو شارەوانی ١٥ کانوونوو دووەمی سندوقش نیارە.
چا دەنگدانەنە کە کریا، حیچ کام جە کاندیدەکا لای سەری ٥٠٪ دەنگەکاشا نارد.
چا کاندیدا کە فرەتەرین دەنگێشا ئاردێ، گولەر تونچ و هێلین ئەرگەن و عەبدولرەحمان دۆرمۆش و مەسعود نارت، مەنێوە پەی خولی دووەمی.
پەی خولی دووەمی هۆڵوو ئاهەنگوو ئەزیزئۆغلوینە ١٣ سندوقێ نریێرە. چەمەڕوان کریۆ ٢ هەزارێ و ٥٠٠ نوێنەرێ دەنگ بدا.
