ئەندامو کۆمیتەو ڕاوەبەری پەکەکەی دوران کاڵکان بەشداریش جە بەرنامێوە تایبەتی تەلەڤزیۆنو مەدیا خەبەرینە کەرڎ و هۆرسەنگنایش پەی پرسەکا پېسە گۆشەگیری و ئاژەو سوریای و چڼین مژارا تەری کەرد. کە پی جۆرەنە :

"سەرەتا بە رێزۆ سڵام ۋنەو رابەر ئاپۆی مکەر و بۆنەو ساڵەی تازۍ زایینییوە مبارەک بایش ۋنە مکەرو. جە ئیمراڵینە هیچ ئاژێوە تازە نیا ئارانە، هیچ فاڕیایۍ بیەیش نیا. گۆشەگیری بەردەواما، رابەر ئاپۆیچ ئانەش وست ڕووە کە گۆشەگیری بەردەواما. بێگومان جە ۋەرا ۋەرو ئانەیچەنە ئەرەکۊشای گەردونی کە ئازادی جەسەیی رابەر ئاپۆی بە بنەما مگێرۆ گرڎ شۆنێنە بەردەوامە. مزانیۆ کە سەرجە نۆ پلانەش پەی نریێنەراوە بە شێوۍ قەوەت بەرەو وەڵۍ ملۆ. جە ساڵەی دووەمەنە ئامانجەکە بریتیا جە دەسەبەرکەردەی ئازادیی جەسەیی رابەر ئاپۆی. جە ٢٣ۍ نۆۋەمبەرینە دیڎار جە ئیمراڵینە ئەنجامدریا. حکومەتو ئاکەپە-مەهەپەی فاشیستی تەنگەتاو بیەن و جەئەنجامەنە دیڎارەکە ئەنجامدریا. ۋەرو مەڵامەتۍ جیاوازی نەبۍ. ئەرەکۊشای فشارش وست سەرو ئاڎیشا و ڕاش پەی دیڎاری کەردۆ. ئانە بەرش وست کە ئەرەکۊشای بەرهەمش بۆنە. سیستەمو گۆشەگیری، ئەشکەنجە و قڕکەردەی ئیمراڵی هۆرشێویۆوە، دیوارەکۍ ئیمراڵی وڕانە و ئازادی رابەر ئاپۆی دەسەبەر مکریۆ. بەڵێ ئانە ڕاش مشۆنە، بەڵام بە ئەرەکۊشای مۍ دیجە ساڵەی دووەمەنە ئامانجەکە وەڵێوستەی ئەرەکۊشاین چا ئاستەنە. ئانۍ هەڵمەتەکۍ ساز مکەرا، جە چوار پارچەو کوردەسانی، بە گرڎی جە جەهانەنە بە سەرمەشقایەتی ژەنا و  جوانا بە بەشداربیەی گرڎو لایەنەکا درێژە بە ئەرەکۊشای مڎۆ. چانەی زیاتەر رۆژەڤۍ تازۍ مەیانە وەرو باسی. ئانێچ کە ئا ئەرەکۊشایە ڕاوەبەر مکەرا ئەرەکۊشای ۋێشا بە ئەرەکۊشای ئازادیی جەسەیی رابەر ئاپۆیۆ ئامێتە مکەرا. گرڎو پرسەکا ئازادی و دیموکراسی بە ئازادی رابەر ئاپۆیۆ بینیێنۍ. ئازادی رابەر ئاپۆی پەیوەندیش ئینا گرڎو وەڵێکۊتەیەکا ئازادی و دیموکراسییوە. پەنەوازا ژەنا و جوانا، کرێکارا و رەنجدەرا، گەلو کوردی و دۆساشا جە چوار لاو جەهانینە ئەرەکۊشای گۆرەتەر و کاریگەرتەر بکەرا. چا ڕووانگۆ با کەس گۆش جە قەولو درووا نەگێرۆ و نەخەڵەتیۆ. ئا قسۍ بێ بنەمێ و پوچێنۍ. ۋەرو ئانەی تەنگشا پنە هۆرچنیان تووشو شپرزەیی دەرونی بیێنۍ. ۋەرو ئەرەکۊشاو ئێمە و ئەنجامەکا جەنگی جەهانی یەرەمی جە ۋەرکۊتوو مېیامینینە باخچەڵی پەی مەنەیۆ دۆڵەتی بڕۍ قسێش کەردۍ و کۊت دلۍ هەوڵدایۆ. بەڵام هیچ چێوە نیا ئارانە. قسۍ بێ بنەمۍ مکەرۆ. ماچۆ وەش بۆ و گەرەکشا هیوا ساز بکەرۆ. واتە بە راسی جە کەسێوە جددی مشۆ، ئێمەیچ واتما ئایا متاومۍ بە هەندش هۆرگێرمۍ، بەڵام پاسە بەرنەشی. بە راسیچ پېسە بەرگنۆ نیا، یان ئانەن تەیب ئەردۆغان ڕاش ۋنە مگێرۆ، ئانە نمەزانیۆ. ئێمە تەماشەو ئانەی مکەرمۍ کە دیارا. ۋەرو ئانەی گەلوو کوردی ئا گرڎو کۆمکوژییەیشە دی. ئا گرڎو ئەشکەنجەیشە دی، کە ئیتر گۆشێش نمەژنەوا، قسۍ نمەژنەوۆ، تەنیا چەمەکێش موینا. واتە ئا قسا نمەژنەوۆ، باوەڕشا پنە مەکەرۆ. تەنیا باوەڕ پا چێوا مکەرۆ کە موینۆشا. یاوان پا ئاژەیە. چێوۍ ڕۆشن و ۋەرچەم بیەیش نییا. هیچ چێوۍ ڕووەش نەڎان. هەڤاڵەکێما ئانەشا فرە هۆرسەنگنا. تا هەنگامەی  نەنریۆ، تا رابەر ئاپۆ قسۍ نەکەرۆ، تا جمېیەرەکەما بە ڕسمی قسۍ نەکەرۆ، تا هەنگامێوە کە گرڎ لایۍ بە چەما ۋێشا مویناش نەنریۆ، پەنەوازا حەجگیز نەژنەومێش. کێ چێش ماچۆ نمەبۆ لاماوە گرنگ بۆ و تەماشەو هەرمانەو ۋێما بکەرمۍ. هەرمانەکێما چێشەنە؟ ڕاوەبەردەی ئەرەکۊشاین پەی چارەسەرکەردەی پرسو کوردی و ئازادیی جەسەیی رابەر ئاپۆی. ئا ئەرەکۊشایە بە رێبازی دۆڵەمەنتەر ڕاوەبەربکەرا. واتە ئا سیستمە فاشیستیە، کۆلۆنیالیست و قڕکەرەیە بارانە ئاستێوە پا جۆریە کە نەتاوۆ درێژە بە سیستەمو ئەشکەنجەی و گۆشەگیری ئیمراڵی بڎۆ. پەنەوازا دیوارەکاو ئیمراڵی وڕنۆ و ۋەر بە ئەشکەنجەی گێرانە. پەنەوازا ڕا ۋەردەمو ئازادی جەسەیی رابەر ئاپۆینە بکەراوە و بەرەو ئیمراڵی بکریۆوە. مشۆم هەڵوێس ئانە بۆ و گۆش جە چێوۍ جیاوازی نەگیریۆ. پەنەوازا هیچ کەسێ دلۍ گلێرگەینە چەمەڕایی وەش نەکەرۆ. بە پاو ۋێش پېسە ئانەی گوایە چێوۍ مزانۆ نەبۆ بە ئامێر و دەسکەلاو کەسی. پا جۆرە پرۆسێوە وەش بۆ و بە شێوەی جیاجیا گفتوگۆش جە بارۆ مکریۆ. جە ڕاو ئا پرۆسەیۆ گەرەکشانە هەڵمەتەکۍ سست و لاواز بکەرا. گەرەکشانە بڕۍ هێزۍ جیاجیۍ دلۍ چەمەڕاینە مردنا. پەنەوازا هیچ چەمەڕایۍ نەبۆ. پەنەوازا زیاتەر ئەرەکۊشمۍ، بە رێبازی دۆڵەمەنتەر، یەکپارچە ئەرەکۊشمۍ. بە دڵنیاییوە سیستەمو گۆشەگیری، ئەشکەنجەی و قڕکەردەی ئیمراڵی مەڕیۆ و ئازادیی جەسەیی رابەر ئاپۆی دەسەبەر مەبۆ. ئامانجەکە ئینەنە. ئانەی ئێمە ماچمێش ئینەنە. جگە چانەی مشۆم گەلەکەما، ژەنا و جوانا کوردی، مرۆڤە وڵاتپارێزنەکا و دۆساما باوەڕ بە قسۍ تەرۍ نەکەرا. جاری وەڵین واتم. بەڵام موینیۆ کە کەسانۍ دژبەرۍ زیاتەر هۊرکوا سەرو مرۆڤەکا، بە دروۍ و فێڵۍ جماوە، هەر جە ۋێشەنە ئانەی ماچاش دروێنە و ئانەی مووەراش حەرامە. مەگەر ئێمە نمەزانمۍ ئاڎۍ کێنۍ؟ بە هەزاران فرتو فێڵۍ گەرەکشانە ئێمە بێ ئەرەکۊشای بکەرا. پەنەوازا نەگنمۍ دلۍ ئا گەمەیە. مشۆم ئانەی عال بوینمۍ و چنەش بیاومێنە. ۋەرو ئانەی بەپاو مەرامەکاشا ئەرەکۊشایشا بە پلانە و رێکوزیای بەرەو وەڵۍ بەرا، مەرامەکەیشا پێکانە. جە روو ئازادیی جەسەیی رابەر ئاپۆیۆ هەنگامەی هەمیشەییە چی ساڵەو ئایندەیمانە بە دڵنیاییوە منریۆ.

بەڵێ، جە دما دمایی مانگەو نۆۋەمبەرینە جە سووریانە فاڕیایۍ گرنگ ئاما ئاراوە. یانی، جە ئیساتێنە مشتومڕو ئانەی مکریۆ. بەڵام جە زۋانی تورکی-نە قسێوە قەیمییە هەنە ماچۆ، ئیشەڵا مرۆڤ وەشڵەی پانەو وەڵۍ نەوازۆ'. پەی ئیساتۍ مرۆڤ متاوۆ ئانەی واچۆ. پۊکەی ئانەی کە لووا مزانمۍ چێشا. جە ئەساسیچەنە بڕۍ چێو مزانمۍ سەرو ئانەی ئیساتۍ ئامان. یانی، دەسو چڼین هێزاش ئینا چنە. بە پاو بەرژەوەندی ۋێشا بڕۍ قەولێشا دێنۍ. گوایە مشۆم سووریایۍ تازەی دیموکراتیک وەش بۆ. پەی ئێمەیچ ئیشەڵا پېسە قسە قەڎیمییەکۍ نمەبۆ. هەر ۋێش ئێمە پەی ئینەی ئەرەکۊشای مکەرمۍ. ئەرەکۊشای کوردا، هەتا ئەرەکۊشای پەکەکەی چی مژارەنە کەم نییا. بەڵام بەراسی چێش وەش بۆ هیچ دیار نییا. جە ئیساتێنە چێش ڕووەشدان؟ ئی ئاژە دەرەنجامو جەنگی جەهانییا و پێوەسا پانەیۆ. ئی پرۆسە جە عێراقەنە بە وڕنای ڕژێمو بەعسی دەسش پنەکەرڎ. جە ئیساتێچەنە بە وڕنای ڕژێمو بەعسی ٦١ ساڵەو سووریای، پرۆسەکە لووا ئاستێوە تازۆ. هامکات فرە ئاشکران ئی ئاژە دەرەنجامو ٧و ئۆکتۆبەرو ٢٠٢٣ۍ جەنگو غەززەین. ئینە چل جارۍ ئینەما هۊرسەنگنا. پەنەوازا خاستەر وچیۆ. ئاژێوە نییا یاگۍ ئەنەیاوای نەبۆ. گەرەکشا نیا بیاوانە. ئاشکرا ئینەما وات، دماو غەززەی نۆبەتو لوبنانین، دماو لوبنانی نۆبەتو سووریاین، جە دماو سووریای نۆبەو قوبرسین. یانی، ئا ئاژەی ئیساتۍ جە سووریانە گوزەر مکەرۆ بە سەرمەشقی تورکیای ئەنجام مڎریۆ. بڕۍ بازنۍ ستایشو ئەردۆغانی مکەرا و پەشتیوانیش ۋنە مکەرا، نمەزانو ماچا 'پی جۊرە سەرکۊتەن' و نمەزانو چێش. مەبەسم ئانەنە یانی ترەمپ هەڵای جە کۆشکەی چەرمێنە نەنیشتەنەرە وەسفو ئاڎیی مکەرۆ. ئاڎیچ فەخر بە وێشۆ مکەرۆ. بەڵام بەڕاسی چێشش کەرد؟ پەی ئیسفاڎەو تورکیای چێشش کەرد، مەبەسم ئانەنە پەی ئیسفاڎەو بڕۍ تەری ئانەش کەرڎ، یان پەی درێژکەردەیۆ تەمەنو دەسەڵاتداری ۋێش ئینەش کەرد؟ یانیچ بە شەخسی مەسڵەحەتەکۍ ۋێش پارێزنۍ، قۆناغەکۍ ئایندەی ئانەی یەکلایی مکەراوە. جە ئیساتێنە ئی هاتوهاوارو سەرکۊتەیە بێ مانان. گەرەکشانە پېسە قڕواقۍ فووش بکەرانە. ئاڎیچ ۋێش فسناوە. ئێمەیچ پینەیما وات سەرکۊتەی پروسی (سەرکۊتەیۍ بەتامو شکسی). یانی سەرکۊتەیۍ دروێنە. سەدام کوەیتەنە سەرکۊتەیۍ پی جۊرەشە بەدەس ئاردەبۍ. ئینەشا ۋەرا ۋەر بە فرەو لایەنا کەرڎ. ئەردۆغانیچ پا جۆرە هەرمانە مکەرۆ. جە جەنگو غەززەینە بەکاربریا. چنی حەماسی جەنگشا دەسپنەکەرڎ. هانەو حیزبوڵایشا دا پەی جەنگی. جە ئیساتێچەنە جە سووریانە فەرمانداری جەنگیشا دان بە ئەردۆغانی. ۋەرو ئانەی فرە عال هەرمانە کەرۍ، ماچا ئینە چن ئینا مەسڵەحەتو تورکیاینە؟ بڕۍ لایەنۍ و نوویسەرۍ پەسنو ئینەی مکەرا، بەڵام ئینە پەڕا جە کەموکوڵی. پروپاگەندەو وۍ گیڤکەردەیۆ ئاکەپە-مەهەپەی و جەنگی دەروونیشا ئنڎە فرەن کە ئەوۍ تەرۍ نمەژنەوییا. گرڎی سەرکووت مکەرا. جە ئەساسەنە ئاژێوە پی جۆرە نەبۍ. ئەردۆغان هەوڵشدا پەی ئانەی چنی ئەسەدی قسۍ بکەرۆ. چڼین کەڕەتۍ هەڵشدا پەی ئانەی پۆتین مېیانجی بکەرۆ. بە گرڎ کەسۍ واچۍ. ئەمریکا گەرەکش بۍ چنی ئەسەدی بلۆ. بەڕاسی ئینە تەنیا قسۍ نەبێنۍ. بەڵام جارێوەتەر بڕۍ پێشئامایۍ ئینەشا پێچەوانە کەرڎۆ. کەس گریمانەو ئانەی نەکەرۍ و کە حیزبوڵا ئاڼنە بە خێرای گورزە بووەرۆ و زووتەر نۆبەتو سووریای بۍ. یانی دەور و پەشتگیری حیزبوڵای جە مەنەیۆ ڕژێمو سووریاینە فرە بۍ. کاتێک گورزەش وەرکۊتە سووریایچ لاواز بی. دەرەنجامەکۍ جەنگو غەززەی و لوبنانی ئی ئاژەژە خوڵقنا. وینیا زوو نۆبەتو سووریای ئاما و پاڵپەشتی ئیدارەو ئەسەدی فرە لاوازا. تەنیا ڕووسیا مەنەبۍ. ڕووسیایچ پۆتینش ئارڎ سەرو ڕاوەبەری، ٦و نۆۋەمبەری واتش، ڕێککەوتننامە مکەرو. بەهەرحاڵ ڕێککەوتەیشا کەرد و دماو ئانەی هیچ پاڵپەشتیێوە پەی ئیدارەو ئەسەدی نەمەن. جە دماینە هەر ئانە مەنۆ کە کێ ئی هەرمانۍ ڕاوەبەر بکەرۆ. جە غەززە، لوبنانەنە جە ۋەرا ۋەرو حەماسی و حیزبووڵاینە بە ئیسرائیلی جەنگەکێشا کەردۍ. یانی، ئیدارەو ئەسەدی دۆڵەتێوە بۍ، وە جە نەتەوە یۆگێرتەکانە بۍ. سیستەم گەرەکش نەبۍ ئانەی کە وڕنۊش ئیسرائیل بۆ. هەرپاسە دیسان بە ئەردۆغانی ئینەشا کەرد. ئیدارێوە کە پێوەس بۍ بە نەتەوە یۆگێرتەکاوە، بە زۆرداری بە ئەردۆغانی وڕناشا و ئاڎیچ دڵوەشا و ماچۆ من وڕنام.

دڵش وەشا ئەجۆشەنە سەرکەوتەش بەدەس ئاردەن. بەڵام خوا زانۆ سەعبێ چێشش سەرەرە مێ. پۆکەی پەنەوازی مەکەرۆ ئنە دڵوەش بی خێرا. جا هەرمانێنە یارمەتیدەر بییەن. ئارێ بە ڕۆشنی وینانشا کە فرە داواکارێنێ و تا ئیسەیچ ئەمریکا و ناتۆ دژایەتی بڕێ جە نەیارەکاشا مکەرا کە بەشدارییشا سووریانە نەکەردەن. جە ماوێ کوڵەنە جەمبیەیشا بییەن. سکرتێرو ناتۆی لوا، جە ئیدلیبەیۆ هرووژمشا کەرد سەر و ئینەیچ ئەنجامەکەش بێ. ئیسە ئێر بەرکەوتەن، بەڵام ئینە ئەنجام نییا. ئانە ئیسە دلێنەشییەن، چێش یاگێش گێرۆوە، چی سەولای چێش ڕووەمرۆ، ئینێ ڕۆشنێ نیەنێ. تا ئیسە ڕۆشن نییا یاگەگیرش چێش کەرۆ. ئارێ پێسەو ڕێکوزیێ تیرۆریسی حسابشا پەی کریێ، ئانێ قەرار مرا بە تیرۆریس پاڵبەسشا کەرا، ئیسە قەرارا بەشداری گلۆرۆبییەکانە کەرا، باوەشە کەرا یەکتریرە، بۆینباخ و چاکەتێکشا پنە کەردێنێنە پێسەو ئانەی هەوڵو دروسکەردەو ئیدارێوە دا بە بۆچونو وێشا .

بەڵام پا جۆرە ڕووەشدا. گروپەکێ پێسەو ئینشا فرە چیوی کەرا. ئیسە پا جۆرە کەرۆ، پۆکەی متاومێ واچمێ دۆخو سووریای ڕۆشن نییا. دروسکەردەو ئیدارێوە تازە سووریانە ئەستەما. جە غەززە و لوبنانەنە ڕووەش نەرا، عێراقیشەنە ڕووەش نەرا، کۆنەکەی دلێنەبەرا، تازەکە سەرو ئاسو مەنتیقەی بۆنە. ئا چێوێ ئیسە دروسێ پانە هەمیشەیێ نیەنێ. سووریانە چێوێ فرێ کاتیێ دروس مکەرا کە ئەر تاوا بنیادش بنیا. چونکە سووریانە ململانێکێ فرێنێ. چنین نەتەوەێ و زوانوێ و مەزهەبێ جیاوازێ هەنێ. کەسێ جیاوازێ فرێنێ. سیستەمو دیموکراتی، کۆنفیدراڵی، فیدراڵی تەنیا تاوۆنە ئی بازنانەیە کۆکەرۆوە. سیستەمە نادیموکراتیەکێ نمەتاوا وێشا پارێزنا، نمەتاوا حیچ چێوێ خاس دروس کەرا، پۆکەی ئی دۆخە بەردەوام بۆنە. سووریا هەنگامێ پێ. جەدماو سووریای وچریۆ عێراقەنە هێز هەن دژو سیستمێوە تاکلایانە و گەراشا ئامانج. لێوەنە بێگومان ئێران کریۆ ئامانج، گەمارۆ سەرو ئێرانی هەن. فشارەکێ سەرو ئێرانی فرەتەرێ بانە، بەڵام ئانەو دماتەری تورکیان. ئاڏێ گەرەکشانە کۆنتڕۆڵ جە وەرکەوتوو بەحرو چەرمەینە وەش بکەرا، سیستەمێوە سەرمایەو قۆرخکاری سەرو بنەماو وزە و بازرگانین. پۆکەی ڕاکێ ئامادە مکریۆ. ئینە ڕاو پاککەردەیۆنە، سووریاچ ڕاو پاککەردەیۆن. سەرەو قوبرسیج مێ. تورکیا مییانو جەنگین. هەر پۆکەی قسەکاشەنە پێسەو ئانەی تورکیا جەنگش کەرد، تەیب ئەردۆغان سەرکەوت، نمەزانو سەرکردێوە جا جۆرە جنین تاوۆنە ئنە کاریگەریش بۆنە، بەتاڵا. تەنیا قسێ فریودەرێنێ. پی  جۆرە ڕاو گردی تورکیای فریو مرا. ئیدارەو تەیب ئەردۆغانی فرە لاواز بیی، ئینا لێوارو وڕاینە، پەی ئاستەیشۆ ئی هەرمانێ کریۆنە. ئانەی کە پەنەوازا بازاشۆ، جە ڕووەداکا پێسەو ئینە بەکارشا مارا. ئاشکران کە ئاڏێ گەرەکشانە زیاتەر بەکارش بارا. سەرکەوتێوە کولانەشا پنە بەخشان پەی ئانەی مەنۆوە. بەڵام لەسەرسەرو سنوورو تورکیاینە چێش ڕووەمرۆ، جەنگەکە جە تورکیانە نزیک پێ، دیار نییا تورکیا چێسش سەرەرە مێ. واتما تورکیا نمەبۆنە کات بەفیڕۆ دۆنە. ئانێ وەراوەرو دیدارەکا چنی ڕاەر ئاپۆی  پێسەو جەنگێوە تایبەت مامەڵەش مکەرا، سەوای درک بانەیە مکەرا کە فرە دێرکەوتێنێ. تورکیا ئا فرسەتەی جەدەس مرۆ. ئانێ تورکیاشا وەشمسیۆ چی جانەیە نمەیاوانە و نمەوینا، هێزەکا ئۆپۆزسیۆنی، پارتە دیموکراسیەکێ، هێزو چەپی و سۆسیالیسی، ڕێکخوزیاکا ژەنا و جوانا مشۆم قیامەت هۆرپێزنا. بە پەشتبەستەی بە حکومەتو ئیسەو ئاکەپە-مەهەپەی، دیار نییا دۆخو سووریای چێشش پەی تورکیای ئاردەن، دماتەر چێش ڕووەمرۆ. واتما ڕابەر ئاپۆ تەنیا ڕزگارکەرا. تاکە ڕاو ڕزگاری تورکیای بە دیموکراسیکەردەو تورکیاین سەرو بنەماو ئازادی کوردی. ئەر ئینە نەکریۆ، ئانە چێرو سیستمو ئیسەی حیچ ئایندێوە پەی تورکیای نییا. تاکە کەسێ کە تاوۆنە ئی هەرمانی بکەرۆ ڕابەر ئاپۆن. ئیسە شەمەندەفەرەکە ملۆ، وێرەکا کەراش چەمەڕاو سەوای یان ڕوێ دماتەرینێ و گەمەکەی بکەرا. کاتەکەی بە فێڵ و تەڵەکە ویەرنا، بەڵام دەرفەت جەدەس مرا، ڕەنگە سەوای فرە دێربۆ پەیشا. پۆکەی ئیسە تاوۆنە ئینەیە واچو.

بە مانێوە تەر دۆخەکە ئانە نەبێ کە تورکیا و ئیدارەو تەیب ئەردۆغانی بەرش وزێنێ. واتە ئا جە غەززەنە دەسش پنەکەرد تا ئا جەنگەی کە جە کەنداوەنە دەسش پنەکەرد تا ساڵەو ٩٠، کێ دەسشپنەکەرد و  جە سووریا ئەنجامەکەش راوەبەرد، ئارێ سەرکەوتەیشا بەدەسئارد. سەرو بنەمێ پلانەکێسا ڕووەشدا. تورکیا پێسەو یاوی بەشار ئەسەدش بەکارئارد. پەنەوازا با جۆرە تەماشە کریۆنە. واتە سەرکەوتنو ئاری نییا. بەکارشا ئارد. ئا زلهێزێ کە کەردشا هێزەکا ئیدارەداو جەنگو وەڵینینێ. ئینە ڕۆشنا. ئارێ پەشتەو ئا هیزا کە ئیسە جە دیمەشقەنە ئەرەنیشتینێ. ئارێ هەڵای گەرەکشانە تورکیاچ کریۆوە و گەرەکشانە با جۆرە ئا دۆخەی کە گەرەکشانە باراش، واتە گەرەکشانە بە تەمامەتی کۆنترۆڵش بکەرا. ئیدارەو ئیسەی جە وەراوەرو مەنەیۆش جە دەسەڵاتداری گردو داواکارییەکا جابەجێ مکەرۆ.

بەڵام بێگومان ڕۆشن نییا کە دماتەر تورکیا چێشش سەرەرە مێ. ئیسە ئەر سووریای تازە دروس بۆنە چێش ڕووەمرۆ؟ تورکیاشا وست بەینو پلانەکێشا پەی فشاروستەی سەرو کوردی. پێسەو شمشێرو دیموکراسی گرد ڕوێ گورزە جە کوردی مرا. یوەم ئەرکش هرووژمکەردەین سەرو گلێرگەی کوردی پێ جە تل ڕەفعەتو عەفرینی. دماتەر هرووژمشا کەرد سەرو مەنبەجی و ئیدارەو خۆسەری سەرنیشتوو وەرکەوتوو سووریای. ئی هرووژمێ جە لایەن تورکیایۆ سەرکردایەتی کریا. ماچا سوپاو نەتەوەیی سووریای سوپێوە جا جۆرە نییا. ڕێکوزیێوە وەرگیرین کە چێرو نامێ ڕێکوزیا جیاوازەکا پێکئامان، گردشا ڕێکوزیێکێ تورکیاینێ. گرد کەسێ ئینەیە زانۆ. وە جە بناغەو ئینینە سووپاو ئازادی سووریا(ئۆسۆ) بییەیش هەن. ئاری ئیخوان موسلیمینێنێ، هامسەرۆکشا ئەردۆغانو ئیخوان موسلمینین. ئیخوان موسلیمینا نەک ڕێکوزتەو هێزێوە تەری. واتە ڕاستەوخۆ ڕێکوزتەو یاریشان. وە ئەر با جۆرە بەکارش مارا، ئیسە هرووژم مکەرا. گوایا گرد روێ هەڕەشێ کەرا و کۆمکوژی و فشار کەرا. کەس دەنگش نیا. سووریای ئایندە چەنین بۆ؟ دەورو کوردی و پێکئاماکا چێش بۆنە؟ ئینێ دۆخێن کە مشۆم هۆرسەنگنایشا پەی کریۆ. ڕاسا حکومەتو ئیسەی سووریانە وڕیا، بەڵام ئەرەمەزنارەو حکومەتێوە تازەی ئاسان نییا. پێسەو وەڵتەری دروس مەبۆوە. کەس قەبوڵ مەکەرۆ. گرد کەسێ چی پرۆسەنە بڕێ هۆشیاری و ڕێکوزتەیش پێ. نەتەوەکێ فرێنێ، گردو ئایینەکێ هەنی. مەزهەبی جیاواز فرێنێ، جەمێ و گرووپێ جیاوازێ هەنێ. واتە تەنیا عەرەبێ نمەژیوا، هەم سوننە و هەم عەلەویێ هەنێ و جە مەزهەبێ نیەنێ. عەرەبێ مەسیحیێ هەنێ. واتە ئەندامەکی جە ئایینە جیاوازەکا هەنێ. پێکئامێ تەرێچ هەنێ پێسەو ئاشووری، سریانی، ئەرمەنی، تورکمان، واتە گرد کەسێ. ئیسە بە گوشارەکێ سووریای تازە چنین بۆنە، گەرەکشانە فشار و هەڕەشێ وسا سەرو ئیدارەو پانیشتوو وەرکەوتوو سووریای. بەڵام دۆخێوە جانە نییا. ئەر بڕێ مڏرامان بۆنە، ئیدارەو خۆسەری پانیشتوو وەرکەوتوو سووریای هێزێوە بەهێزتەر جە سووریا، کاریگەرتەر، دەسەڵاتش هەن. فرێنێ ئانێ پەشتی بەوێشا بەسا، فرینێ مڏرامانو ڕێکوزتەیشا هەن. سڵام و پەشوازی جا مڏرامانەیە کەرو. بە ڕێز و پنەزانایۆ یاڏی گەشمەرڏاشا کەروە. قارەمانانە مڏرامانشا کەرد، تا ئیسەیچ وەرەنگارشا بیمێ. جەنگو تشرینی، قرەقۆزاقی، کۆبانێ داعش و یەپەگەی جە سەردەمو وێشانە جەنگشا کەرد، جەنگو هەمان هێزی بەردەواما. دۆخو ئیسەیچ پی جۆرەن. ئیسە چی بابەتەنە مۆدێل و ئەزموونو ئیدارەو پانیشتوو وەرکەوتوو سووریای دۆخێوەن کە تاوۆنە مۆدێلێوە پەی گردو سووریای وەشکەرۆنە. سیستەمێوە دیموکراتیکشا  وەش کەرد کە تاوۆنە ئنە نەتەوێ گلێرێ کەرۆوە. نەریت و ئەزموونێشا ئارد ئاراوە. جە ئەساسەنە ڕاش وەشەکەردە پەی ئانەی ئیدارەو تازەی جە سووریانە چنین بۆنە. جواب و ئانەیشا داوە. پەنەواز نمەکەرۆ فرە نیگەرانێ با چی بابەتەیە. ئەر وێڕاگری نیشانە دانە، ئانە بەقەوەترین و ڕیکوزیا ترین لایەنێنێ. بە واتێوە تەرە چنین وەرەنگاربییەیۆ داعشی پەشتیوانی گردو گەلا جەهانی و بازنەکا دیموکراسیشا بەدەس ئارد، پەشتیوانی گەلو کوردیشا هەن، پەشتیوانی گردو گەلا، ژەنێ، جوانێ و بازنەو دیموکراتیکیشا ئیناچنی. زیاتەریچ بۆنە. واتە دیار نییا هێزو وەراوەری چێش کەرۆ. ئەر هەوڵو ئانەی دا پێسەو ئەفغانستانی، بێگومان ئیدارەو وێراوەبەری پانیشتوو وەرکەوتوو سووریای سووریاو مۆدێلو ئەساسی سووریای تازەو دیموکراتیکین. پەشتگیریش کریۆ. گرد کەسێ گەرەکشا کاریگەریش بۆنە جانەنە. ئارێ ئازادی ژەنێ و ئازادی گەلیشا گەرەکا، ئانێ دیموکراسیشا گەرەکا، ئەوانەیئانێ ئازادی ویرکەردەیۆ و ڕێکوزتەیشا گەرەکا جە ئیسەوە وێشا جە ئیدارەو وێڕاوەبەری پانیشتوو وەرکەوتوو سووریانە ویناوە. هێڵەو نیشتمانی دیموکراسینە مۆدێلو ئیدارەو دیموکراسی جا جۆرەشا بەروست. مۆدێلو ئانەی کە چنین سووریا بۆ بە سیستەمێوە کۆنفیدراڵو دیموکراتیکی. جە ئەساسەنە ئەر دیموکراسییێ دروس بۆ، ئەزموونو پانیشتوو وەرکەوتوو سووریای تاوۆنە مۆدێلێوە بۆ پەی گردو سووریای. بە ئیسفادە ورگێرتەی تاوانە سووریاچەن ئی هەرمانێ کەرا. ئارێ ئی دەسەڵاتەشا هەن، پۆکەی ئینێ بەقەوەترین پێگەنە. مەبۆنە هەس بە لاوازی کەرا. بەتایبەت گەلو کوردی و گردو گەلو تورکمانی، ئاشووری، سریانی، ئەرمەنی پانیشتوو وەرکەوتوو سووریای گلێرێ بیێنێ. با زیاتەر جە یەکتر گلێرێ باوە و یۆگێرانە. با پەی وێشا مڏرامان کەرا. تەمامو گەلی، پیر، جوان، ژەنی، گرد مۆدێلەکەشا پارێزنا، چەکشا هۆرگێرتەن. ئینە مڏرامانو گەلین. بۆ بەمایەو ئیلهامی پەی گردو ستەم چنە کریایا. پێسەو ئەستێرێوە گردو ئانیشا ڕۆشنمکەرۆوە کە ئینێ چێرو فشارینە. هەر پۆکەی پاڵپەشتی گردیشا هەن. هەمیشە پەشتگیری کەرا، با بڕواشا بە وێشا بۆنە. کۆمکوژی کریۆ، مشۆم دژش مڏرمێ. سەرکەوتەی بەبێ مڏرامانی مەحاڵا. دیسان مەبۆ بە پەلە پرسە جیاوازەکێ وزیا ڕۆژەڤۆ.

با بی بۆنۆ ڕۆشنش کەروە، جە گرد هەنگامێوەنە ماچا کێشە پەکەکەن،کەردەنشا بە زوانو وێسا، چی مەگەر ئانێ ئینێ هەتەشەنە کێنێ. جەمێ گلێرۆبیێنێ، مەزانو چکۆ وەرکەوتوو ئاسیا، مەزانو جە کۆکەو جەهانیۆ ئامێنێ. سوپاو نەتەوەیی سووریاچ مەبەسم ئانەن ئانێ ئاکەی کوردێنێ، پەی ئانەی فشار وسا سەرو ئیدارەو وێڕاوەبەری پانیشتوو وەرکەوتوو سووریای ئینەی ماچا. مەبەسم ئانەن هاوڕێ جەمال ئەرەیاوناش کە ئێمە پەیوەندی ڕاستەوخۆما نییا، بەڵام ئینە دۆخێ نییا ئەپاسە بۆبە کێشە. واتە بڕێ کەسێ هەنێ پێسەو ڕاوێژکارێ بڕێ هەرمانێ کەرا. گەر کوردێ با و خەڵکو سووریای نەبا و پەیوەندییشا بە پەکەکەی بۆنە، گەر ئیدارەو وێڕاوەبەری پانیشتوو وەرکەوتوو سووریای قەرارو بەرکەرەیشا دا ئانە ملا. یانی بە تایبەت حیچ کێشێشا پەی پەکەکەی نییا و چەکو وێشا هۆرگێراو ملا پانیشتوو کوردەسانی. هەر وێشا وەڵتەر جە پانیشتوو کوردەسانینە بە چەکەکاشاوە جە دژو داعشی ڕووەشا کەردە وەرنیشت. ئەردۆغان جە گرد کەسێ خاستەر ئانەی زانۆ. کەواتە حیچ کێشێوە نییا. هحچ کێشێوە نییا کە ئیدارەو پانیشتوو وەرکەوتوو سووریای تووشو لاوازی کەرۆ. پی جۆرە مەتاوا تەنگشا پنەهۆرچنا. گەر کەسێوە بۆنە و تەنگەتاوبۆ ئانە ئیدارەو پانیشتوو وەرکەوتوو سووریای نییا. سڵام جەمڏرامانو گەلا و وەرکەوتی کەرۆ بە تایبەت مڏرامانو گەلو کوردی. بە ڕێز و پنەزانایۆ گەشمەرڏاشا یاڏ مکەرمێ و هیواو سەرکەووتەیشا پەی وازمی جە ئەرەکۆشای تاریخو ئازادینە.

گرڎ کەسۍ جە نازمی و جیهانێوە زاناش جە منبج، قەرەقۆزاق و تشرینەنە چێش ڕووە مڎۆ. ئەر نا هەرمانەکۍ ئاڎی نەبیێنۍ، ئانە دروۍ و چەواشەکارییەکۍ جەنگی تایبەتی دۆڵەتو تورکی پېسە حەقەتینێوە نیشانەو گرڎ کەسێ دریۍ. مەژگو گرڎ کەسێ پەڕ کریۍ جە درووەکا دۆڵەتو تورکی. کارێ کریۍ کە دروەکێشا بانۍ بە یاگۍ باوەڕی. ئی فیداکارۍ کەمامەو درووەکاشا ئاردشەرە واری. حەقیقەتشا ڕۆشن کەردۆ. بیۍ بە نموونێوە گۆرەو ئازایی و فیدایی. متاوو بە ڕۊشنی ئینەی واچوو.

پۊکەی بە تایبەت بە ئامانج گیریۍ. هرووژمێوە پلان مجیێرەی بۍ. ئی تاوانۍ کە دۆڵەتو تورکی و ئیدارەو ئەردۆغانی پلانەشا پەی متەرە. کۆمکوژیێوەن. کۆمکوژیێوە کە تاوانەی دژ بە مرۆڤایەتینە. جە ڕەهەندی یاسایچۆ بە کوشتەی پلان پەی مجیایرەی منریۆرە. ۋەرو ئانەی کەمامەکێشا لادۍ کریۍ ئامانج. بە قینی و توڕەییوە هرووژمشا کەرڎ سەرو جەنگەوانا ڕۆشنایی. بەڵام ئاڎۍ بە قارەمانی کۊششا کەرڎ. گەلاو سەرنیشت و ۋەرکۊتوو سووریایچ بە قارەمانیوە جەنگشا کەرد. پېسە تەیب ئەردۆغانی و دۆسە ساختەچیەکاش نەکەردشا. ئانەی وەڵتەر ئیدارەو بەشار ئەسەدی کەرێش ئینە بۍ. پېسە ئی ماوەو دماییە جەنگی نامەردانەش نەکەرد. کورد و ئانۍ چنی کوردی یۆشا گێرت، گرڎ کاتێ بە ئازایانە سەرو هێڵێوە دیموکراتیکی جە دژو ئیدارەو بەعسی بە قارەمانیوە مردێوە. ئەرەکۊشایۍ کاریگەر و بەرهەمدارشا ڕاوەبەرکەرد. پېسە ڕۆنامەوانا بیۍ بە کۊششکارۍ و قارەمانۍ دیموکراتیکی. پەیڕەوێ گۊرەشا یاونا مەنزڵ. پۊکەی جارێوەتەر بە ڕێزو حورمەتۆ یاڎشا بەرز نرخنوو.

هامبەشو خەم و ئێشو وەشەسیایا، بنەیانەی و گلێرگەو ئەرەیاۋنای ئازادینا. جە گرڎ مێڎانێنە خاوەنداریشا ۋنە مکریۆ. مشۆم عالتەر خاوەندارییشا چنە بکریۆ. چونکی ئینە بەماناو خاوەنداریکەردەیا جە دۆزێوە ڕەوای. هەر گلێرگێوە پاڵپەشتی چی کەسا بکەرۆ ئانە نمەتاوۆ درێژە بە ۋێش بڎۆجە گرڎ شۆنێنە هاوارو 'ئەرەیاۋنای ئازادی بێ دەنگ نمەکریۆ' بەرز مەبۆوە. بەڕاسیچ بێدەنگ نمەکریۆ. جە دڵۆ باوەڕیما پینەیە هەن.

چونکی بناغەکە فرە تۆکمەن. مەزڵوم دۆغانەکۍ، غوربەتلی ئەرسۆزانا و ئاپێ موسا ئی بناغەشا متەرە. بناغێوە تۆکمەن. بە هرووژم، کۆمکوژی و گەشمەرڎەکەردەی جەنگاوەرا ئی ئەرەکۊشایە نمەمردۆ. ئی ئەرەیاۋنایە بێدەنگ نمەکریۆ.

٥٠ ساڵێن گرڎ چێوێشا کەرڎ نەتاواشا بێدەنگش بکەرا. ئی هێڵۍ پەی هەمیشەی بەردەوام مەبۆ. گەشمەرڎە نازم و گەشمەرڎە جیهانە بانۍ بە سیمبوڵو ئەرەکۊشای ئازادی ئەرەیاۋنای و ئەرەکۊشای ئەرەیاۋنای ئازادی.

دما دمایی مانگەو کانوونو یووەمی پېسە قۆناغەو کۆمکوژییەکا دۆڵەتو تورکین. بە ڕاسی سەراپاو تاریخو دۆڵەتو تورکی کۆمکوژییا. نمەبۆ ئینەی تەنیا پێوەس بکەرمۍ بە دۆڵەتو تورکیوە. بەڵام بیەو دۆڵەتو تورکی جە کوردەسانەنە ڕێک بەماناو کۆمکوژی مۍ. دما دماییەکۍ مانگەو کانوونو یووەمی ڕێک پی جۆرەنە.

کاریگەرتەرین کۆمکوژیی چی مانگێنە کۆمکوژیی مەرەشین کە ١٩-٢٤و کانوونو یووەمو ١٩٧٨ ئەنجامدریا. ئی کۆمکوژییە مانگێوە دماو ئەرەمەرزناو پەکەکەی ئەنجامدریا. گلێرگەو کوردا عەلەوی کۆمکوژ کریۍ. بە ڕێز و پنەزانایۆ گەشمەرڎا ئا کۆمکوژییە یاڎ مکەرووە.

٤٦ ساڵێن پەکەکە پەی حەقکەردەیۆ ئا کۆمکوژییا ئینا ئەرەکۊشاینە. ئەرەکۊشای حەقکەردەیشۆ ڕاوەبەرکەرڎ. مشۆم گرڎ کەسێ ئینەی بزانۆ. چڼین جارۍ حەقەو ئانەیش کەردێنۆ و زیاتەریچ مکەرۆوە.

کۆمکوژی مەڕەشی بە مەرامو دماییئاردەی بە کوردی جە ۋەرنیشتوو ڕووبارو فوراتی ئەنجامدریا. ٤٦ ساڵۍ چێوەڵی پەی دمایی ئارڎەی بە کوردایەتی جە ۋەرنیشتوو فوراتی هرووژم و کۆمکوژی ئەنجامدریا. لە ئێستادا جە ٤٦ـەمین ساڵوەگەڕو ئا کۆمکوژییەینە جە منبجەنە کۆمکوژی ئەنجام مڎریۆ. هێزی مەرەش، ئارۆ منبج. مەرامو دلێنەبەردەی کوردایەتی جە ۋەرنیشتوو فوراتی ئینا ئارانە. ئی ئاوەزیەتە فاشیستە دژە کوردانە پەی ئانەی ژیۋگەو دیموکراتیکی کوردا جە بەین بەرۆ، سەرو بنەماو کۆمکوژیی تاوانەی دژە مرۆڤایەتیۍ هرووژم مکەرۆ. مشۆم ئینە مردۆ. ئەرێ، بە ئەرەکۊشایما ۋنە پەرسایۆ چینەی مکەرمێوە، بەڵام ڕوۍ مۍ کە ئەنجامدەراو ئی کۆمەڵکوژیا ۋەردەمو تاریخی و مرۆڤایەتیینە ۋنەپەرسایۊیشا ۋنە بکریۆ.

هەرپاسە جە ٢٨و کانوونو یووەمینە کۆمکوژی ڕۆبۆسکی ڕووەشدا. یاڎو گەشمەردا ڕۆبۆسکی جە ١٣هەمین ساڵوەگەڕشەنە بە ڕێز و منەتبارییوە یاڎ مارووە. ئا کۆمکوژییە بەتەمامی بە ئەمرەو تەیب ئەردۆغانی ئەنجامدریا. واتش: "تیرۆریستەکێما گولـلەوارانۍ کەردۍ، باهۆز ئەرداڵ ئۍ". ئانۍ گولـلەواران کریۍ، زاوڵۍ تەمەن ١٣-١٤ ساڵانۍ ڕۆبۆسکی بێنۍ کە سەرحاڵۍ کەسابەتی بێنۍ و بژێوی بنەیانەکەیشا پێڎا کەرێنۍ. پی جۊرە دەسش ئینا ۋنەو ئا زاوڵانە. هەر پۊکەی تاوانەکۍ جددیتەرە و گەورەتەرە بیە.

هەرپاسە جە ١٩و کانوونو یووەمیچەنە کۆمکوژی زینانەکا هەن. ساڵەو ٢٠٠١ بەدەیان شۆڕشگێڵنۍ بە شێوێوە وەحشیانە کوشیۍ. بە ڕێز و منەتباریوە گرڎی یاڎ مارووە. ئیساتۍ کۆمکوژییەکۍ پاریسیش پەی زیاڎۍ بیۍ. ٢٣ۍ کانوونو یووەمی ٢ەمین ساڵوەگەڕو کۆمکوژی دووەمو پاریسین. ٩و کانوونو دووەمی،١١ەمین ساڵوەگەڕو یووەمو کۆمکوژیی پاریسین. پی مەڵامەتۆ گەشمەرڎا دووە کۆمکوژییەکەو پاریسی، سارا، ڕۆژبین، ڕۆناهی و ئەڤین گۆیی، عەبدولڕەحمان کزل و میر پەروەری بە ڕێزو حورمەتۆ یاڎۍ مارمێوە. پەنەوازا گەلەکەما جەجبەرو وڵاتی و وڵاتپارێزنا سەرو بنەماو خاوەنداری جە یاڎەوەری گەشمەرڎا ئەرەکۊشایشا بەهێزتەر بکەرا. من سڵام جە ئەرەکۊشای و مڎرامانیشا مکەرو جە هەمان کاتەنە داواو ۋەرفراوان کەردەی ئەرەکۊشای مکەرو.

بەڵام چن قسێوەما پەی ئیدارەو فەرەنسای هەنۍ. بکوژەکۍ ئشناسێنۍ. بەڵگەی پەنەواز فرەن. ڕاوەبەرا فەرەنسای ماچا خاوەنداری جە کوردەکا ۋەرنیشتی بکەردۍ."

هەر چڼە لاوازیچ بۆ، هەڵوێسی چامنەیچ هەن. بڕۍ وەختۍ مەدحو سەناو جەنگەوانا یەپەژەی مکەرا، بەڵام جە لێوەتەرۆ سەرەنج نمەوزا سەرو کۆمکوژییەکا دەسەڵاتداری فاشیستو ئاکەپە-مەهەپەی، کە دەسش جە کۆمکوژی پاریسینە هەن. ۋنەپەرسایۆ جە تاوانبارا نمەکەرا. پۊکەی هیچ جددی بیەیۍ جە قسەکاشانە نییا. پەنەوازا ڕاوەبەرا فەرەنسای بزانا کە بە سەرنج وستەی سەرو ئی دووە کۆمکوژییەو پاریسی و سزادای تاوانبارا، قسەکێشا لاو گەلو کوردیۆ فرە گرنگۍ بانە. ئا کاتە کوردەکۍ عالتەر باوەڕ بە قسەکاشا مکەرا.

گەلو پاریسی و گلێرگەو فەرەنسای کاروەدایۍ جددیشا نیشانە دا. دۆسایەتیێوە بەهێز هەن و دۆسایەتی گەلو کوردین. پەنەوازا ئینە زیاتەر پەرە بسانۆ. پەنەوازا فشاری زیاتەر وزیۆ سەرو حکومەتو فەرەنسای. چونکی پەنەوازا جە ئیسۆ ۋنەپەرسایۆ جە تاوانەکا دژ بە مرۆڤایەتی و کۆمکوژییەکا ئاکەپەی بکریۆ. چی پرۆسەنە پەنەوازا گرڎ کەسێ یۆگێرتۍ با و ۋنەپەرسایۆ جە تاوانبارا بکریۆ.

گلێرگەو فەرەنسای پەنەوازا فشاری زیاتەر بوزا سەرو ڕاوەبەراشا. چونکی ئاڎۍ جە ڕوو وەرەنگاربیەیۆ ئاستو ئی کۆمکوژییە فاشیستییەینە لاوازێنۍ. قەد نمەبۆ وچیۆ تورکیا دەسش جە کۆمکوژیی دووەمینە نییا. ئینە بە دڵنیاییوە هەرمانەو میتینە. ئێمە فرە عال مزانمۍ. ئاخر دەسەڵاتدارا دۆڵەتو تورکی بە ئاشکرا ۋێشا ماچا کە ئێمە بێنمۍ. پەنەواز نمەکەرۆ پەی ئانەی بزانمۍ ئینە هەرمانەەو ئاڎیشانە ۋەرو ئانەی ۋێشا بە ئاشکرا باسش مکەرا. دۆڵەتو تورکی گرڎ دەرفەتێوە پەی کوشتەی کوردا بەکار مارۆ. پی مەڵامەتۆ پەنەوازا هەوڵبڎەیمۍ حەقەتینەکا شی بکەرمێوە و پەی ۋنەپەرسایۆ جە کۆمکوژییەکا ئەرەکۊشایما بەرز بکەرمێوە.

ئاستو جەنگو ئیساتۍ هەتا ئاخرو ساڵەو ٢٠٢٤ گرنگا. جارێوەتەر پلانەکۍ دۆڵەتو تورکی پووچۍ کریێوە. جەنگ جە گرڎو بەرەکانە بەردەواما. مېیانو جەنگو ٢٠٢٤ بی بە ۋەرنیشتوو زاپی و مەتینای. جە حەقەتینەنە ئا ڕێککەوتەیە جە ٢٢ۍ نیسانینە چنی حکومەتو عێراقی ئیمزاشا کەردەبۍ، جە ١٥و ئابینە تازە کریاوە. مەبەس چی ڕێککۆتەیە ئاستەنگ کەردەی و بەدەست ئاوردەی سەرکۊتەی بۍ. بە قسۍ تەیب ئەردۆغانی هیچ چێوۍ بەنامۍ پەکەکەیۆ جە سەرنیشتوو عێراقینە نمەمەنۆ. ئیساتۍ مەتینانە مڎرامان بەردەواما. جەنگ و چالاکییەکۍ بەردەوامێنۍ. شەوانە هەواڵۍ چالاکییەکا وەڵۍ باوە، مڎرامانیچ بە هەمان شێوە جە ۋەرنیشتوو زاپی بەردەواما. جە کەشو جودی، ئامێدی، کەشو وەهاری. جە گرڎ یاڵو قولەپۆپێوەنە مڎرامان و چالاکییەکۍ گەریلای بەردەوامێنۍ.

غەڵەت نەبو، ٣ۍ تەمموزی بۍ؛ دۆڵەتو تورکی چنی دۆڵەتو عێراقی ڕێککەوتەبۍ و یەکینە زرێپۆشەکێش جە ئامێدی و دێرەلووک و تەنانەت شیلادزێنە سەرو ڕاو پانیشتیۆ یاگەگیرۍ کەردۍ و ئەرەیاۋناش ئیتر سەرۍ گنمۍ. بەڵام جە کەمتەرین کاتەنە گرڎو پلانەکاشا شکسش ئارڎ و جە هەرێمەکەنە چەقۍ. بڕۍ وەختۍ ماچا ئاستەنگێما کەردێنۍ، با واچۆ کێ ئاستەنگ بیەن؟ ئەر پەشتیوانیەکۍ پەدەکەی و عێراقی نەبا، تەنانەت پەی دەیەقێوەیچ نمەتاوا چا شۊنانە مەناوە. پەنەوازا جە یاڎما نەشۆ گرڎ چێوۍ جە سەیەو ئی پاڵپشتیا پەدەکەی و دۆڵەتو عێراقیوە بیەن.

چی ڕووانە جە هەواڵەکانە وەڵاکریاوە کە پەدەکە تیمێوە هەپەگەیشا وتەن دامیۆ و تەقەشا ۋنەکەردێنۍ. پەدەکە نمەبۆ گەمە بە ئێری بکەرۆ. واتا پرۆسەکە ئینا ۋەرو چەماوە، تەنیا ئیسە متاوو ئینەی واچو. بەڵام پەنەوازا ئانەیچ بزانیۆ کە هێزەکۍ دڵەتو تورکی و سوپاکێش جە سەیەو پەشتیوانی و هامکارییەکا پەدەکەی چا ناوچانە تاوانشا مەناوە. ئینە هێزو ئاڎیشا نییا. ئاژەکە چامنەن.

ئیساتۍ چی چوارچێوەنە پا کەسا کە بەرەکێشا ڕووەو دۆڵەتو تورکینە کەردێنێوە، ئا شۆنێشا ورەتێنۍ، واتە ئانۍ هەرێمەکاو پارێزنای میدیا، ئا جوگرافیا زەریفەیە کە بەشێوەن جە عێراقی و پانیشتوو کوردەسانی، پەی هرووژمو ئەرەگیری بەکار مارا و هرووژم مکەرا و سەرمەشقی ئی هەرمانە قیزەونۍ مکەرا، چێش ماچا پەنەوازا سەرنجما سەرشاوە بۆ. پەدەکە چێشش کەرد؟ ئایا قەد تەماشەو هەرمانەکاش مکەرۆ؟ حکومەتو عێراقی چێشش کەرڎ؟ هەرپاسە حکومەتو سودانی؟ هەڤاڵاما فرەو وەختی ئاگاڎیشا دان. من فرە سەرش نمەلو. جە سەرۆ ئەمرەشا پەی ئاما، بە پاو مەسڵەحەتو ۋێشا مامەڵە مکەرا. بەڵام ئێمەیچ قسۍ ۋێما هەنە.

چێش هەن؟ متاومۍ پا کەسا کە جە بەغڎانە نیشتێنێرە واچمۍ تەماشەو بەشار ئەسەدی بکەرا و هۆششا بێوە ۋێشارە.گوایە ئیتر چێش واچمۍ؟ ئەسەد براشا بۍ؛ دووۍ دەوڵەتۍ و ڕاوەبەریێ بێنۍ. تەیب ئەردۆغان گلێرۆبیەیۍ هامبەشش چنی بەشار ئەسەدی جە دیمەشقەنە کەرڎ. ئیساتۍ بەردەوام باس چانەی مکەرۆ کە چنی بەشێوێوە نامەردانە ئەسەدش وڕنان. ماچۆ: "من داوام ۋنەکەرد بەڵام بە قسێش نەکەردا، پۊکەی ئینەش سەرەرە ئاما. پی جۆرە پارێزنای جە کردەوەکاش مکەرۆ. ئیساتۍ با عال بزانا هامکاری و پەشتیوانی جە کۍ مکەرا. با عال بزانا چەمەڕایی دۆسایەتی جە کێ مکەرا. پەکەکە حکومەتو عێراقیش جە دژو داعشی پارێزنا. پەکەکە کەرکوکش پارێزنا، پەکەکە هەولێرش پارێزنا هەرپاسە پەکەکە شەنگاڵش پارێزنا. سەرۆکوەزیرانو عێراقی ۋەردەمو ڕۆنامەنوویسانە و جەماوەرینە سوپاسو پەکەکەیش کەرد.

بەڵێ مەسعوود بارزانیش لوا مەخموور و چنی فەرماندەکا گەریلای نیشتەرە و سوپاس و پنەزانایش پنە یاونێ و واتش: "شمە دەسەڵاتو ئێمەتا پارێزنا". ئەر هەڤاڵێ مەخموورشا نەپارێزنێ، دەسەڵاتو بارزانی هەولێرەنە وڕێ. چێشا سەرەرە ئێ دیار نەبێ. ئێمە وەڵێ گرد چێوێ هەستما بە تەرسێ کەرد. بارزانی مێ سەرو ڕێ ڕاسێ یان نا، ئێمە نمەزانمێ. چونکە هامکاری، خیانەتی چێوێن تا زیاتەر دلێشەنە چەقی خراپتەرا و بەرشییەش چنە ئەستەما. ئیسە تاوا وێشا ڕزگار کەرا یان نا، نمەتاومێ حیچ واچمێ جابارۆ. بەڵام بە بڕێ ئامرازێ پەی نموونەی ئاویشا سەرۆ نەگێرا...ئایا ئاویشا دێپنە؟ نەراشا، حکومەتو عێراقی حیچش نەرا. ئیسە وچیۆ سەرەو عێراقین. بەڵێ ئانە دەسەڵاتداری تەیب ئەردۆغان پێ پاسەش جە سوریای کەرد، جە عێراقیچەنە هەمان چێوم کەرۆ. ئینەیچ بە پەشتبەستەی با پێگە سەروازییا مکەرۆش کە جە عێراق بە سەرمەشقایەتی حکومەتو سودانی کریان، ئەنجام مرۆنە. با هێزەی چنەشا هۆرگیریان کەرۆش. ئارێ وینا کە چێشا سەرەرەمێ. ئێمە گەرەکما نەبێ ئینەی واچمێ. چا کاتەنە ڕوەبەرو ئێمە فرەو جاری ئاگاداریش بە حکومەتو عێراقی دا، بەڵام گۆششا جە ئێمە نەگێرت. وەرو ئانەی ئێمە خاس مشناسمێش، مزانمێ گەرەکشانە چێش کەرا، حیچ کردەوێوە خاس و دوستانە جاریشا بەدی مەکریۆ. ئەر بانگەوازییەکا ئێمەشا وەرچەما گێرتێ پەی ئاریشا خاستەر بێ و بەپاو بەرژەوەندی هەرزانی مامەڵەشا نەکەردێ. ئیتر چێش واچمێ؟ ئیسە با سەرنجشا سەرو ئانەی بۆ جا دۆخەنە چنین وێشا ڕزگار بکەرا. بەڵام ئێمە دیسان ئەرەکۆشایما بەردەواما و باجەکەش چێش بۆ بابۆ. ئازایەتی و فیداکاری نیشانە مرەیمێ و درێژە بە ئەرەکۆشای وێما مرەیمێ. ئێمە جە وەراوەرو ئەرەگیرییەکاو دۆڵەتو تورکینە، هەرێمەکا پارێزناو میدیایما پارێزنا، ئینە تا ڕادێ بە ماناو پارێزناو پانیشتوو کوردەسانی و عێراقیش پێ. پەکەکە جە خەتەو وێسەنە بە هێزو وێش بەردەواما بۆنە و درێژە بە ئەرەکۆشاو وێش مرۆ. بەڵام پەنەوازا هەر کەسێ بەراوەردو وێش کەرۆ. پەنەوازا حکومەتو ئیسەی، بەڕاسی جە وێش پەرسۆوە ئا هامپەیمانییە دژو پەکەکەی کەردش ئایا بەڕاسی دژو پەکەکەی بێ یان تەڵێوە بێ جە دژو وێشا؟ ڕاوەبەرو ئێمە بە ڕۆشنی واتش؛ ئینە تەڵێوەن پەی عێراقی نریانەرە، پەنەوازا نەکنۆ دلێ تەڵەکەیۆ، دما ڕۆ باجەکەش قورس بۆنە. ئیسە ماچا جە بەغداد و عێراقەنە تەرسی هەنە، گرد یاگێنە جموجۆڵ دەسش پنەکەردەن. دۆخو سوریا بە خێرایی کاریگەریش سەرو دۆخو عێراقی نیانەرە. هیواڏارێنمێ جا دۆخەیە دەرس هۆرگێرانە. بەتایبەتی ئانێ خەڵەتشا کەردەن باجو خەڵەتەکەیشا مرا، بەڵام هیواڏارینمێ هێزە دیموکراتیکی و ئازادیوازو عێراقی جە حەقەتینەو پەکەکەی یاوانە و بەیا سەرو هێڵەی ڕاسە. بانگەواز و چەمەڕایما سەرو ئی بنەمێنە.

بەڵێ ساڵەی تازێ ٢٠٢٥و میلادیێ ئینا وەڵێمانە. سەرەتا هیواو ساڵەو تازێ جە گردو ئا کەسا کە ئەرەکۆشای پەی دیموکراسی و ئازادیکەرا موبارەک کەرو. جە ئەرەکۆشاو ٢٠٢٥نە هیواو سەرکەوتەیشا پەی وازو. هۆرسەنگنای سەرو ساڵێنە کریۆ، ئێمەچ پێسەو جمیەرەکەیما کەرمێش. ئەرەیاوناکەینە وەڵاش کەرمێ، گلێرۆبییەکەینە هەرپاسە کەرمێش. ئێمە بەردەوام ئامادەیما، زیاتەر پەی پرۆسەکەی کەردەن، ساڵەی تازێ بە هێز و پلانۆ دەس پنەکەرمێ. ساڵەو ٢٠٢٤ سەرو ئاسو نەتەوەیی و مییانەتەوەیی ٢ چێوێما کەردێنێ مەرج. ئانەی جە ئاسو مییانەتەوەیینە کەردما بە مەرج چێش بێ؟ جەنگو غەززەی جە٧و ئۆکتۆبەرو ٢٠٢٣ دەسش پنەکەرد. مەرجش پەی وەرکەوتوو دلێڕاسەی وەشکەرد، بەڵام ئینە پەی وەرکەوتوو دلێڕاسەی نەبێ. بەڵكووم کاریگەری جەهانیشش چنەکەوتۆ. جەنگو جەهانی یەرەمی چاوە دەسش پنەکەرد. جەنگو غەززەی جەنگێوە گەرم و بەشێوە کاریگەر بێ جە جەنگو جەهانینە. ماوێوە فرەس پنەشی، بەڵام غەززە سەرو بن کریا بە دەیان هەزار کەسێ کوژریێ. گەلو فەلەستینی کۆمکوژ کریا. جەنگ چاوە بەرەو لوبنان تەشەنەش کەرد. جەنگو ئیسرائیلی و حەماسی ڕووەشدا. بەڕاسی گلێرگەو شیعەو لوبنانی باجێوە قورسشا دا. دماجار دەسەڵاتو ٦٠ساڵەو بەعسی سوریانە وڕا. ئیسە ئینایمێ شۆنەو ڕوەبەریێ تازەینە. جەنگ بە قورسی بەردەوام بێ. جە لێوەتەرۆ ئی جەنگەچ ئۆکرانیا بەردەوام بێ. چێگەنە پەیوەندییی بەقەوەت ئینا بەینو جەنگو ئۆکرانیای و غەززەینە. بەشێوە جەنگو جەهانی یەرەمی بەهەژمار مێ. پەی ئانەی  ئەسەد بە ئاسانی چنی ڕوسیای ڕێککەوتن کەرۆ، پەیوەندیش بە جەنگو ئۆکرانیای هەن. چاکەیچ ڕووە مرۆ. سیاسەتەکێ ترەمپی ئی پروسەیە وەرەروڕو فاڕیای کەرۆوە و ڕەنگە جەنگو ئۆکرانیا لاواز بۆ یان بەیەکجاری دمایش پنە بێ. سیستەمو سەرمایەداری بە دەسەڵاتداری بایدنی سەبارەت بە جەنگو ئۆکرانیای و جەنگو غەززەی تا سوریا جەنگەگە وەربڵاو کریاوە، ئیسە بە سیاسەتەکا ترەمپی، ئی پرۆسە فاڕییای تازەس سەرەرە مێ. نمەزانمێ جەنگی تازە جە بوارە جیاوازەکانە دەس پنەکەرۆ یان نا. مەنتیقێ کێشەبەسەرێ فرێنێ، بەڵام مییانگەی سەرەکی وەرکەوتوو مېیامینیا.

ئیتر ئایا جەنگو وەرکەوتوو دلێراسەی جەنگی هەرێمی بۆنە؟ وەرکەوتوو دلێڕاسەی ئیسە بییەن بە جەنگو زلهێزەکان و جەنگو جەهانی یەرەمش دلێنە ملۆ ڕاوە، هەرێمو و ناوەندو شارستانییەتی. جەنگو سیستەمو دەسەڵات و دۆڵەت بەتەمامەتی  سەرو سیستەمی هەن. بەڵام چێگەنە ج٣نگ بەردەوام بۆنەو و تەشەنە کەرۆ. ڕەنگە قووڵتەریچ بۆ. جە حەقەتینەنە ئاسو ساڵەو ٢٠٢٤گرنگ بێ، بەڵام ساڵەو ٢٠٢٥نە سیستەمو سەرمایەداری درێژە بە هرووژمێ و جەنگەکاش مرۆ. بەڵام سەرەنج سەرو ئێرانی و تورکیای هەن، چونکە دۆخو دەوڵەت نەتەوەی ماوەو سەد ساڵان ئێران و تورکیانە بەردەواما. وەڵتەر هەژمونەکێ مەنتیقەکەی ئێران و تورکیان بێ، ئیسە هەژموونێ تازەو مەنتیقەی دروس بۆنە. ئیسرائیل بە پاڵپەشتی سیستەمو سەرمایەداری هەوڵ مرۆ بۆ هێزێوە هەژموونی مەنتیقەکەی. میسر بە ڕێککەوتەی چنی عەرەبەکا و بە ڕێککەوتەی چنی سعودییەکا گەرەکشا سیستەمێوە تازە جە وەرکەوتوو دلێڕاسەینە سەرو بنەماو ڕێککەوتەی عەرەبی و ئیسرائیلی جە دەوروبەرو ڕاو بازرگانی وزەی بنیات بنیۆ. سیستەمێوەن کە ستاتۆیۆ دۆڵەت نەتەوە دلێشەنە هۆرگیریان، سەرمایەداری بە خێرایی و بە ئازادی ئینا هەوڵداینە، پۆکەی چی هەرێمەنە کە جە ڕووەو سەرجەمەو وزەی ناوەندیی، گەرەکشانە پەی گەشەدای و زیاکەردەی قازانجی سەرمایێ ڕێکوزیێ تازە بنیات بنیۆ. پۆکەی ستاتۆو دۆڵەت نەتەوەی وەردەمو ئی پڕۆژەیە بەربەسا. جە وەراوەرو ئی بەکارئاردەی تاڵانکارییا بەربەسا. پۆکەی هەوڵو لابەردەی مرا. هەرپاسە با جۆرە جەنگەکە پەی ناوەندو هەرێمیەکا تەشەنە کەرۆ و پرۆسەکە فاریۆوە پەی تورکیای و ئێرانی. وینمێ ئێران و تورکیا چێشا سەرەرە مێ. ڕەنگە گرد یاگێنە پێسەو یۆی نەبۆ. جە تورکیانە جیاواز بۆنە. تورکیا پەی وێش جەلایەن سیستەمیۆ کەوتەن گەمارۆ. تاوۆنە جە راو سیاسەتی، ئابووری، فرەو چێوی فاریۆنە. ڕابەر ئاپۆ واتش ئەر نەفاڕیۆ پارچەش کەرا. ڕابەر ئاپۆ جپجی دما دماییا دیسان هۆشداریش دا. واتش: "جە ئەنادۆڵەنە وزمێش داوۆ." بە واتێوە تەر تەنانەت جە ئەنقەرەچ زیاتەر وسمێشا ئاستەنگیۆ. چونکە فرەش نەمەنە تورکیا وسیۆ بەرنامەو هەرمانێشا. چی ڕۆشنویرا و سیاسەتمەدارا تورکیای چینەیە مەیاوانە؟ پەی ناوەندەکا دیموکراسی جا ئاستەنە مەیاوانە و دەست بە هەوڵدای مەکەرا؟ مرۆڤ وەراوەرو ئی دۆخەیە سەرەش سوڕمەنۆ. دۆخەکە پاسە نییا کە دڵو مرۆڤی پنەش ئاسوودە بۆنە. جە سەیەو دەسەڵاتداری ئاکەپە-مەهەپەئ، تورکیا بەرەو کارەسات ملۆ، پەیجی ئینەی مەوینا؟ مرۆڤ پەرسۆنە ئایا ئنە بێ فکرێ و تەدبیرنێ؟ کێشەکە بنەڕەتەنە ئینا چینەینە.

بە دڵنیاییوە بڕۍ چێوۍ جە ئێرانەنە بنیاڎ منیا. هێزەکۍ ئێرانی جە جبەرو سنوورەکاوە کاریگەریی فرەشا بۍ. دیارا ئاڎیشا زیاتەر سنووردار مکەرا. ئێران مەیلو ڕێککەوتەیش نیشانە دا. جەنگش نەکەرد. ئاڎۍ گەرەکشانە بە فشارەکاشا ئەنجام بەدەس بارا.

پۊکەی جەنگوو جەهانی یەرەمی جە ساڵەو٢٠٢٤، جەنگو غەززەو ساڵەو ٢٠٢٣ێش بە میرات هۊرگێرتەن، پېسە جەنگو لوبنانی و سوریای یاوا بە ئاستێوە بەرزتەر، ئیساتێچ ملۆ ساڵەو ٢٠٢٥. ساڵەو ٢٠٢٥ بەهەمان ئاستی بەرز و خێراتەر موېیەرۆ. بڕۍ ماچا ساڵەو ٢٠٢٥ ساڵێوە عالە بۆ ۋەرو ئانەی چنەشەنە فاڕیای بنەڕەتی و خێرا مکریۆ. وچیۍ ساڵەو٢٠٢٤ ساڵەو هۊرچنیەی و ساڵەو ٢٠٢٥مەبۆ بە ساڵەو جەنگی و فاڕیایەکا. جە ساڵەو ٢٠٢٤ ینە هۊرچنیەی ئەنجامدریا، بەڵام جە ڕوو جەنگی و فاڕیایۆ ساڵێوە لاوازە نەبۍ. جە ساڵەو ٢٠٢٥ینە جەنگ قووڵتەر مەبۆوە، مشۆم گرڎ کەسۍ ئینەی بزانۆ.

ئێمە سەرو ئاستی نەتەوەیینە ساڵەو ٢٠٢٤یما بە هەڵمەتەو 'ئازادی پەی ڕابەر ئاپۆی، چارەسەری دیموکراتیک پەی پرسو کوردی' دەس پنەکەرد کە جە١٠و ئۊکتۆبەرو٢٠٢٣ ئەرەیاۋېیا. پېسە جمېیەرەکەیما و گەلی ساڵەو ٢٠٢٤ بە هەڵمەتێوە پاسە ئەرەکۊشایرە ۋېیەردە. بە سەرمەشقایەتی مڎرامانو ئیمرالی و بە ئەرەکۊشای قارەمانانەو گەریلاکا جە زاپ و مەتینانە، ئی مڎرامانە بە چالاکیی هەڤاڵا توساشی ئاسیا عەلیە و ڕۆژگەر هێلینی یاوا بە بەرزتەرین ئاستو ۋێش. هەرپاسە بە ئەرەکۊشای هەر چوار بەشو کوردەسانی، ساڵێوە گۆرۍ ئەرەکۊشای ئازادیوازی لوواڕاوە. گەلو کوردی پا جۆرە جە ڕاسی ڕابەری یاوانە، ۋێش پەروەردە کەرد و پارادایمو دیموکراتیکی، ئیکۆلۆژی و ئازادی ژەنا و ئەرەکۊشای گەلوو کوردی جە گرڎو جەهانینە وەڵابیۆ. پەی کوردی ساڵێوە عالە بۍ پەی ئانەی هێڵۊو مۆدێرنیتەی دیموکراتیکی جە جەهانەنە وەڵابۆوە. ئێمە ئەنجامەکێما هۊرسەنگنێنۍ. جە ٢٣ۍ ئۆکتۆبەرینە ناچارۍ بیۍ چنی ڕابەر ئاپۆی دیڎار بکەرا. فاشیزمو ئاکەپە-مەهەپەی تووشو شۆکی بیەن. گرڎ کەسۍ واچۍ چانەینە وڕۆ، گەرەکشانە بە دەسوەردایەکا جە ڕووەدایەکا سوریاینە کوچۍ زیاتەر مەناوە. بەڵام پەی ڕزگارکەردەیشا چا ئاژەیە ئا هەرمانۍ نمەکەرا. ڕوۍ مۍ ئانۍ تا ئیسە پەشتگیریشا ۋنەکەردێنۍ، ۋنەپەرسایش چنە بکەرا؛ ئی تاوانێتە پەی چێشی کەردێنە. گرڎ ئینەی مزانا کە تەماشەو ئاژەو سوریای و بەشار ئەسەدی بکەرا، پېسە ئانەی جە جامەنە تەماشەو ۋێشا بکەرا، ۋێشا چنەش مویناوە کە چێششا سەر مۍ.

ئی مڎرامانە گۆرە و هەمەلایەنەو ئازادییە پېسە میراتێوە پەی ساڵەو ٢٠٢٥ مەنۆوە. پی جۆرە ساڵەو ٢٠٢٥دەس پنەمکەرمۍ. ئەرەکۊشایما پەی ئازادی دۆسایەتیێوە گۊرەش بەدەسئارڎ. ئازادی ڕابەر ئاپۆی فاڕیا پەی ئازادی گرڎو چێردەسا. ئەرەکۊشای ئازادی و دیموکراسی جە کوردەسانەنە بی بە ئەرەکۊشای ئازادی و دیموکراسی پەی گرڎ لێوە. جە ساڵەو ٢٠٢٥ ئی ئەرەکۊشایە جە گرڎ بوارەکانە ملۆڕاوە، بە فرەو شێوا و ڕێبازی ساڵێوە خاسە بۆ کە ئەنجامی دماین بەدەس مارا. جە سەرەتاوە واتما ئی پرۆسە بە ئازادی فیزیکی ڕابەر ئاپۆی تا هۊرگێرتەی ئەنجامێوە بنەڕەتی جە چارەسەری پرسو کوردی بەردەوام مەبۆ. جە پانیشت و ۋەرنیشت و سەرنیشت و ۋەرکۊتیچنە بەردەوام مەبۆ. ڕووەدایۍ تازۍ ڕووە مڎا.

حەقەتینەکە ئانەنە کە ساڵەو ٢٠٢٤ ساڵەو جەنگی قورسی و فاڕیای و گەشەسانایەکا بۍ. ساڵەو ٢٠٢٥ متاوۆ ساڵێوە عالە بۆ و ئەرەکۊشای قووڵتەر بۆوە و پەی ئانەی ئەنجامی دماین بەدەس بۍ. بێگومان ئەنجامەکێش جە لایەنو هێزە کۊششکارەکاوە دیاری مکریۆ. ئەرەکۊشای و هەوڵدایەکۍ ئاڎیشا دەرەنجامەکا دیاری مکەرۆ. پېسە گەلی و جمېیەرەکەیما هەرچی هەرەکەتمانە بۆ مکەرمێش پەی ئانەی ساڵەو ٢٠٢٥ بکەرمۍ بە ساڵەو ئازادی و دیموکراسی. سەرو بنەماو هەڵمەتەو مېیاننەتەوەیی ئازادی ڕابە ئاپۆی و چارەسەری پرسو کوردی جە گرڎو بوارەکانە بە قەوەتتەرین میتۆد ئەرەکۊشای ۋێما ڕاوەبەرمکەرمۍ و ئەنجامی گۆرە بەدەس مارمۍ. ئینە قەرارو ئێمەن، هێزو ئانەیما هەن ئینەی بکەرمۍ. ئێمە ساڵەو ٢٠٢٥ بە شێوێوە ئاماڎەکریا و پلان پەی مجیایرەی و ڕێکوستەی دەس پنەمکەرمۍ. قەناعەتما چانەن ساڵەی ئایندۍ سەرکۊتەی گۆرە بەدەس مارمۍ.

جە دمادماینە هیواو سەرکەوتەی پەی گرڎو ئا کەسا موازمۍ کە جە ساڵەو ٢٠٢٥ینە پەی بەدیئامای دیموکراسی و ئازادی ئەرەکۊشای مکەرا، هەرپاسە جارێوەتەر ساڵەی تازۍ میلادی جە هێزەکاو دیموکراسی و ئازادی مبارەک مکەرو."