چوارچوەو چالاکییەکاو ٤و نیسانینە مەنتێقەو سرینینە ئاهەنگێو پەی زارۆڵا کریا، ئاهەنگەکە مەنتێقەو سرینینە بە ئامادەبییەی سەدان زارۆڵە گەشمەردا و بە دەیەقێو ڕێزوەنەنیای جە گیانو گەشمەردا دەسش پەنە کەرد. چالاکییەکەنە زارۆڵەکێ بێ مردای دروشمو "بێ سەرۆکی ژیوای نمەبۆ"یشا واتۆ. هەرپاسە چەنی ئاهەنگگێڵنای زارۆڵا ڕسمو ڕابەرو گەلو کوردی عەبدوڵا ئۆجالانی بەرزێ کریێوە.

هاموەخت شارەکڵەو تل خەزالو سەر بە  شێرانینە بە بۆنەو ٤و نیسانیوە ئاهەنگێوە گێڵیا. ئاهەنگەکەنە گۆرانیێ وچیێ و ورپڕای کریا و دروشمو "بژیوۆ سەرۆک ئاپۆ"ی بەرزێ کریێوە و ئاهەنگەکە بە ڕسمێ ڕابەرو گەلو کوردی عەبدوڵا ئۆجالانی ڕازیابێوە. دماتەر چالاکییەکە بە وانایۆ شیکارییەکاو ڕابەرو گەلو کوردی عەبدوڵا ئۆجالانی دماییش ئاما.

هەرپاسە مەیدانو ژەنێ ئازادێنە بە سەرمەشقایەتیی تەڤگەرو گەنجە شۆڕشگێڵنا نیشانگاێوە پەی ڕسمەکاو ڕابەرو گەلو کوردی عەبدوڵا ئۆجالانی کریاوە.