بە سەدان کەسێ جە دەزگا مەدەنییەکا و دەزگاکاو سەر بە ڕاوەبەریی هەرێموو فوراتی، پەی بەخاکئسپارای جەنازەو ئالان بەخدک (محەمەد محەمەد) ئەنداموو تەڤدەمی، کە ٩و نیسانی شەنگالنە گەشمەرڎە بی و جەنازەو فێمێ دۊنخز (سلۊ محەمەد)ێ ئەنداموو جەبهە ئەلئەکرادی، کە ٢٢ێ نیسانینە منبج-نە، سەروو هەرمانەکێشۊ گەشمەرڎە بی، کوێ بیێوە و جەنازەو حەردووە گەشمەرڎا، جە قەبرسانوو گەشمەرڎە دیجلەینە پانیشتوو کۊبانێنە بەخاکی ئسپاریێ.

دماو دەیەقێوە ڕێزگرتەی "لیفییە سلێمان"ە، ئەندامەو ڕاوەبەریی کۊنگرەو ستاری جە مەنتێقەو شێرانینە قسێش کەرڎێ. لیفییە واتش، کە هەرمانەشا ئانێنە عەلەمەو گەشمەرڎا ورگێرا و بەرڎەوامی بە ڕێکێشا بدا و واتش، " ئێمە داراو ئیرادە و فەلسەفەی ڕابەر ئاپۊینمێ، ئێمە داراو گەشمەرڎانمێ کە گیانشا بەختە کرڎەن و دوژمنی دلێنە بەرمێ. ئێمە جە سەیەو گەشمەرڎامانە بە تەئکیدی سەرێ گنمێ. قەرار مدەیمێ کە ڕاشا گومو نەکەرمێ تا ئازادی درێژەش پەنە دەیمێ."

"محەمەد عەلی" ئەنداموو ڕاوەبەریی جەبهە ئەلئەکرادوو هەرێموو فوراتیچ قسێش کەرڎێ و قەراروو بەرڎەوامیدایش بە ڕاو گەشمەرڎا دا.

"ساڵح نوح" ئەنداموو ئەنجوومەنی گرڎینوو پارتوو یۊبییەی دیموکراتی (پەیەدە)یچ قسێش کەرڎێ و باسوو ئانەیش کەرد، کە گەشمەرڎێ پەی خوڵقنای ژیواێوە شەرەفمەندانەی گیانشا فیدا کەرڎەن و واتش، " ئێمە داراو شانسێوە گەورەینمێ، کە ڕابەر ئاپۊ چی قۊناغەنە بەر کەوتەن. ڕابەر ئاپۊ ماچۊ، ئا یاگێ هزروو منش چەنە بۊ، من ئینانا چا. پێویسا ئێمەیچ وێما بە ساعیبوو هزر و فەلسەفە و ڕابەر ئاپۊی و گەشمەرڎا بزانمێ."

سەروو نامێ بنەیانەو گەشمەرڎە "وڵات شێخۊ"ی قسێش کەرڎێ، شێخۊ باسوو ئانەیش کەرد، کە تا ئاخیر بەرڎەوامی بە ڕاو گەشمەرڎا مدا.

دماتەر ئشناسنامەو گەشمەرڎا ونیاوە و ڕادەسوو بنەیانەکا کریێوە. جەنازەو هەردووە گەشمەرڎا بە واتەیوە دروشما و هەلهەلەدایوەنەیۊ بەخاکی ئسپاریێ.

س.ز