تەڤگەروو خۊنکارا دیموکراتیکی کانتۆنوو فوراتی جە چوارچێوەو پەشتگیری جە دەسوەڵېوستەی گەلی بە درووشمەو "ئازاڎیی پۍ عەبدوڵا ئۆجالانی، چارەسەری سیاسی پۍ پرسوو کوردی" و پۍ شەرمەزار کەردەی گۆشەگیری سەروو ڕابەروو گەلوو کوردی عەبدوڵا ئۆجالانی و بەدیئامای ئازاڎیی جەستەیی ڕاپیمایشا کەرد.

جە چالاکییەکەنە ئەندامەو تەڤگەروو خۊنکارا دیموکراتیکی کانتۆنوو فوراتی شیرین محەمەڎە ئەرەیاۋنېوەش وەناوە، ئاماژە پانەی کریا کە ئاڎۍ خۊنکارۍ ڕابەروو گەلوو کوردی عەبدوڵا ئۆجالانینۍ و وچیا: "ئامانجما ماڕای گۆشەگیری قورس و ئازاڎیی جەستەیی ڕابەر عەبدوڵا ئۆجالانیا".

جە درێژەو ئەرەیاۋناکەینە داواو ۋېشا پۍ جەهانی ئاشکرا کەرد و واتشا: "ئاڎیچ ئازاڎیی جەستەیی ڕابەر عەبدوڵا ئۆجالانی و چارەسەری دادپەروەرانەو قەزیەو کوردیا. تا بەدیئامای ئی داخوازییا درێژە بە کۊشیای مڎەیمۍ".

ڕاپیماکەی بە درووشمەو "بێ سەرۆکی ژیۋای مەبۆ" دمایش پنەئاما.