کۆنسەو گرڎیی جمیەروو ئاخێزوو یۊگێرتەو ژەنا (کەبەدەهە)ی ئەرەیاۋنێوەش وەڵاکەردۆ و ئەرەیاۋناش: "دەوڵەتوو تورکی چن مانگۍ چێوەڵتەر قۆناغەی تازۍ ئەرەگیریش ئەرەیاۋنا، جە ١٦و نیسانینە بە هجووم کەردەی سەروو مەتینای دەسش پا قۆناغۍکەرد. گەریلا بە چالاکیەکاش جوابوو سەرەتاو ئا هجووماشە داوە.

جە شارەکایچەنە جە تەرەفوو گەلیماوە جە ۋەرنیشت، گەلاو تورکیای، سەرنیشتوو کوردسانی و ئەوروپای بە دروشمەو 'بژیۋۆ مدرامانوو گەریلا'ی جوابوو ئا هجووماشە داوە. جە شارەکاو تورکیایچەنە بە چالاکی هێزە جەنگاوەرەکاما جوابوو ڕژێمیما داوە و هێزما دا بە مدرامانەکا گەریلای. پېسە ژەنا، سڵام جە گەلەکەیما و جەنگاوەراما مکەرمۍ کە دژوو هجوومە ئەرەگیرییەکا مجیێرە مېڎانەکا."

جە ئەرەیاۋناکەینە ئاماژە پانەی کریا پێویسا ئی ناڕازیبۍ و هەڵوێسۍ ۋەرفراوانتەرۍ بکریا و ماچۆ: "پێویسا ئانە بزانیۆ کە ئی هجوومۍ بەس بە دلېنەبەردەی گەریلای و چاپەمەنی کوردی مەمرداوە. پېسە چنی هجووم پەی سەروو دەس سەرەرەگێرتەی ئیرادەو گەلوو وانی، بە کۊشیای یۆگێرتەی دلېنەبریا، کۆنسێپتوو دلېنەبەردەیچ بە بەرەو  کۊشیای یۆگێرتەی تێک مڎریۆ. ۋەروو ئانەی پەشگیری کەردەی دەنگی ئازاڎی و چاپەمەنی ئازاڎیی پەشتیوانیکەردەین جە ئازاڎیی و یەکسانی جمیەروو ژەنا دیموکراتیک، فیمینیستی و سۆسیالیستی، جە هەمانوەختیچەنەگەورەکەردەی کۊشیاین دژوو دەس سەرەرەگێرتەی مافوو چالاکی و بەربڕیەی ئازاڎیی.

بەنامۍ جمیەروو ئاخێزوو یۆگێرتەو ژەناوە دژوو هجوومەکا دەوڵەتوو پیاسالاری، فاشیست و ئەرەگیری تورکی جە گرڎوو مېڎانەکانە دەنگما ئێژا بکەرمۍ. بە قەرارداری گەریلاکاماوە کە کەشەکانە ڕوومەتوو گەلیما پارێزنا، ئێمەیچ بە جەنگاوەراماوە جە شارەکانە چالاکی گەورە بکەرمۍ. ڕژێمی فاشیستی ئاکەپە-مەهەپەی جە هجوومەکاش پەشیمان بکەرمېوە، کە جە ١٦و نیسانینە بە هجوومکەردەی سەروو مەتینای جەنگی ئەرەگیریش یاۋنا بە ئاستێوە باڵاتەر."