بە پاو هەواڵێوی تۆڕەو مافەکاو ئینسانو کوردستانی شەوەو چوارشەممەی یەکو ئایاری کۆڵبەرێوی ٤٥ ساڵە بە نامێ هێمن ئەحمەدی، سنوورو بەستامو سەقزینە، پاسەواناو سنوورو دەوڵەتو ئێرانی بە بێ هاگادارکەردەیوە مەوداێوە نزیکۆ تەقە وەنەکەرد و کوشت.

حەر چا بارەوە کۆڵبەر نیوز وەڵاش کەردەنۆ، هێزەکاو دەوڵەتو ئێرانی مەوداو مەترێونە فیشەکێشا نیان سەرو دڵو ئا کۆڵبەرەیوە. 

هێمن ئەحمەدی خەڵکو دەگاو کارێزەو سەقزین و خێزاندارا و تاتەو زاڕوێچا.

ماوەو دووێ حەفتانە دووێ کۆڵبەرێ  کوشیێنێ و نزیکەو ٢٠ کۆڵبەرایچ بریندارێ بیێنێ.

بەینو یەکو ئایارو ٢٠٢٣ تا یەکو ئایارو ٢٠٢٣ نزیکەو ٥٠ کۆڵبەرا کوشیێنێ و زیاتەر جە ٤٢٠ کۆڵبەرایچ بریندارێ بیێنێ.