کۊبییەیوەو دەم پارتی و جەهەپەینە پەیام دژوو حوکموو قەیومی دریا
گردینەکاو دەم پارتی تولای حاتەم ئۊغۊللاری و تونجەر باقرخانە ناوەندی گردینوو جەهەپەینە چەنی سەرۊکی گردینوو جەهەپەی ئۊزگور ئۊزەلی کوێ بیێوە.
کۊبییەیۊ بەینوو هامسەرۊکاو پارتوو یەکسانی و دیموکراسیی گەلا (دەم پارتی) و سەرۊکی گردینوو جەهەپەی دماییش ئاما، دماو کۊبییەیوەکەی کۊنفرانسێوە ڕۊنامەوانی بەسیا.
ئەوەڵ سەرۊکی گردینوو جەهەپەی ئۊزگور ئۊزەل خێرئامای هامسەرۊکاو دەم پارتییش کەرد، واتش سەروو قەیرانی ئابووری و لایەنە سیاسییەکا و ورچنیەیە هەرێمییەکا قسێشا کەرڎێنێ.
درێژەو قسەکاشنە ئۊزەل واتش، بەدڵنیاییوە ئادێ سیاسەتوو قەیومی ڕەت کەراوە.
هامسەرۊکی گردینوو دەم پارتی تولای حاتەم ئۊغۊللاری واتش، پرۊسەو سیاسیما تورکیانە و جیهانەنە ورسەنگنا، پێسە دەم پارتی جەخت کەرمێوە هۊکاری سەرەکیی نەبییەی دیموکراسی تورکیانە، چارەسەرنەبییەی کێشەو کوردین جە ڕاو ئاشتی و دیموکراتیکیوە.
حاتەم ئۊغۊللاری واتش سەدەو دووەمینە، ئەرەمەرزنای کۊمارێوە دیموکراتیکی هەرمانەو گردیمانە.
هامسەرۊکی گردینوو دەم پارتی تونجەر باقرخانە ئاماژەش پانەیە کەرد، تورکیانە و هەرێمەکەنە قەیرانێ گرنگێ هەنێ، پەرسەو قەیومی تەنیا پەرسەو دەم پارتی نییەنە، پەنەوازا گردوو ئۊزپۊزیسیۊنی چی مژارەنە هەڵوێستشا بۊ. هومێد موازمێ ئی سیستموو قەیومەیە زووتەرین وەختەنە دماییش بێ.
دمایی سوپاسوو سەرۊکی گردینی و وەرپەرس و ئەنداماو جەهەپەیش کەرد پەی خێرامایەکەیشا.
