بە سەرمەشقایەتی پلاتفۆرمو ڕەنج و دیموکراسی و سەندیکاکا، ئاهەنگو ١و ئایاری مەیدانو سەید ڕەزاینە دێرسیمنە مەبارەک کریا. جەماوەر بە درووشمێ و هەلهەلێ دەسشا بە ڕاپیمای کەرد و ڕاپیمایەکەی مەیدانو سەید ڕەزاینە دماییش ئاما.

چالاکییەکەنە سەرۆکو پارتو ڕەنجی، ئەرگین تەکین واتش حکومەت و دەسەڵات بودجەو جەنگی زیاد مکەرانێ و بودجەو جەماوەری کەم مکەرانێوە.

تەکین واتش هەنگامە پەی چارەسەرو پەرسەو کوردی نمەنریۆ و سیاسەتو نکۆڵی بەردەواما، پێویسا کرێکارێ و گردو گەلا پەی چارەسەرو پەرسەو کوردی کۆشای گەورە بکەرا.

دمایی هامسەرۆکو شارەوانیی دێرسیمی بیرسەن ئۆرهان واتش، پەی گەورەکەردەی هومیدی ئینێ مەیداننە و دەسەڵات چینەیە متەرسۆ، واتش: "دژو جەنگی و ئەرەگیرکاری و تاڵانی، بژیوۆ ١و ئایاری".

هامسەرۆکو شارەوانیی دێرسیمی جەودەت کۆناک تیشکەش وستە سەرو کۆکوشیی دێرسیمی و کوشتەی ٤٠ هەزار کەسا، قوربانییاو کۆکوشییەکەیش یادێ کەردێوە و واتش: "با ١و ئایاری بۆ بە  ببێتە مایێ پەیداببییەی وونی دەستوورێوی دیموکراتیکی و تورکیاێوی دیموکراتیک کە گردو گەلا بە ئازادی و دلێ ئاشتینە بژیوانێ".

دمایی ١و ئایاری بە ورپڕای مەبارەک کریا.

دیلۆک

بە سەرمەشقایەتیی سەندیکا کرێکارییەکا و پلاتفۆرمو ژەنە دیموکراتیکاو دێرسیمی، بە بەشداریی ڕێکوستەیەکاو دەم پارتی و دەبەپەو دیلۆکی، جەژنەو ١و ئایاری مەبارەکە کریا.هەزاران هاموەڵاتێ ڕووەشا کەردە مەیدانو وێستگەو قیتارو دیلۆکی، درووشمەکاو "بژیوۆ ١و ئایاری" و "بە مدرامان سەرێ گنمێ" بەرزکرایەوە.

سەرۆکو لەقو سەندیکاو کرێکاراو پەروەردەی و ئەوەکۆڵیای (ئەگیتەم سەن) عومەر پارلاکجی و ئەنداماو کۆمیتەو ئامادەکاریی ١و ئایاری قسێشا کەردێ.

نوێنەرو کۆنفیدراسیۆنو سەندیکاکاو کرێکارە شۆڕشگێڵنا (دیسک) عەلی گودوجو واتش گردو ئازادی و مافە بنەڕەتییەکا لاو دەسەڵاتیوە ئاستەنگێ مکریا، واتش پێسەو کرێکارا گرد لێوە وەڵاتینە پەی ژیواێوی شکۆمەندی خەبات مکەرانێ.

کۆبییەیوەکەینە درووشمو "نا پەی سەرمایەی، بودجە پەی کرێکارا" و "پێوە دژو فاشیزمی" بەرزێ کریێوە.

قسەکەرو کۆنفیدراسیۆنو سەندیکاو ڕەنجدەراو جەماوەری (کەسک) عیسمەت کاراتای واتش پەی  هاموەڵاتیبییەێوە هامبەشی و ئاشتی و واڵەوبرایی و کۆشیا و ڕاو کۆشیایما هامبەشەنە، بانگەوازش کەرد پەی  یۆگێرتەی دژو ئاورایی و کۆشیای پەی یەکسانی و ئازادی و دیموکراسی. 

کۆبییەیوەکە بە گۆرانیێ و ورپڕای دماییش ئاما.