خەڵکوو مەخموری جەژنەو ڕەمەزانیشا مەبارەکە کەرڎە
خەڵکوو کەمپوو پەنابەراو مەخموری دماو نماو جەژنۍ، سەروو قەبرسانەکاشا دا و دماتەر جەژنەشا جە یۊترینی و قەوماشا مەبارەکە کەرڎە.
خەڵکوو کەمپوو پەنابەراو گەشمەرڎە ڕۊستەم جوودی (مەخمور)ی دماو نماو جەژنۍ، سەروو قەبرسانەکا و دەزگاو بنەیانەو گەشمەرڎاشا دا.
ئەرەنیشتاو مەخموری دماو نماو جەژنی جە دەزگاو بنەیانەو گەشمەرڎانە کوۍ بیۍوە و جەژنەشا جە یۊترینی مەبارەکە کەرڎە و داواو یۊبییەی بەینوو گەلوو کورڎیشا کەرڎە.
دماو دەیەقۍ مرڎای پەی گیانی پاکوو گەشمەرڎا، بە نامۍ خەڵکوو کەمپەکەیۊ "مەلا عەلی سپۍری" قسۍش کەرڎۍ.
"مەلا عەلی سپۍری" ئەوەڵوو قسەکاشنە جەژنەو ڕەمەزانیش جە "عەبدوڵلا ئۊجالان"ی ڕابەروو گەلوو کورڎی، گەریلاکاو کەشی، گەشمەرڎۍ و گرڎوو موسوڵمانا مەبارەکە کەرڎە و واتش، " جەژنەو ڕەمەزانی دایمە بیۍنە بایسوو ئازاڎی و ئاشتی. پی بۊنەوە هومۍڎەوارۍنمی گەلوو کورڎی ئازاڎ بۊ. ئایینوو ئیسلامی ماچۊ، پۍویسا شمە دەسکەوت و نرخەو وەڵاتەکەیتا پارۍزندۍ. چۍوە چڕوو وەنەو گەلەکەیمان کە وەراوەروو دوژمنی و ئەرەگیراوە دەسکەوتۍ و بەهاکاشا پارۍزنا. چی جەژنۍچنە جارۍوە تەر وەعدوو بەرڎەوامیدای بە ڕاوی گەشمەرڎا مدەیمۍوە."
دماو "مەلا عەلی سپۍرتی"ی "یوسف کارا" هامسەرۊکوو ئەنجوومەنوو گەلوو مەخموری واتش.
"جەژنە جە "عەبدوڵلا ئۊجالان"ی ڕابەروو گەلوو کورڎی، گەشمەرڎا و جەنگەوانا و ئازاڎی مەبارەکە بۊ، هومۍڎەوارۍنمۍ ئی جەژنۍ بۊ بایسوو ئازاڎیی "ڕابەر ئاپۊ"ی و گەلوو کورڎی، بە هومۍڎوو ئانەی جەژنەو ئازاڎی پۍوەرە چەنی ڕابەرایەتی مەبارەکە کەرمۍ، جارۍوە تەر جەژنمە مەبارەکە بۊ."
س.ز
