جە ئەرەیاۋناکەو کەجەدەکە-ئە، ینە ئامان کە ھورچنیەکۍ ١٤و ئایاری یەکلای کەرەوېنۍ و ئاماژەش پانەی کەرڎەن کە، "ئا ھورچنیۍ سەرەڕاو دەستنیشانکەرڎەو دەسەڵاتی بۊ بە ھورچنیېۋە کە ئاینڎەو مەنتیقەکەی یەکلایی مکەرۊوە. چی ھورچنیەینە دەنگ بڎەیمۍ بە کۊکوژی، نکوڵی، تاونایۊ کولتوری، فشار و سەرکوتکەرڎەی یا دەنگ مڎەیمۍ بە دیموکراسی، یەکسانی و ژیایۍ ئازاڎیی".

کەجەدەکە-ئە ئەرەیاۋناش؛ کە گرڎ ۋڵاڎپارێزێۋە، شۊڕشگێڵېۋە، دیموکراسیوازێۋە، ئازادیوازێۋە پێویسا پۍ پارتو چەپی سەوزی کۊشیانە و ۋێشا بیاۋنا بە گرڎ دەنگدەرێۋە.

جە ئەرەیاۋناکەنە ئامان کە دەنگدای جە جبەرو ۋڵاتی جە مابەینو ٢٧ و نیسانی و ٩و ئایارینە ملۊڕاۋە و ئانەیچ ۋیر وزیانۊ کە جە حەر ۋڵاتێۋەنە جە ۋەختی جیاجیانە دەنگدای ملۊڕاۋە.

کەجەدەکە- داواو سەفەربەریش جە گرڎو ناوەنڎ و پێکئاماکا و کۊمیسیۊنەکا ھورچنیەی کەرڎەن.

هـ . ش