کۆنگرەو جڤاکی دیموکراتیکو کوردستانییاو ئەورووپای (کەجەدەکە-ئە) پێوەس بە ورچنیەیە وێمانەکاوە ئەرەیاوناێوەش وەڵا کەردۆ، ئەرەیاوناش سیاسەتو قڕکەردەی و فشار و جەنگی ٢٢ ساڵە شکسش ئارد، واتش: "گەلو کوردی دەورو وێش دیش، جوگرافیاو کوردستانینە و تورکیانە نیشانەش دا، هێزی یەکلاییکەرەوەن دژو دیکتاتۆریەتی".

ماچۆیچ: "سەرەڕاو گردو فشار و دەسوستەینەکا وەڵێ ورچنیەی و ڕۆو ورچنیەیچ، کوردستان ئیرادەو وێش پەی دەم پارتی نیشانە دا".

هەرپاسە ئاماژە پانەیە مکەرۆ، همپەیمانیی ئاکەپە-مەهەپەی بە ئیرادەو گەلو کوردی شکسش ئارد، گەلاو تورکیایچ پی ڕژێمەیشا وات "ئیتر وەسێن".

هەرپاسە کەجەدەکە-ئە تیشکەش وستە سەرو هەڵمەتەو "ئازادیی پەی عەبدوڵا ئۆجالانی و چارەسەری سیاسی پەی پەرسەو کوردی"، ئەوەخوایش مکەرۆوە، ئی هەڵمەتێ بیێنە ئیرادەو ملوێنا کەسا.

ماچۆیچۆ، سەرکەوتەی ورچنیەیەکا لکی دریابێ بە قۆناغو گەلپارێزنیی هەڵمەتەو ئازادییوە، ماچۆ "گەلو کوردی پی ڕۆح و جۆشۆ دەورو ڕابەر ئاپۆینە یۆش گێرت". جەخت مکەرۆوە پی ورچنیەیە بەرکەوت، کە گەلو کوردی هێزی سەرەکیی سیاسەتین، حەرپاسە ماچۆیچ: "ئیساتێ هەڵمەتەو ئازادیی ڕابەر ئاپۆی بیێنە بە گەل، ملوێنان کەسێ شەوەو ٣١ ئادارینە مەیدانەکانە درووشمو "بژیوۆ سەرۆک ئاپۆی" و "ژەنی، ژیوای، ئازادی"یشا بەرزە کەردۆ".