کەجەکە- ئەوروپا بانگەوازش جە کوردەسانیا ئەوروپای و دۆساشا کەرد کە جە ١١و کانوونو دووەمی پەی ئیدانەکەردەو کۆمکوژییەکا پاریسی و جە هەمان کاتەنە یاڏکەردەیۆ گەشمەرڏا پاریسی، بە سەرمەشقایەتی تەژەکەی بەشداری ڕاپیمایشا کەرد.

جە بەیاننامەو کۆنگرەو گلێرگەو دێموکراتیکو کوردەسانە- ئەوروپا (کەجەدەکە-ئە) شۆڕشگێڵنا کوردی ساکینە جانسز، فیدان دۆغان و لەیلا شایلەمزە کە جە ٩و کانوونو دووەمی٢٠١٣ جە لایەن میتیۆ جە پاریسەنە کومکوژێ کریێ یاڏ ئاوردێ و ئەرەیاوناش ١٢ ساڵێ سەرو ئا کۆمکوژییەرە ویەرد هەڵای حەقیقەتەکێ ئاشکرا نەکریێنێ.

کەجەدەکە-ئە ئەرەیاوناش؛ وەرپرسو میتی چا کاتەنە، هاکان فیدان، یۆبییەن جە ڕێکوزەکا ئی کۆمکوژییەی و ئاماژەش پانەیەدا کە ڕۆشنا میت و ئەنقەرە وەرپرسیارێنێ جە ڕاگیری جە ئەوەکۆڵایۆ داواکاری گرڏی فەرەنساینە.  ئەرەیاوناکەینە ئامان، "ئا ئەوەکۆڵیایەی کە بەساڵانە بەردەواما هەتا ئیسە دمایش پنە نامان، هەرپاسە گەلو کوردی جنی دۆساشا بەساڵانە دماو دادپەروەریرە گێڵانە، سەرەڕاو گرڏو ئا هەوڵا نە ئەوروپا و نە فەرەنسا چا بارۆ هەنگامێوەشا نەنیان. دەسەڵاتدارا فەرەنسای بە شێوێوە نایاسایی ئەوەکۆڵیاکا کۆمکوژیەکەی دماو ١٢ ساڵا ‌هەڵای پەردەپۆش مکەرا.

کومەڵکوژی دووەم بە هێز وەرگرتن لە کومەڵکوژی یەکەم ئەنجامدا

جە بەیاننامەکەنە یاڏ ئاوردەنۆ کە دۆڵەتو فاشیستو تورکی کە چی دۆخەنە دەرفەت و هێزش بەدەس ئاردەن، جە ٢٣ی کانوونو دووەمو ٢٠٢٢نە، ئەمینە کارا (ئەڤین گۆیی)ە، میر پەروەر (محەمەد شیرین ئایدن) و عەبدولڕەحمان کزڵی کۆمکوژ کەرد و ئاماژە پانەیە کریان، یاگەکێ دیسان پاریس بێ و جارێوە تەر دۆڵەتو تورکیای وەرپرسیارو تاوانەکەی بیی ئێمە چانەیە دڵنیانمێ هەتا دەسەڵاتو دادوەری فەرەنسای کۆمکوژییەکا ٩و کانوونو دووەمی ٢٠١٣ و ٢٣ی کانوونو یوەمی ٢٠٢٢ ئاشکرا نەکریا نمەتاومێ چا وەرپرسیارەتییە ڕزگارش بۆ.

ئێمە ڕا مەڏەیمێ ئی تاوانێ بێ سزا ویەرۆنە

ئێمە بەردەوامێ بیمێ جە گێڵای لواشۆنیرە پەی دادپەروەری و چالاکییەکاما جە ئەوروپانە پەی ئانەی بکوژ و تاوانبارا بێ سزا نەمەناوە. هەرپاسە ڕا مەرەیمێ ئی کۆمکوژیا ڕژێمو ئەردۆغانی بە بێ دادگایی و بێ سزادای ویەرۆنە. پەی ئانەی دەمودەس ئا کۆمکوژیێ ڕۆشنێ کریاوە، پەی ئانەی تاوانبارێ جە دادگا جەهانییەکانە دادگایی کریا، پەنەوازا حکومەتو فەرەنسای دەمودەس چنی بنەیانەکاشا گلێر بۆوە، داواو چنە ویەردەی جە بنەیانەکاشا و گەلو کوردی بکەرۆ پەی ئانەی کۆمکوژییەکێ جە خاکو ئاریشانە ئەنجامدریان.

بکوژ دیارا، چی فەرەنسا بێدەنگا!                 

جە دما دمایی بەیاننامەکەینە، کەجەدەکە-ئە سەبارەت بە چالاکی ئیدانەکەردەو ١١و کانوونو دووەمی کە جە گار دو نۆردی پاریسی کە بە دروشمۆو 'بکوژ دیارا چی فەرەنسا بێدەنگا؟'ملۆڕاوە بانگەوازو بەشدار بییەیش کەرد.